Sariya 17:17 - ALA KA KUMA

¹⁷ A man kan ka kɛ muso caaman tigi ye, janko u kan'a kunnacɛn. A man kan ka kɛ warigwɛ ni sanu caaman tigi ye fana.

Jula NT of Côte d’Ivoire

¹⁷ Aw ta masacɛ man kan ka kɛ muso caman tigi ye fana; ni o tɛ, o musow bɛna a hakiri yɛlɛma ka bɔ Ala kan. A fana man kan ka warigbɛ camanba ni sanin camanba lajɛn a yɛrɛ ye.

Sariya 17:17 Iomraidhean Croise

Damina 2:24

O le kosɔn, cɛɛ ben'a faa n'a baa to yen ka nɔrɔ a muso la, u fila be jɛn ka kɛ kelen ye.

Sam 2nan 12:11

Masaba y'a fɔ ko ale ben'a to i be sigɛn sɔrɔ ka bɔ i yɛrɛ ka somɔgɔw fɛ. Ko ale bena i ka musow ta k'u di mɔgɔ wɛrɛ ma i yɛrɛ ɲana, ale be la n'u ye, dogo te sɔrɔ a la.

Sam 2nan 5:13

Dawuda ye muso wɛrɛw ni gɛrɛfɛmuso wɛrɛw ta Zeruzalɛmu dugu kɔnɔ a bɔnin kɔ Eburɔn ka na yen. A ye dencɛ ni denmuso wɛrɛw sɔrɔ fana.

Mas fɔlɔ 10:21

Masacɛ Solomani ka filenw bɛɛ tun ye sanu ye. A ka soo min be wele Liban Tuu, o kɔnɔnaminanw bɛɛ tun ye sanu ye. Foyi tun t'u cɛma min dilanna ni warigwɛ ye, bari warigwɛ tun te jati Solomani ka tile la.

Mas fɔlɔ 10:27

Masacɛ ye warigwɛ lajɛn Zeruzalɛmu. A cayara i n'a fɔ bɛrɛ, sɛdiriyiri fana cayara i n'a fɔ sikomɔriyiri be caya kulujukɔrɔ mara la cogo min na.

Lok fɔlɔ 14:3

Dawuda ye musow furu Zeruzalɛmu tugu, ka dencɛ ni denmuso wɛrɛw sɔrɔ.

Lok 2nan 1:15

Masacɛ ye warigwɛ ni sanu caya Zeruzalɛmu i n'a fɔ bɛrɛ. Sɛdiriyiri fana cayara i n'a fɔ sikomɔriyiri ka ca kulujukɔrɔ mara la cogo min na.

Lok 2nan 11:21

Abisalɔn denmuso Maaka koo tun ka di Orobowamu ye ka tɛmɛ a ka muso tɔw n'a ka gɛrɛfɛmusow kan. Muso tan ni seegi ni gɛrɛfɛmuso bi wɔɔrɔ le tun b'a fɛ. A ye dencɛ mugan ni seegi sɔrɔ, ani denmuso bi wɔɔrɔ.

Nehemi 13:26

N ko: «O ɲɔgɔn le ma kɛ sababu ye Isirayɛlidenw ka masacɛ Solomani ye kojugu kɛ wa? Siya bɛɛ ka masacɛw cɛma, a ɲɔgɔn tun te yen, a koo tun ka di a ka Ala ye, a y'a kɛ Isirayɛlidenw bɛɛ ka masacɛ ye. O bɛɛ n'a ta, siya wɛrɛw ka musow y'a nigɛnigɛ k'a bila kojugu la.

Zaburu 62:10

Adamadenw be i ko fɔɲɔ. U be galon tigɛ. U man gwili sumanikɛlan kan, u be i ko fɔɲɔ.

Zanaw 31:3

Kana i barika don musoko la. Fɛɛn min be masaw ta cɛn, kana o sira nin ta.

Malaki 2:15

Masaba ma aw kɛ kelen ye farisogo ani miiriya la wa? O jɛnɲɔgɔnya nin be mun le fɛ? A te kɔmɔgɔ le ɲinina Ala fɛ wa? O la, aw k'aw yɛrɛ kɔlɔsi, i kanbelentuma ye muso min furu, i kana o janfa.

Matiyu 13:22

Min bɔnin be ŋɔni yɔrɔ fɛ, o ye mɔgɔ ye min b'o kuma mɛn, nga, diɲɛ hamiko, ni nafoloko b'o kuma nagasi fɔɔ nafa dɔɔni yɛrɛ te sɔrɔ a la.

Matiyu 19:5

A y'a fɔ fana k'o le kosɔn cɛɛ ben'a faa n'a baa to yen ka nɔrɔ a ka muso la, u fila bɛɛ bena jɛn ka kɛ kelen ye.

Luka 12:15

O kɔ, Yezu y'a fɔ jama ye ko: «Aw k'aw yɛrɛ kɔlɔsi nafoloko hamikojugu ma, bari hali ni nafolo ka ca mɔgɔ fɛ cogo o cogo, o te se ka kɛ a tigi nii suturanin ye.»

Tim fɔlɔ 6:17

A fɔ bii fɛntigiw ye k'u kana u yɛrɛ boɲa, ani u kana u jigi la o fɛɛn tɛmɛta nunu kan, nga u k'u jigi la Ala kan, ale min be fɛɛnw bɛɛ di an ma caaman, waasa an ka nisɔndiya.

Tim fɔlɔ 6:9

Nga mɔgɔ minw b'a fɛ ka kɛ fɛntigiw ye, olu nigɛra ka sɔrɔ miirijugu fɛ, minw be mɔgɔw cɛn ani k'u bila halakili la,