Sariya 18:20 - ALA KA KUMA

²⁰ Nga ni kira min y'a jaa gwɛlɛya ka kuma dɔ fɔ ne tɔgɔ la k'a sɔrɔ ne ma o fɔ a ye, walima ka kuma batofɛn wɛrɛ tɔgɔ la, o ka kan ka faga.›

Jula NT of Côte d’Ivoire

²⁰ «Nka ni cira min ka sɔn k’a kun gbɛlɛya ka kuma dɔ fɔ ne tɔgɔ ra, ne m’a ci ko a ye kuma min fɔ, walama ni cira min kumana mɔgɔw fɛ batofɛn wɛrɛw tɔgɔ ra, o cira ka kan ka faga.»

Sariya 18:20 Iomraidhean Croise

Mas fɔlɔ 13:19

O la, Ala ka mɔgɔ nin tugur'a kɔ ka na soo, ka dumuni kɛ ka jii min.

Mas fɔlɔ 18:19

Sisan, i ka Isirayɛlidenw bɛɛ lajɛn ne Eli gɛrɛfɛ, Karimɛli kulu kan, ni Baali ka kira mɔgɔ kɛmɛ naani ni bi duuru nunu, ani *Asera ka kira kɛmɛ naani minw be dumuni kɛ Zezabɛli fɛ.»

Mas fɔlɔ 18:27

Tilegwanfɛ, Eli y'a daminɛ ka yɛlɛ u la. A tun b'a fɔra ko: «Aw ye pɛrɛn kosɔbɛ! Batofɛn lo, n'a sɔrɔ a be koo dɔ la, walima a degunnin lo, walima a tagara yaalayɔrɔ la. N'a sɔrɔ a be sinɔgɔ la, a bena kunun.»

Mas fɔlɔ 18:40

O kɔ, Eli y'a fɔ u ye ko u ka Baali ka kira nunu minɛ, ko u kan'a to kelen yɛrɛ be boli. U y'u minɛ. Eli tagara n'u ye Kisɔn kɔɔ daa la k'u kaan tigɛ yen.

Yeremi 2:8

Sarakalasebagaw ma u yɛrɛ ɲininga ko: ‹Masaba be min?› Sariya lɔnbagaw ma ne lɔn. Ɲamɔgɔw murutira ne ma. Kiraw kumana *Baali tɔgɔ la, u tugura fɛɛn fufafuw kɔ.

Yeremi 23:30

Masaba ko: «O le y'a to ne be wili kiraw kama. Olu minw be ne ka kuma namara u ni ɲɔgɔnw cɛ.

Yeremi 23:31

Ne bena wili kiraw kama. Olu minw b'u daa diya gwansan k'u ka kuma ye ne ta ye. Ne Masaba le ko ten!

Yeremi 26:11

O tuma na, sarakalasebagaw ni kiraw y'a fɔ jamana ɲamɔgɔw ni jama bɛɛ ye ko: «Cɛɛ nin ka kan ni fagali le ye! Bari, a ye kirayakuma fɔ dugu nin kama, i n'a fɔ aw yɛrɛ y'a mɛn cogo min na.»

Yeremi 27:15

Ne m'u ci. U be galonkiraya kɛra ne tɔgɔ la. Ne ben'aw gwɛn ka taga, aw bena sa, aw ni kira minw b'o kirayakuma nunu fɔ aw ye. Ne Masaba le ko ten.»

Ezekiyɛli 13:6

U ka yelifɛnw ye fɛnkolonw ye, u ka kirayakuma ye galon ye. U b'a fɔ ko: Masaba kumana, k'a sɔrɔ Masaba ma u ci. O bɛɛ n'a ta, u be miiri ko u be min fɔ, k'o bena kɛ.

Jakariya 13:2

Masaba, Setigi ko: «O waati la, ne ben'a kɛ joow tɔgɔw be tunu ka bɔ jamana kɔnɔ. U tɔgɔ tena wele tugu. Ne bena kira galontigɛlaw gwɛn, ka joko nigɛ bɔ mɔgɔw la.

Jakariya 13:3

O tuma na, ni mɔgɔ dɔ ye kirayakuma fɔ, a yɛrɛ facɛ n'a bamuso le ben'a fɔ a ye ko: ‹I ka kan ka faga, bari i be galon le tigɛra Masaba tɔgɔ la.› O la, n'a ye kiraya kɛ, a yɛrɛ wolofa n'a yɛrɛ woloba le ben'a sɔgɔ ni muru ye.

Matiyu 7:15

«Mɔgɔ minw be galon tigɛ k'olu ye kiraw ye, aw k'aw yɛrɛ kɔlɔsi olu la. N'u be na aw fɛ, u b'u yɛrɛ kɛ sagaw ye k'a sɔrɔ waraw lo.

Sariya 13:6

O kira, walima o yelikɛla nin ka kan ka faga, bari a tun b'a fɔra ko aw ka muruti Masaba aw ka Ala ma. Ale min y'aw bɔ Ezipiti jamana na jɔnya la. A b'a fɛ k'aw faran ka bɔ Masaba aw ka Ala ka sira la. Masaba ko aw ka min taama. Aw ka kan ka kojugu bɔ aw cɛma.

Sariya 17:12

«Sarakalasebaga min b'a ka baara kɛ Masaba aw ka Ala ɲakɔrɔ, ni mɔgɔ dɔ y'a ɲaa don ale la, walima kititigɛla la, ka koo dɔ kɛ n'a ma mɛnni kɛ u fɛ, o tigi ka kan ka faga. O la, aw bena kojugu bɔ Isirayɛlidenw cɛma.

Sariya 18:21

«N'a sɔrɔ aw b'aw yɛrɛ ɲiningana ko: ‹Mɔgɔ be se ka kɛ cogo di k'a lɔn ko Masaba ka kuma tɛ?›

Sariya 18:22

Tiɲɛ na, ni kira dɔ ye kuma dɔ fɔ Masaba tɔgɔ la, n'o koo ma kɛ, o kɔrɔ ko Masaba ma o kuma fɔ. O kira y'a jaa gwɛlɛya k'o fɔ a yɛrɛ ma. Aw kana siran a ɲa.

Piy 2nan 2:12

O mɔgɔ nunu ka kɛwaliw ni begɛnw ta kɛra kelen ye. U laban ni begɛnw ta bena kɛ kelen ye. U bena halaki. U te fɛɛn min lɔn, u be kumajugu fɔ o le koo la.

Yirari 19:20

Nga u ye Sogo nin kɛlɛ k'a minɛ, ka kira galontigɛla minɛ. Ale min tun be to ka kabakow kɛ a ɲana ka mɔgɔw lafili ka di Sogo nin ma, k'a kɛ Sogo nin ka taamasiɲɛ bilara mɔgɔw kan, n'u y'a bato. U ye Sogo nin, ani kira galontigɛla minɛ k'u fili jahanama na. Tasuma ni kiribi le mananin be yen.

Kititigɛbagaw 2:15

U tun mana taga kɛlɛ la yɔrɔ o yɔrɔ, Masaba bolo tun b'u kan ka kojugu kɛ u la, ka kɛɲɛ a ye min fɔ ka gwɛlɛya u ye. O kama, sigɛnba y'u sɔrɔ.