Sariya 2:7 - ALA KA KUMA

⁷ Bari ne Masaba aw ka Ala y'aw ta ɲa aw ka kokɛtaw bɛɛ la. Ne y'aw kɔlɔsi aw ka taama na kongokolonba nin kɔnɔ. A saan bi naani filɛ nin ye ni ne Masaba aw ka Ala be n'aw ye, aw ma dɛsɛ foyi si la.› »

Jula NT of Côte d’Ivoire

⁷ sabu Matigi Ala, aw ta Ala ka baraka don aw ra, aw ta kokɛtaw bɛɛ ra. A ka aw kɔrɔsi aw ta tagama bɛɛ ra, nin kongokolonba kɔnɔ. Nin ye a san binaani ye, Matigi Ala bɛ ni aw ye, foyi ma aw dɛsɛ.»

Sariya 2:7 Iomraidhean Croise

Damina 12:2

Ne bena i kɛ siya dɔ faa ye, min bena caya, ne bena hɛrɛ kɛ i ye, k'i tɔgɔ boɲa. Mɔgɔw bena hɛrɛ sɔrɔ i barika la.

Damina 24:35

Masaba ye ne kuntigi ta ɲa kosɔbɛ, a kɛra nafolotigi ye. Masaba ye misiw ni begɛnmisɛnw d'a ma, ani warigwɛ ni sanu, ani jɔncɛw ni jɔnmusow, ani ɲɔgɔmɛw ni faliw.

Damina 26:12

Isiyaka ye sɛnɛ kɛ jamana nin kɔnɔ. A ye sumansi min dan, a y'o ɲɔgɔn kɛmɛ sɔrɔ o saan na, bari Masaba y'a ta ɲa.

Damina 30:27

Laban y'a fɔ a ye ko: «Ni ne koo diyara i ye, to ne fɛ yan, bari ne ye lagwɛli kɛ k'a lɔn ko Masaba ye ne dɛmɛ i kosɔn.

Damina 39:3

A kuntigi y'a ye ko Masaba be ni Yusufu ye, ko n'a ko a be koo o koo kɛ, o be ɲa a fɛ.

Damina 39:5

Tuma min na Potifari ye Yusufu sigi a ka soo, ani a ka bololafɛn bɛɛ kunna, Masaba ye barika don Ezipiticɛ nin ka soo la Yusufu kosɔn, k'a ka soo n'a ka foro kɔnɔ fɛɛnw yiriwa.

Nehemi 9:21

I tora u fɛ saan bi naani kɔnɔ kongokolon kɔnɔ k'u mako ɲa. U tun ma dɛsɛ foyi la, u ka faniw ma faran, u seenw ma funu.

Ayuba 23:10

K'a sɔrɔ ne be sira min kan, a b'o lɔn, a be ne kɔrɔbɔra, nga ne gwɛnin le bena bɔ o la i ko sanu.

Zaburu 1:6

Masaba be mɔgɔtilenninw ka koo lɔn kosɔbɛ. Kojugukɛlaw ta be taga n'u ye halakili la.

Zaburu 107:4

U dɔw tun tununa kongokolon kɔnɔ, u ma dugu sɔrɔ ka sigi yen.

Zaburu 31:7

Josɔnbagaw koo man di ne ye. Ne be n yɛrɛ kalifa e ma, Masaba.

Zaburu 90:17

Matigi an ka Ala ka ɲumanya ka to an kan. An ka baara ka sabati. Tiɲɛ na, a to an ka baara ka yiriwa.

Bɔri 16:35

Isirayɛlidenw ye maanɛ dumu saan bi naani kɔnɔ, fɔɔ ka taga se tuma min na u sera mɔgɔw sigiyɔrɔ la jamana dɔ kɔnɔ. U ye maanɛ dumu fɔɔ ka taga se Kanaan jamana donyɔrɔ ma.

Yeremi 2:2

«Ta'a fɔ Zeruzalɛmukaw ye ko ne Masaba ko: ‹Kanuya min tun b'aw dusu la aw denmisɛn tuma na, ne hakili b'o la, tuma min na aw tun be ne kanu i ko muso min furula kura ye. Aw tun be ne kɔ kongokolon kɔnɔ, danni te se ka ɲa yɔrɔ min na.

Oze ta kitabu 13:5

Ne y'aw lɔn kongokolon kɔnɔ le, ne y'aw lɔn o yɔrɔ gwanninman na.

Amɔsi 2:10

Ne le tun y'aw bɔ Ezipiti jamana na, ne y'aw dɛmɛdɛmɛ kongokolon kɔnɔ saan bi naani kɔnɔ waasa aw ka na amoriw ka dugukolo tigiya sɔrɔ.

Jateri 1:1

Ka Isirayɛlidenw to kongokolon kɔnɔ Sinayi kulu gɛrɛfɛ, u bɔnin kɔ Ezipiti jamana na, a saan filanan kalo filanan tile fɔlɔ loon, Masaba kumana Musa fɛ Ɲɔgɔnkunbɛn fanibugu kɔnɔ ko:

Jateri 14:33

Ko u deenw bena kɛ begɛnmaralaw ye kongokolon kɔnɔ yan saan bi naani kɔnɔ ka sɛgɛn u ka tilenbaliya kosɔn fɔɔ n'u bɛɛ sara kongokolon kɔnɔ tuma min na.

Jateri 14:34

Ko u ye tile bi naani kɛ ka jamana yaala cogo min na, o cogo kelen la, u bena tɔɔrɔ u ka tilenbaliya kosɔn saan bi naani kɔnɔ, saan kelen be kɛɲɛ tile kelen ma. U ben'a lɔn ko ni ne wilila u kama, k'o man di!

Jateri 22:12

Ala y'a fɔ Balamu ye ko: «Kana taga n'u ye. Kana siya nin danga, bari dubadenw lo.»

Jateri 32:13

Ayiwa, Masaba dimina Isirayɛlidenw kɔrɔ kosɔbɛ k'a kɛ u munumununa kongokolon kɔnɔ saan bi naani kɔnɔ, mɔgɔ minw ye kojugu kɛ a ɲakɔrɔ, fɔɔ olu bɛɛ ka sa.

Luka 22:35

O kɔ, Yezu y'a fɔ a ka kalandenw ye ko: «Ne y'aw ci tuma min na k'a fɔ aw ye ko aw kana taga ni wari ni dugutagaminan ani sanbara ye, fɛɛn dɔ ye aw dɛsɛ wa?» U y'a jaabi ko foyi m'u dɛsɛ.

Yuhana 10:27

Ne be n ka sagaw lɔn, u be mɛnni kɛ n fɛ, u be tugu n kɔ.

Sariya 1:19

O kɔ, ka kɛɲɛ ni Masaba an ka Ala ka fɔta ye an ye, an bɔra *Orɛbu kulu kɔrɔ, ka kongokolonba kabakoman nin cɛtigɛ, aw y'a ye cɔ! An tun ye amoriw ka kuluyɔrɔ sira ta ka taga se Kadɛsi Barineya.

Sariya 1:46

Aw tora Kadɛsi tugu ka mɛn yen kosɔbɛ.

Sariya 2:14

An ye waati min kɛ k'a ta an bɔtuma ma Kadɛsi Barineya ka taga Zerɛdi kɔɔ tigɛ, o kɛra saan bi saba ni seegi ye. Mɔgɔ minw tun be se ka taga kɛlɛ la jama cɛma, o y'a sɔrɔ olu bɛɛ sara, i ko Masaba tun y'a fɔ u ye k'a gwɛlɛya cogo min na.

Sariya 2:6

Aw ka kan ka warigwɛ falen dumuni na, ani aw ka minji fana.

Sariya 29:4

«A y'a to aw taamana kongokolon kɔnɔ saan bi naani, aw ka faniw ma cɛn, aw sennasanbaraw ma ban.

Sariya 29:5

Aw ma buru dumu, walima duvɛn, walima dɔrɔ fariman wɛrɛ min. O kɛra janko aw k'a lɔn ko ale ye Masaba aw ka Ala ye.

Yosuwe 5:6

Isirayɛlidenw tun taamana kongokolon kɔnɔ saan bi naani, mɔgɔ minw bɛɛ tun be se ka taga kɛlɛ la u bɔtuma na Ezipiti jamana na, olu bɛɛ tun sara. Bari u tun ma sɔn ka mɛnni kɛ Masaba fɛ. Masaba tun y'a fɔ u ye k'a gwɛlɛya ko ale tun y'a daa di u faaw ma jamana min koo la, nɔnɔ ni lii ka ca yɔrɔ min na kosɔbɛ, ko u ɲaa tena la o jamana diman nin kan tugu.