Sariya 2:11 - ALA KA KUMA

¹¹ Mɔgɔw tun be anakiw jati erefaw ye cogo min na, u tun b'u jati ten fana. Nga mowabuw tun be to k'o wele ko emiw.

Jula NT of Côte d’Ivoire

¹¹ Mɔgɔw tun bɛ o jate Refayika dɔw le ye fana, i n’a fɔ Anakikaw; nka Mohabukaw tun bɛ o wele ko Emitikaw.

Sariya 2:11 Iomraidhean Croise

Damina 14:5

A saan tan ni naaninan na, masacɛ Kedɔrilawomɛri ni masacɛ minw jɛnna n'a ye, u tun sera erefaw kɔrɔ Asitarɔtikaranayimu mara la, ka se zuziw kɔrɔ Amu mara la, ani ka se emuw kɔrɔ Kiriyatayimu mara la fana,

Damina 6:4

Tuma min na batofɛnw deenw jɛnna ni mɔgɔw denmusow ye ka deenw sɔrɔ u fɛ, o waati la, mɔgɔjanjanw tun be yen dugukolo kan, ani u tun be yen kɔfɛ fana. Olu tun ye fɔlɔfɔlɔ cɛfariw ye, u tɔgɔw bɔra kosɔbɛ.

Sam 2nan 21:16

Arafa kɔmɔgɔw kelen, Yisibibenɔbu, tun b'a fɛ k'a faga. A ka taman gwiliya tun sera zira kilo saba ni kɔ ma, murujan kuraman fana tun b'a fɛ.

Jateri 13:22

U tɛmɛna ka don jamana nin worodugu ɲafan na ka taga se Eburɔn, Anaki kɔmɔgɔ Ayiman ni Sesayi ni Talimayi siginin tun be yɔrɔ min na. Eburɔn dugu tun sigira, saan wolonwula, *Tanisi ka sɔrɔ ka sigi Ezipiti jamana na.

Jateri 13:28

Nga barika be jamana mɔgɔ nunu na, u ka duguw ye dugu barikamanw ye, u ka bonbon kosɔbɛ! An yɛrɛ ye Anaki kɔmɔgɔw ye yen.

Jateri 13:33

An ye mɔgɔjanjanw ye yen, Anaki kɔmɔgɔw lo, siya nin bɛɛ ye mɔgɔjanjanw ye. An yɛrɛ ɲana, an tun be i n'a fɔ tɔɔnw. An tun be i n'a fɔ tɔɔnw u ɲana tiɲɛ na.»

Sariya 1:28

Anw bena taga min? An balimaw y'an fari faga, u ko: ‹Mɔgɔ nunu barika ka bon n'an ta ye, u ka janjan n'an ye, u ka duguw ka bonbon, u laminikogow ka janjan kosɔbɛ. An yɛrɛ ye anaki dɔw ye yen.› »

Sariya 2:20

O yɔrɔ fana tun jatinin be erefaw ka mara ye. Erefaw le tun siginin be yen fɔlɔfɔlɔ, amoniw tun be to k'u wele ko zamuzumuw.

Sariya 3:11

Basan masacɛ Ɔgi kelen dɔrɔn le tun be sii la erefaw cɛma. A ka dilan tun ye nigɛ ye. A jaɲa tun ye mɛtɛrɛ naani ni kɔ ye, a waga ye mɛtɛrɛ fila ɲɔgɔn ye. Halibi, a be Araba, min ye amoniw ka masadugu ye.

Sariya 9:2

Fanga b'o mɔgɔ nunu la, u ka janjan, anakiw lo! Aw b'u lɔn, ani aw y'u koo mɛn fana ko: ‹Jɔn be se ka lɔ anakiw ɲa?›