Sariya 17:8 - ALA KA KUMA

⁸ «Ni kiti dɔ gwɛlɛyara aw fɛ, i n'a fɔ mɔgɔfagako, walima sɔsɔliko dɔ, walima dɔ k'a tɔɲɔgɔn mandimi, aw ka kan ka taga n'o ye Masaba aw ka Ala ka yɔrɔ wolomanin na.

Jula NT of Côte d’Ivoire

⁸ Ni o nana ni kiti dɔ ye aw ta dugu kititigɛyɔrɔ ra, ni mɔgɔfagako lo, walama ni ko dɔ le donna mɔgɔ fla cɛ, walama ni dɔ le ka dɔ mandimi, ni o ko gbɛlɛyara aw ma, ni aw tɛ se ka o kiti tigɛ, aw ye taga ni o ko ye Matigi Ala, aw ta Ala ta yɔrɔ ra, a ka yɔrɔ min ɲanawoloma.

Sariya 17:8 Iomraidhean Croise

Sam 2nan 15:2

A tun be to ka wili sɔgɔmada joona ka taga lɔ sirada la, dugu donda la. Ni mɔgɔ min ye kitiko sɔrɔ n'o tigi be nana masacɛ le fɛ janko k'o koo ɲanabɔ, a tun be to k'o tigi nin wele k'a ɲininga ko ale bɔra dugu jumɛn na. N'o tigi y'a fɔ ko ale bɔra nin mara kɔnɔ Isirayɛlidenw ka maraw cɛma,

Lok fɔlɔ 26:29

Yiseyari ka fadenyabolo la, Kenaniyawu n'a deenw le tun kɛra Isirayɛlidenw ka konyanabɔbagaw ni kititigɛlaw ye jamana kɔnɔ.

Bɔri 18:15

Musa y'a birancɛ jaabi ko: «Jama be na ne fɛ, janko ka Ala sago lɔn.

Bɔri 18:26

Olu le tun be jama ka kitikow ɲanabɔ tuma bɛɛ. U tun be taga Musa sɛgɛrɛ ni kogwɛlɛnw ye, ka komisɛnw ɲanabɔ u yɛrɛ ma.

Bɔri 21:20

«Ni mɔgɔ dɔ y'a ka jɔɔn bugɔ ni bere ye, a cɛman fara musoman kan, n'o kɛra sababu ye a sara, u kana o tigi to ɲasuma na.

Bɔri 21:22

«Ni cɛɛ dɔw kɛlɛla fɔɔ ka taga gosi muso kɔnɔman na, ka kɛ sababu ye a jigira ni basi wɛrɛ ma sɔrɔ, muso nin cɛɛ mana warida min fɔ, ni kititigɛlaw sɔnna o ma, kɛlɛkelaw bena o sara.

Bɔri 21:28

«Ni misi ye cɛɛ, walima muso susu n'a gɔɔn ye k'a faga, u ka misi nin bon ni kabakuruw ye k'a faga. A sogo kana ɲimi. Misitigi te kunko sɔrɔ tugu.

Bɔri 22:2

Nga n'a kɛra tilefɛ, a fagabaga jalakinin lo. «Soon ye fɛɛn min soɲa, a k'o sara. Ni foyi t'a fɛ, a yɛrɛ bena feere k'o sara.

Bɔri 22:8

«Ni namara donna misi dɔ koo la, walima fali, walima saga, walima fani, walima fɛɛn wɛrɛ koo la, min tun tununa, ni sɔsɔli be kɛra o koo la, nin ko a ta lo, nin ko a ta lo, sɔsɔlikɛbaga nunu bena na ne Ala ɲakɔrɔ. Ni ne y'a yira ko min ta tɛ, o tigi bena o fɛɛn nin ɲɔgɔn fila sara a tɔɲɔgɔn ye.

Ezekiyɛli 44:24

Ni koo dɔ be mɔgɔ dɔ n'a tɔɲɔgɔn cɛ, u k'o koo nin ɲanabɔ ka kiti tigɛ ka kɛɲɛ ni ne ka sariyaw ye. U ka ne ka sariyaw ni ne ka koo latigɛninw bato ne ka ɲanagwɛw bɛɛ koo la, ani ka ne ka lafiɲɛlonw saniya.

Hagize 2:11

«Ne Masaba, Setigi ko i ka sarakalasebagaw ɲininga.

Malaki 2:7

Bari, lɔnniyakuma be sarakalasebagaw le daa la. Mɔgɔw be ne koow lɔnniya ɲini ale lo fɛ, sabu ne Masaba, Setigi ka ciden lo.

Jateri 35:11

ko u ka dugu dɔw woloma k'u kɛ kalifayɔrɔw ye, janko ni mɔgɔ min ye mɔgɔ dɔ faga n'a m'a lawili a kama, ale ka se ka boli ka taga o yɔrɔ la.

Jateri 35:16

«Ni mɔgɔ dɔ y'a mɔgɔɲɔgɔn bugɔ ni nigɛ ye, n'o tigi sara, a bugɔbaga ye mɔgɔfagala ye, a ka kan ka faga.

Sariya 1:17

Ko u kana mɔgɔ bɔ mɔgɔ la u ka kiti la. U ka kan ka mɛnni kɛ fantan fɛ i n'a fɔ mɔgɔbabaw. Ko u kana siran mɔgɔ si ɲa, bari kitiko ye Ala ta ye. Ko ni koo min gwɛlɛyara u ma, u ka na n'o ye ne fɛ, ne k'o ɲanabɔ.

Sariya 12:11

Masaba aw ka Ala bena yɔrɔ min woloma k'a kɛ a sigiyɔrɔ ye, ne be fɛɛn minw bɛɛ fɔra aw ye, aw bena taga n'u ye o yɔrɔ la: Aw ka saraka jɛnitaw, ni saraka wɛrɛw, n'aw ka jakaw, n'aw ka boɲafɛnw, n'aw ka dajuru sarataw.

Sariya 12:14

Masaba bena yɔrɔ min woloma aw ka mara nunu cɛma, aw bena aw ka sarakaw bɔ o yɔrɔ le la. Ne ye koo minw bɛɛ fɔ aw ye, aw k'u bɛɛ kɛ yen.

Sariya 12:5

Nga Masaba bena yɔrɔ min woloma aw ka sigiyɔrɔ la, janko a ka sigi yen, aw ka kan ka taga o yɔrɔ le la.

Sariya 19:17

sarakalasebagaw ni kititigɛla minw be baara kɛ o waati la, mɔgɔ fila nunu bena taga olu fɛ Masaba ɲakɔrɔ.

Sariya 19:4

«Mɔgɔfagala min be se ka boli ka ta'a kalifa dugu nunu dɔ kɔnɔ, janko k'a yɛrɛ kisi, o filɛ nin ye: Ni mɔgɔ dɔ y'a tɔɲɔgɔn faga, k'a sɔrɔ a tun m'a lawili o ma, n'a tun m'a kɔniya ka kɔrɔ.

Sariya 21:5

«O tuma na, sarakalasebagaw, minw ye Levi kɔmɔgɔw ye, olu bena gwɛrɛ, bari Masaba aw ka Ala ye olu le woloma a ka baara kama ani ka dubaw kɛ a tɔgɔ la, olu fana le be sɔsɔli ni madimikow bɛɛ ɲanabɔ.

Sariya 25:1

«Ni mɔgɔ fila bilara ɲɔgɔn na Isirayɛlidenw cɛma, u ka kan ka taga kititigɛlaw fɛ, mɔgɔ min ka kan ka jalaki, u k'ale jalaki, tiɲɛ be min fɛ, o tigi ka tiɲɛ sɔrɔ.