Sariya 17:3 - ALA KA KUMA

³ ka taga fɛɛn wɛrɛw bato, k'a kunbiri gwan u kɔrɔ, min be danna ne ka fɔta la, walima ka tile bato, walima kalo, walima lolow,

Jula NT of Côte d’Ivoire

³ ni a bɛ taga batofɛn wɛrɛw kɔ, ka taga a kinbiri gban olugu kɔrɔ ka o bato, ka tere walama karo walama lolow bato, o tigi bɛ o min kɛra ten, Ala ta sariya ma o fɔ.

Sariya 17:3 Iomraidhean Croise

Damina 2:1

Sankolo ni dugukolo n'u kɔnɔnafɛnw bɛɛ danni bana ten.

Mas 2nan 21:3

A facɛ Ezekiyasi tun ye sɔnnikɛyɔrɔ minw cɛn, a ye olu lalaga ka lɔ tugu, ka Baali sɔnyɔrɔ dɔw lɔ, ka Asera jaaw tutu i n'a fɔ Isirayɛli mara masacɛ Akabu tun y'a kɛ cogo min na, ani k'a kunbiri gwan lolow ni kalo, ani tile kɔrɔ k'u bato.

Bɔri 22:20

«Aw man kan ka lonan tɔɲɔ, aw kan'a tɔɔrɔ fana. Bari aw tun ye lonanw ye Ezipiti jamana na.

Yeremi 19:5

U ye *Baali sɔnyɔrɔw lalaga, waasa k'u deenw kɛ sɔnnifɛnw ye k'u jɛni Baali ye. Ne ma o ɲini o fɛ. N m'o fɔ ka ye, n m'o miiri ka ye!›

Yeremi 32:35

U ye sɔnnikɛyɔrɔw labɛn Baali ye Bɛninɔmu kɔkɛnɛ na, waasa u ka se k'u deen cɛmanw ni musomanw di sarakafɛn ye *Milikɔmu ma k'u jɛni. Ne ma deli k'o fɔ u ye, ne yɛrɛ ma deli k'o kojugu nin ɲɔgɔn miiri, waasa ka Zuda mara mɔgɔw bila kojugukɛ la.

Yeremi 7:31

U ye sɔnnikɛyɔrɔ lalaga Bɛninɔn kɔkɛnɛ na, min tɔgɔ ko Tafɛti, waasa k'u dencɛw n'u denmusow kɛ sɔnnifɛnw ye k'u jɛni o yɔrɔ la. Ne m'o sira di, ne ma miiri o la ka ye.

Yeremi 8:2

O kolow bena yɛrɛkɛ tile kɔrɔ, ni kalo, ani lolow. Minw koo tun diyara u ye, u ye minw bato, ka tugu u kɔ ka to k'u ɲininga, ani k'u bato. Kolo nunu tena cɛ ka don kaburu kɔnɔ tugu, u bena kɛ nɔgɔ ye dugukolo kan.

Ezekiyɛli 8:16

O kɔ, a tagara ni ne ye Masaba ka soo kɔnɔnalu kɔnɔ. Mɔgɔ mugan ni duuru ɲɔgɔn tun be soo nin donda la, bulonda ni sarakabɔyɔrɔ cɛ. O tun ye u kɔɔ sin Alabatoso nin ma k'u ɲaa sin kɔrɔn faan fɛ. U tun be birila ka tile bato kɔrɔn fɛ.

Sariya 11:16

«Aw k'aw yɛrɛ minɛ kosɔbɛ, aw kana jɛngɛ ka bɔ siratilennin kan, ka fɛɛn wɛrɛw bato, ani k'aw kunbiri gwan u kɔrɔ.

Sariya 17:4

n'aw y'o koo mɛn dɔrɔn, aw ka sɛgɛsɛgɛli kɛ kosɔbɛ. N'a lɔnna k'o kokolon nin kɛra tiɲɛ na Isirayɛlidenw cɛma,

Sariya 4:19

«Aw kana tile ni kalo ni lolow ye dɔrɔn ka to k'u bato. Aw kan'a to o sankolo kɔnɔ fɛɛn nunu si batoko nigɛ k'aw minɛ, aw kana baara kɛ u ye. Masaba aw ka Ala y'o koo nunu di siyaw bɛɛ ma.

Yosuwe 23:16

Bɛɛn min be aw ni Masaba aw ka Ala cɛ, a ko aw ka min bato, n'aw y'o cɛn, n'aw tagara joow sɔn k'aw kunbiri gwan u kɔrɔ, Masaba bena dimi aw kɔrɔ, o la, aw bena halaki ka bɔ jamanaɲuman nin kɔnɔ joona.»