Sariya 2:9 - ALA KA KUMA

⁹ Masaba y'a fɔ n ye ko an kana maga mowabuw la, ko an kana u kɛlɛ, ko bari ale tena foyi d'an ma u ka mara kɔnɔ. Ko ale ye Ari mara di Lɔti kɔmɔgɔw ma.

Jula NT of Côte d’Ivoire

⁹ Matigi Ala k’a fɔ ne ye ko: «Aw kana taga Mohabukaw kɛ an juguw ye, ka kɛrɛ kɛ ni o ye, sabu tɛna yɔrɔ si di an ma o ta jamana ra, sabu ne ka Ari jamana di Mohabukaw le ma, minw ye Lutu ta mɔgɔw ye, k’a kɛ o ta ye.»

Sariya 2:9 Iomraidhean Croise

Lok 2nan 20:10

A filɛ sa, sisan, amoniw ni mowabuw, ani mɔgɔ minw be *Seyiri kuluyɔrɔ la, e tun ma sɔn Isirayɛlidenw ka don minw ka mara la, u bɔnin kɔ Ezipiti jamana na, o la, u munumununa u kɔfɛ, u ma u halaki,

Zaburu 83:8

ani gebaliw, ni amoniw, ni amalɛkiw, ani filisiw ni Tirikaw ye.

Ezayi 15:1

Kirayakuma nin sinna Mowabu ma. Suu kelen kɔnɔ, bɔnɛ benna Ari dugu kan, Mowabu mara la, a halakira pewu! Suu kelen kɔnɔ, bɔnɛ benna Kiri dugu kan, Mowabu mara la, a halakira pewu!

Jateri 21:15

n'a bolow, minw jiginin be ka taga Ari faan fɛ, olu ka kɛ Mowabu mara daan ye.»

Jateri 21:28

Tasuma bɔra Ɛsibɔn, tasuma wilila Siŋɔn ka dugu kɔnɔ. A ye Ari dugu jɛni Mowabu mara la, a ye Arinɔn kuluyɔrɔw jɛni.

Jateri 22:4

Mowabuw y'a fɔ Madiyan cɛkɔrɔbaw ye ko: «Jama nin bena an lamini bɛɛ halaki sisan i n'a fɔ misi be biin ɲimi k'a ban kongo kɔnɔ cogo min na.» O y'a sɔrɔ Sipɔri dencɛ Balaki le tun ye Mowabu masacɛ ye.

Sariya 2:29

Ezawu kɔmɔgɔw y'o ɲɔgɔn le kɛ an ye, minw siginin be *Seyiri mara la, ani Mowabuw fana, minw siginin be Ari. E fana ka sɔn an be tɛmɛ ten, fɔɔ ka taga Zurudɛn baji tigɛ ka don jamana kɔnɔ, Masaba an ka Ala ye min d'an ma.»

Sariya 2:5

Aw kana u kɛlɛ, bari ne tena foyi d'aw ma u ka mara la, hali seen layɔrɔ yɛrɛ. Ne ye Seyiri kuluyɔrɔ di Ezawu ma ka kɛ a ta ye.

Kititigɛbagaw 11:15

k'a fɔ a ye ko: «Isirayɛlidenw ma mowabuw ni amoniw ka jamana minɛ.

Kititigɛbagaw 11:17

U tun ye mɔgɔ bila ka taga Edɔmu masacɛ fɛ ko a ka olu to u be tɛmɛ a ka jamana kɔnɔ, nga ale ma sɔn. U ye dɔ ci Mowabu masacɛ fana fɛ, ale fana ma sɔn. O la, u tora Kadɛsi.

Kititigɛbagaw 11:18

O kɔ, u tɛmɛna ni kongokolon ye ka taga munumunu Edɔmu jamana ani Mowabu jamana kɔfɛ. U sera Mowabu jamana kɔrɔn ɲafan fɛ, u tagara sigi Arinɔn kɔɔ kɔfɛ. U ma don Mowabu jamana kɔnɔ, bari Arinɔn kɔɔ be Mowabu daan na.