Sariya 16:3 - ALA KA KUMA

³ Aw kana buru dumu fununan be min na ɲanagwɛ nin na. Fununan te buru min na, aw k'o dumu tile wolonwula kɔnɔ. Aw k'o dusukasiburu dumu, janko aw hakili ka to aw bɔcogo la Ezipiti aw sii bɛɛ la, bari aw karabara ka bɔ yen.

Jula NT of Côte d’Ivoire

³ O ɲanagbɛ wagati ra, aw man kan ka burufununin domu. Aw ye burufunubari le domu fɔ tere wolonfla. Aw ye o jusukasi buru domu, ka aw hakiri jigi ko aw bɔtɔ Misiran jamana ra, aw teliyara le ka bɔ. Aw ye o kɛ, janko aw si bɛɛ ra, aw hakiri ye to aw bɔlon na Misiran jamana ra.

Sariya 16:3 Iomraidhean Croise

Mas fɔlɔ 22:27

k'a fɔ ko masacɛ k'u ka cɛɛ nin bila kaso la, ka to ka dumuni dɔɔni, ani jii dɔɔni dɔrɔn d'a ma fɔɔ ale ka kɔsegi ka na hɛrɛ la.

Zaburu 102:9

Ne juguw be ne darabɔ loon bɛɛ. U be ne lɔgɔbɔ ka to ka ne cogo ta ka ɲɔgɔn danga.

Zaburu 111:4

A b'a fɛ a ka kabakokow ka to mɔgɔ hakili la. Masaba be makari, a be hinɛ!

Zaburu 127:2

Aw be wili joona, aw te sinɔgɔ joona. Aw b'a la k'aw yɛrɛ sɛgɛn gwansan ka dumuni ɲini, k'a sɔrɔ Masaba b'o ɲɔgɔn di a diyanamɔgɔw ma, hali k'u to sinɔgɔ la.

Bɔri 12:11

Aw ka kan k'o dumu cogo min na, o filɛ nin ye: aw k'aw cɛɛ siri k'aw ka sanbaraw don k'aw ka bere minɛ aw bolo. Aw k'a dumu teliya la. O ye Masaba ka *Hɔrɔnya loon ye.

Bɔri 12:17

Aw ka *Buru funubali ɲanagwɛ kɛ, bari ne ye aw ka jama bɔ Ezipiti jamana kɔnɔ o loon na tigitigi. Aw k'o loon bato k'o kɛ ɲanagwɛ loon ye saan o saan, a kana dabila.

Bɔri 12:39

U bɔra ni mugu min ye Ezipiti, u ye o yiran ŋɔmi ye. Fununan tun t'o la, bari u tun ye u gwɛn ka bɔ le, o la, u tun ma se ka dumuni labɛn.

Bɔri 12:8

O suu kelen na, u bena o sogo nunu wusunin ɲimi, ni buru ye, fununan te min na, ani ɲugu kunanman.

Bɔri 34:18

Aw ka *Buru funubali ɲanagwɛ bato. Aw ka buru dumu, fununan te min na, tile wolonwula kɔnɔ, waati latigɛnin na *Abibu kalo la, i ko ne y'a fɔ aw ye cogo min na, bari aw bɔra Ezipiti o kalo la.

Ezayi 52:12

Aw ka bɔko tena kɛ kɔrɔtɔko ye, aw tena taga i ko bolibagaw. Sabu, aw ka ɲabila ye Masaba le ye, aw ka kɔbila ye Isirayɛli ka Ala ye.

Sarakalasebagaw 23:6

Kalo nin tile tan ni duurunan loon, *Buru funubali ɲanagwɛ be daminɛ, ne boɲa kama. Fununan te buru min na, aw k'o dumu tile wolonwula kɔnɔ.

Jakariya 12:10

Ne bena miiriyaɲuman, ani Aladali hakili don Dawuda ka somɔgɔw ni Zeruzalɛmukaw la. U ye mɔgɔ min sɔgɔ, u bena ale filɛ, ka kasi a ka saya la i n'a fɔ mɔgɔ be kasi a deen kelen saya la cogo min na. U bena kasi kosɔbɛ i n'a fɔ mɔgɔ be kasi a dencɛ fɔlɔ ka saya la cogo min na.

Jateri 28:17

Kalo nin tile tan ni duurunan loon bena kɛ ɲanagwɛ ye. Aw ka buru dumu tile wolonwula kɔnɔ fununan te min na.

Jateri 9:11

Nga u ben'a kɛ saan kalo filanan tile tan ni naaninan loon tileben tuma na le. U bena sagaden sogo ɲimi, ni fununan te buru min na, ani ɲugu kunaman.

Luka 22:19

O kɔ, Yezu ye buru ta ka barika la Ala ye. A y'a tilantilan k'a d'u ma k'a fɔ ko: «Nin ye ne fari ye [min bena kɛ saraka ye aw ka nafa kosɔn. Aw ye to ka nin kɛ k'aw hakili to ne la.»

Kor fɔlɔ 5:8

O tuma na, an k'an ka ɲanagwɛ kɛ ni buru ye, fununan te min na, o kɔrɔ, juguya ni mɔgɔkolonya kana kɛ aw cɛma, nga aw k'o kɛ ni kɔnɔgwɛ ani tilenninya ye.

Sariya 16:2

Hɔrɔnya ɲanagwɛ la, aw ka begɛnmisɛnw ni misiw kɛ saraka ye Masaba aw ka Ala ye, a ka yɔrɔ wolomanin na. A ye min kɛ a ka sigiyɔrɔ ye.

Sariya 4:9

Nga aw k'aw yɛrɛ kɔlɔsi, ka banba, janko aw ye koo minw ye n'aw ɲaa ye, aw kana ɲinɛ o kɔ. O kana bɔ aw hakili la aw sii tile bɛɛ la. Aw k'o koo fɔ aw deenw, n'aw mamadenw ye.

Tes fɔlɔ 1:6

Aw kɔni, aw ye an cogo dege ni Matigi ta fana, aw sɔnna Ala ka kuma ma ni nisɔndiya ye min ye Nii Senuman ta ye, k'aw to tɔɔrɔba cɛma.

Yosuwe 4:7

o tuma na, aw bena to k'u jaabi ko u tun be Zurudɛn baji tigɛra tuma min na ni Masaba ka layidu taamasiɲɛ kɛsu ye, ko Zurudɛn baji tun tigɛra ka lɔ. A kɛra ten, kabakuru nunu bena kɛ hakilijigifɛn ye Isirayɛlidenw fɛ tuma bɛɛ.»