Sariya 17:2 - ALA KA KUMA

² «Masaba aw ka Ala be dugu minw dira aw ma, ni cɛɛ, walima muso dɔ sɔrɔla aw cɛma o dɔ kɔnɔ, n'a ye koo dɔ kɛ min ye kojugu ye Masaba aw ka Ala ɲakɔrɔ, ka Ala ka bɛɛn cɛn,

Jula NT of Côte d’Ivoire

² Ayiwa, Matigi Ala, aw ta Ala bɛna dugu minw di aw ma, ni a sɔrɔra ko cɛ dɔ, walama muso dɔ bɛ aw cɛ ra o dugu dɔ ra, min bɛ Matigi Ala, aw ta Ala ta sariya cɛn, ka kojugu kɛ Matigi Ala ɲa kɔrɔ,

Sariya 17:2 Iomraidhean Croise

Mas 2nan 18:12

Bari u tun ma Masaba u ka Ala ka fɔta bato, u tun y'u ka bɛɛn cɛn. Masaba ka baarakɛla Musa tun ye fɛɛn min bɛɛ fɔ, u tun ma sɔn o ma. U ma o bato.

Mas 2nan 21:3

A facɛ Ezekiyasi tun ye sɔnnikɛyɔrɔ minw cɛn, a ye olu lalaga ka lɔ tugu, ka Baali sɔnyɔrɔ dɔw lɔ, ka Asera jaaw tutu i n'a fɔ Isirayɛli mara masacɛ Akabu tun y'a kɛ cogo min na, ani k'a kunbiri gwan lolow ni kalo, ani tile kɔrɔ k'u bato.

Ayuba 31:28

o fana tun bena kɛ kojugu ye, kititigɛlaw ka kan ka min kiti kɛ. Bari, o ye Ala janfako le ye.

Bɔri 22:19

«Mɔgɔ o mɔgɔ ye saraka bɔ batofɛn wɛrɛ ye ni ne Masaba kelen tɛ, o tigi ka halaki.

Bɔri 22:20

«Aw man kan ka lonan tɔɲɔ, aw kan'a tɔɔrɔ fana. Bari aw tun ye lonanw ye Ezipiti jamana na.

Yeremi 31:32

O tena kɛ i ko ne ye bɛɛn min kɛ n'u faaw ye tuma min na ne y'u minɛ u bolo ma k'u bɔ Ezipiti jamana la. Olu tun ye o bɛɛn nin cɛn, k'a sɔrɔ ne tun ye u yɛrɛ tigi ye. Ne Masaba le ko ten.

Yeremi 34:18

Mɔgɔ minw ye bɛɛn kɛ ne ɲakɔrɔ ka tila k'a cɛn, n'u ma o bato, ne bena olu kɛ i n'a fɔ misi, u ye min cɛtigɛ fila ka tɛmɛ u cɛma.

Ezekiyɛli 16:38

Ne bena i kiti k'i ɲaa gwan i ko u be kakalamuso, ni muso mɔgɔfagala ɲaa gwan cogo min na. Ne ka dimi ni ne ka keliya kosɔn, ne bena i ka sara kɛ saya ye.

Oze ta kitabu 6:7

«Bɛɛn min tun be yen, aw y'o cɛn adamadenya la. Aw ye ne janfa le.

Oze ta kitabu 8:1

«Aw ka buru fiyɛ! Bari, bɔnɛ be nana ne Masaba ka soo kan, i ko sɛgɛn jigitɔ k'a ka dumuni ta! Bari, u ye ne ka bɛɛn cɛn n'u ye, u murutira ne ka ladiliw ma.

Sarakalasebagaw 20:2

«A fɔ Isirayɛlidenw ye ko: «Ni mɔgɔ o mɔgɔ y'a deen dɔ di *Milikɔmu ma, Isirayɛliden fara lonan kan min siginin be Isirayɛli jamana kɔnɔ, o tigi ka faga. Jama k'a bon ni kabakuruw ye.

Sarakalasebagaw 26:15

n'aw banna ne ka fɔta ma, ni ne ka sariyaw koo goyara aw ye, fɔɔ aw be ban ka ne ka kuma bɛɛ bato, n'aw ye an ka bɛɛn cɛn,

Sarakalasebagaw 26:25

Ne ben'a kɛ murujan be se aw ma ka ne ka dimi bɔ aw la, bari aw ye an ka bɛɛn cɛn. Aw bena yɛrɛsutarayɔrɔ ɲini aw ka dugubabaw kɔnɔ, nga ne bena fɔɲɔbana bila aw la, aw bena don aw juguw bolo fana.

Sariya 17:5

o kojugu nin kɛbaga mana kɛ muso, walima cɛɛ ye wo, aw k'a minɛ ka taga n'a ye dugu donda la, k'a bon ni kabakuru ye k'a faga.

Sariya 29:18

N'a sɔrɔla ko mɔgɔ dɔ ye layidukuma nin mɛn k'a yɛrɛ boɲa k'a fɔ ko: ‹Ne ta ka ɲi, hali ni ne be n nigɛlakow le kɛra. Sabu minnɔgɔ te dugukolo ɲiginin na.›

Sariya 29:25

U tagara fɛɛn wɛrɛw bato k'u kunbiri gwan u kɔrɔ, u tun te minw lɔn, Masaba do tun ma o sira di u ma.

Sariya 31:20

Tiɲɛ na, ne tun ye jamana min layidu ta u bɛmaw ye, ne bena don ni jama nin ye o kɔnɔ, nɔnɔ ni lii ka ca kosɔbɛ yɔrɔ min na, jamana diman lo. U bena dumuni kɛ ka fa, ka boɲa, u bena yɛlɛma k'u ɲaa sin joow ma fana k'olu sɔn. U bena u ɲaa don ne la, ani ka ne ka bɛɛn cɛn.

Sariya 4:23

Aw k'aw yɛrɛ minɛ kosɔbɛ, Masaba aw ka Ala ye bɛɛn min kɛ n'aw ye, aw kana ɲinɛ o kɔ. Aw kana joo dilan fɛɛn si jaa la, Masaba y'aw bali min na.

Heburuw 10:28

Ni mɔgɔ o mɔgɔ ye Musa ka sariya cɛn, ni seere fila, walima saba, sɔrɔla k'a fɔ ko tiɲɛ lo, o tigi ka kan ka faga, u man kan ka makari a la yɛrɛ.

Yosuwe 23:16

Bɛɛn min be aw ni Masaba aw ka Ala cɛ, a ko aw ka min bato, n'aw y'o cɛn, n'aw tagara joow sɔn k'aw kunbiri gwan u kɔrɔ, Masaba bena dimi aw kɔrɔ, o la, aw bena halaki ka bɔ jamanaɲuman nin kɔnɔ joona.»

Yosuwe 7:11

Isirayɛlidenw ye hakɛ kɛ, ne tun bɛnna n'u ye ko u ka koo min kɛ, u m'o kɛ, fɛɛn minw bilara ne ye, u y'u dɔw soɲa k'u dogo u ka minanw jukɔrɔ.

Yosuwe 7:15

Mɔgɔ kelen min mana yira o tuma na, ko ale lo ye fɛɛn nunu ta, o tigi bena jɛni, ale n'a bololafɛnw bɛɛ, bari a ye Masaba ka bɛɛn cɛn ka kojugu kɛ Isirayɛlidenw cɛma.› »

Kititigɛbagaw 2:20

O la, Masaba dimina Isirayɛlidenw kɔrɔ kosɔbɛ k'a fɔ ko: «Ne tun bɛnna ni siya nin faaw ye cogo min na, u y'o cɛn, u ma sɔn ka mɛnni kɛ ne fɛ.

Kititigɛbagaw 6:31

Mɔgɔ minw bɛɛ tun b'a gɛrɛfɛ, Yowasi ye olu jaabi ko: «Aw le ka kan ka baali dɛmɛ wa? Walima aw le ben'a tanga? Mɔgɔ o mɔgɔ y'a fɔ ko ale bena baali dɛmɛ nin kɛlɛ la, o tigi bena sa, dugu yɛrɛ te gwɛ. Ni Baali ye batofɛn ɲanaman ye, a ka dɔ kɛ a yɛrɛ ma bari mɔgɔ dɔ y'a ka sɔnyɔrɔ ci.»