Sariya 17:5 - ALA KA KUMA

⁵ o kojugu nin kɛbaga mana kɛ muso, walima cɛɛ ye wo, aw k'a minɛ ka taga n'a ye dugu donda la, k'a bon ni kabakuru ye k'a faga.

Jula NT of Côte d’Ivoire

⁵ Ni can lo, o cɛ, walama o muso min ka o kojugu kɛ, aw ye na ni o tigi ye aw ta dugu donda* ra, k’a bon ni kabakuru ye k’a faga.

Sariya 17:5 Iomraidhean Croise

Ayuba 31:28

o fana tun bena kɛ kojugu ye, kititigɛlaw ka kan ka min kiti kɛ. Bari, o ye Ala janfako le ye.

Bɔri 22:19

«Mɔgɔ o mɔgɔ ye saraka bɔ batofɛn wɛrɛ ye ni ne Masaba kelen tɛ, o tigi ka halaki.

Sarakalasebagaw 20:2

«A fɔ Isirayɛlidenw ye ko: «Ni mɔgɔ o mɔgɔ y'a deen dɔ di *Milikɔmu ma, Isirayɛliden fara lonan kan min siginin be Isirayɛli jamana kɔnɔ, o tigi ka faga. Jama k'a bon ni kabakuruw ye.

Sarakalasebagaw 24:14

«Taga n'o Ala tɔgɔ cɛnbaga nin ye jama ka sigiyɔrɔ kɔfɛ. A ye kuma fɔ mɔgɔ minw bɛɛ ɲana, olu k'u bolo la a kuun na, o kɔ, jama bɛɛ k'a bon ni kabakuruw ye k'a faga.

Sarakalasebagaw 24:16

Ni mɔgɔ min ye ne Masaba tɔgɔjugu fɔ, o ka kan ka faga. Jama bɛɛ k'a bon ni kabakuruw ye. Mɔgɔ te bɔ mɔgɔ la, dugulen walima lonan, min siginin be aw cɛma, n'a ye ne tɔgɔjugu fɔ, a ka kan ka faga.

Sariya 13:5

Aw ka tugu Masaba aw ka Ala kɔ, ka siran a ɲa. Aw k'a ka kuma bato sɔbɛ la, k'ale kelenpe bato ka nɔrɔ a la.

Sariya 17:4

n'aw y'o koo mɛn dɔrɔn, aw ka sɛgɛsɛgɛli kɛ kosɔbɛ. N'a lɔnna k'o kokolon nin kɛra tiɲɛ na Isirayɛlidenw cɛma,

Sariya 21:21

O kɔ, dugumɔgɔw bɛɛ b'a bon ni kabakuru ye fɔɔ k'a faga. O la, aw bena kojugu bɔ aw cɛma. Isirayɛlidenw bɛɛ bena o koo mɛn, u bena siran.

Sariya 22:21

u bena bɔ ni muso nin ye a facɛ ka bonda la, dugumɔgɔw ben'a bon ni kabakuru ye k'a faga, bari a ye maloyako kɛ Isirayɛlidenw cɛma. K'a to a facɛ ka soo kɔnɔ, a ye kakalaya kɛ. O la, aw bena kojugu bɔ aw cɛma.

Sariya 22:24

aw bena u minɛ ka taga n'u fila bɛɛ ye dugu donda la, k'u bon ni kabakuru ye k'u faga. Aw ka sunguru nin faga bari a tun be dugu kɔnɔ, a do ma kule ka mɔgɔ wele ka n'a dɛmɛ. Aw ka cɛɛ nin fana faga, bari a jɛnna ni mɔgɔ wɛrɛ ka muso ye. O la, aw bena kojugu bɔ aw cɛma.

Yosuwe 7:25

Zozuwe y'a fɔ a ye ko: «Mun na i ye an sigɛn ten? Masaba fana bena ele sigɛn bii.» O kɔ, Isirayɛlidenw bɛɛ ye kabakuruw ta k'a bon ka faga, n'a kɔmɔgɔw, k'u jɛni.

Kititigɛbagaw 6:31

Mɔgɔ minw bɛɛ tun b'a gɛrɛfɛ, Yowasi ye olu jaabi ko: «Aw le ka kan ka baali dɛmɛ wa? Walima aw le ben'a tanga? Mɔgɔ o mɔgɔ y'a fɔ ko ale bena baali dɛmɛ nin kɛlɛ la, o tigi bena sa, dugu yɛrɛ te gwɛ. Ni Baali ye batofɛn ɲanaman ye, a ka dɔ kɛ a yɛrɛ ma bari mɔgɔ dɔ y'a ka sɔnyɔrɔ ci.»