Sariya 18:2 - ALA KA KUMA

² Niyɔrɔ tena sɔrɔ u fɛ u balimaw cɛma, bari u niyɔrɔ ye Masaba le ye i n'a fɔ a y'a daa di u ma cogo min na.

Jula NT of Côte d’Ivoire

² Olugu tɛna dugukolo foyi sɔrɔ jamana kɔnɔ i n’a fɔ o balema tɔw. Matigi Ala yɛrɛ le ye olugu ninyɔrɔ ye, i n’a fɔ a tun k’a fɔ o ye cogo min na.

Sariya 18:2 Iomraidhean Croise

Damina 15:1

O koow tɛmɛnin kɔ, Masaba y'a yɛrɛ yira Abramu la k'a fɔ a ye ko: «Abramu, i kana siran. Ne y'i tangabaga ye i n'a fɔ kɛlɛden ka nigɛkunbɛnnan, i ka sara bena caya kosɔbɛ.»

Zaburu 119:57

Masaba, ne niyɔrɔ ye min ye, o ye k'i ka kuma bato.

Zaburu 16:5

Masaba, ele lo ye ne ka koo bɛɛ ye, i be ne makoyafɛnw bɛɛ di ne ma. Ne ka siniɲasigi b'i bolo.

Zaburu 84:11

Ka loon kelen dama kɛ ele Ala ka luuw kɔnɔ, o ka fisa ni tile waa kelen kɛnin ye yɔrɔ wɛrɛ. N bena to n ka Ala ka soo daa la, o ka fisa n ka to mɔgɔjuguw ka soo kɔnɔ.

Ezayi 61:6

Aw kɔni, u bena aw wele ko Masaba ka sarakalasebagaw, u bena aw wele ko an ka Ala ka baarakɛlaw. Aw bena siya wɛrɛw ka nafolo dumu, aw bena u ka kunkɔrɔtafɛnw kɛ aw ka masirifɛnw ye.

Kasikan 3:24

Masaba ye ne ka koo bɛɛ ye. O le be ne kɔnɔ. O kama, ne be n jigi la a kan.

Ezekiyɛli 44:28

«Sarakalasebagaw bena niyɔrɔ min sɔrɔ, o ye ne le ye. Aw man kan ka fɛɛn si d'u ma Isirayɛlidenw cɛma. Ne le bena kɛ u niyɔrɔ ye.

Jateri 18:20

Masaba y'a fɔ Arɔn ye ko: «I tena niyɔrɔ sɔrɔ u ka dugukolo la, i tena niyɔrɔ si sɔrɔ Isirayɛlidenw cɛma. Ne le ye i niyɔrɔ ye u cɛma.»

Jateri 18:7

Nga e n'i dencɛw dɔrɔn be se ka sarakalasebaara kɛ sarakabɔyɔrɔ la, ani ne sigiyɔrɔ la, soo cɛtigɛfani kɔfɛ. Ne be sarakalasebaara dira aw ma k'aw boɲa. Ni mɔgɔ o mɔgɔ gwɛrɛla ne la min te Levi kɔmɔgɔ ye, u k'a faga.»

Sariya 10:9

O kama, Levi kɔmɔgɔw ma niyɔrɔ sɔrɔ dugukolo tilannin na u badenw cɛma. U niyɔrɔ ye ka baara kɛ Masaba ye, i ko Masaba aw ka Ala y'a fɔ u ye cogo min na.

Yosuwe 13:14

Musa tun ma niyɔrɔ di Levi kɔmɔgɔw ma, saraka minw be to ka jɛni Masaba, Isirayɛli ka Ala ɲakɔrɔ, o le kɛra u niyɔrɔ ye i ko a tun y'a fɔ u ye cogo min na.

Piy fɔlɔ 2:5

O la, aw be kɛ a bɔɲɔgɔnko kabakuru ɲanamanw ye, minw bena kɛ ka Nii Senuman ka soo lɔ, ani ka kɛ sarakalasebagaw ye, k'aw yɛrɛ di Ala ma Yezu Krista barika la. O ka d'a ye.

Piy fɔlɔ 2:9

Nga aw kɔni, aw wolomana ka kɛ Setigi Ala ka sarakalasebagaw, ni siya senuman ye. A y'aw sama ka bɔ dibi la k'aw bila a ka kɛnɛba la janko aw k'a ka ɲumanya koo fɔ.