Sariya 17:14 - ALA KA KUMA

¹⁴ «Masaba aw ka Ala be jamana min dira aw ma, n'aw donna o kɔnɔ tuma min na k'a kɛ aw ta ye ani ka sigi yen, n'aw b'a fɛ ka masacɛ sigi aw kunna, i n'a fɔ siya minw bɛɛ b'aw lamini na,

Jula NT of Côte d’Ivoire

¹⁴ Matigi Ala, aw ta Ala bɛna jamana min di aw ma, ni aw nana taga don o jamana ra, k’a kɛ aw ta ye, ka sigi a ra, ni lon dɔ aw nana a fɔ ko aw b’a fɛ ka masacɛ dɔ sigi aw yɛrɛ kunna i n’a fɔ siya tɔ minw ka aw lamini,

Sariya 17:14 Iomraidhean Croise

Sarakalasebagaw 14:34

«Ne be Kanaan jamana min di aw ma ka kɛ aw ta ye, n'aw sera o yɔrɔ la tuma min na, ni ne y'a kɛ bugun bɔra soo min kɔnɔ aw ka jamana nin na,

Jateri 33:53

Ko u ka jamana nin minɛ ka sigi a kɔnɔ, bari ne y'a di u ma ka kɛ u ta ye.

Sariya 11:31

«Aw bena Zurudɛn baji tigɛ ka taga jamana nin minɛ, Masaba aw ka Ala be min dira aw ma. Aw bena o kɛ aw ta ye, ka sigi a kɔnɔ.

Sariya 18:9

«Masaba aw ka Ala be jamana min dira aw ma, n'aw donna o kɔnɔ tuma min na, aw kana o yɔrɔ siyaw ka baarakolonw dege.

Sariya 26:1

«Masaba aw ka Ala be jamana min dira aw ma k'a kɛ aw ta ye, n'aw donna k'a minɛ ka sigi a kɔnɔ tuma min na,

Sariya 26:9

A nana n'anw ye yan yɔrɔ la ka nin jamana diman d'an ma, nɔnɔ ni lii ka ca kosɔbɛ yɔrɔ min na.

Sariya 7:1

«Aw bena jamana min minɛ, ni Masaba aw ka Ala y'a kɛ aw donna o kɔnɔ, n'a ye siya caaman nunu gwɛn ka bɔ aw ɲa, olu minw ye itiw ye, ni girigasiw, ani amoriw, ni kanaanw, ani periziw, ni iviw, ani zebuziw ye. Siya wolonwula minw ka ca, fanga b'o la fana ka tɛmɛ aw kan.

Yosuwe 1:13

«Masaba ka baarakɛla Musa tun ye min fɔ aw ye ko: ‹Masaba aw ka Ala be lafiɲɛyɔrɔ di aw ma, ka jamana nin di aw ma fana›, aw k'aw hakili to o la.

Yosuwe 21:43

Masaba tun y'a daa di ko a bena jamana min di Isirayɛlidenw ma, a y'o bɛɛ di u ma ten, u y'a minɛ ka sigi a kɔnɔ.

Sam fɔlɔ 10:19

Bii aw banna aw ka Ala la, ale min ye aw kisi aw ka tɔɔrɔw, n'aw ka sigɛn bɛɛ ma. Aw y'a fɔ a ye ko a ka masacɛ di aw ma. Ayiwa, sisan aw ye na Masaba ɲakɔrɔ sokala sokala ani fadenyabolo fadenyabolo.»

Sam fɔlɔ 10:25

Masacɛ ka kɛta ye min ye, Samuyɛli y'o fɔ jama ye, ka tila k'o sɛbɛn sɛbɛ dɔ kɔnɔ k'a bila Masaba ɲakɔrɔ, ka sɔrɔ ka sira di jama bɛɛ ma u ka taga u ka soo.

Sam fɔlɔ 12:19

Jama bɛɛ y'a fɔ Samuyɛli ye ko: «I ka Masaba i ka Ala daali i ka baaradenw ye, janko an kana sa, bari an ye masacɛ ɲini ka dɔ fara an ka hakɛ le kan.»

Sam fɔlɔ 16:3

I be Zese wele ka na saraka bɔyɔrɔ la. I ka kan ka fɛɛn min kɛ, ne bena o fɔ i ye. Ne bena mɔgɔ min yira i la, i ka tulu bɔn ale kuun na.»

Sam fɔlɔ 8:11

A y'a fɔ ko: «Masacɛ min bena sigi aw kunna, ale bena fɛɛn min kɛ, o le ye nin ye. A bena aw dencɛw minɛ k'u kɛ a ka wotorow bolibagaw n'a ka soow bolibagaw ye, u bena to ka bila a ka wotorow ɲafɛ ka to ka boli.