Sariya 19:15 - ALA KA KUMA

¹⁵ «N'a kɛra ko mɔgɔ dɔ ye kojugu dɔ kɛ, walima hakɛ dɔ, walima kodagabali sifa wɛrɛ, o tigi te se ka jalaki seere kelen ka kuma kama. Tiɲɛ be se ka lɔn seere fila, walima seere saba ka kuma le kosɔn.

Jula NT of Côte d’Ivoire

¹⁵ Aw man kan ka mɔgɔ si jaraki ka kiti ben a kan mɔgɔ kelen dɔrɔn ta kuma kosɔn, ko a ka mɔgɔ faga, walama ko a ka kojugu dɔ kɛ, ni a kɛra kojugu min o min ye. Sani aw ye ko dɔ jate ko can lo, seere fla walama seere saba ka kan ka sɔrɔ o ko ra.

Sariya 19:15 Iomraidhean Croise

Mas fɔlɔ 21:10

K'o kɔ, u ka mɔgɔjugu fila dɔ sigi a ɲafɛ, k'u kɔnɔnasu a kama, u k'a fɔ ko a ye Ala nɛni, ka masacɛ danga. K'o kɔ, u k'a minɛ ka taga n'a ye dugu kɔfɛ, k'a bon ni kabakuruw ye k'a faga.

Mas fɔlɔ 21:13

Mɔgɔjugu fila nana sigi Nabɔti ɲafɛ, k'a fɔ jama ɲana ko: «Nabɔti ye Ala nɛni, ka masacɛ danga.» O kɔ, u ye Nabɔti minɛ ka taga n'a ye dugu kɔfɛ k'a bon ni kabakuruw ye k'a faga.

Jateri 35:30

«Ni mɔgɔ dɔ ye mɔgɔ faga, o tigi te se ka faga fɔɔ seerew ka sɔrɔ o la. A fana man kan ka faga mɔgɔ kelenpe dama ka seereya kosɔn.

Matiyu 18:16

Nga n'a banna k'i lamɛn, i ka mɔgɔ kelen, walima fila fara i kan ka ta'a fɛ tugu, waasa mɔgɔ fila, walima mɔgɔ saba k'o koo ɲanabɔ.

Yuhana 7:51

«Ka kɛɲɛ ni sariya ye, an be se ka mɔgɔ jalaki n'a tigi darakan ma mɛn wa? N'a ka kɛwali ma lɔn wa?»

Yuhana 8:17

A yɛrɛ fɔra aw ka sariya la ko ni mɔgɔ fila ka seereya bɛnna ɲɔgɔn ma, o ye tiɲɛ tigitigi ye.

Kor 2nan 13:1

Nin taama nin bena kɛ ne taako sabanan ye aw fɛ. «Koo o koo minw be yen, u bena latigɛ, ka kɛɲɛ ni mɔgɔ fila, walima mɔgɔ saba ka seereya ye» i ko a fɔra Ala ka kuma na cogo min na.

Sariya 17:6

Mɔgɔ min ka jalaki ser'a fagako ma, o tigi be se ka faga ni seere mɔgɔ fila, walima saba sɔrɔla. N'o tɛ, a te se ka faga seere kelen kosɔn.

Tim fɔlɔ 5:19

I kana sɔn ka Krista ka jama ɲamɔgɔ jalaki, n'i m'a ka koo kɛnin mɛn seere fila, walima mɔgɔ saba daa la.

Heburuw 10:28

Ni mɔgɔ o mɔgɔ ye Musa ka sariya cɛn, ni seere fila, walima saba, sɔrɔla k'a fɔ ko tiɲɛ lo, o tigi ka kan ka faga, u man kan ka makari a la yɛrɛ.