Sariya 16:19 - ALA KA KUMA

¹⁹ «Aw kana kiti si tigɛ k'a cɛn. Aw kana wolomani kɛ kiti la, aw kana boɲafɛn minɛ fana k'aw yɛrɛ daa siri n'o ye. Bari o fɛɛn nunu le be lɔnnikɛla hakili yɛlɛma, ka mɔgɔtilenninw ka tilenninya ɲagami.

Jula NT of Côte d’Ivoire

¹⁹ Aw kana mɔgɔ si tɔɲɔ kiti ra, aw kana mɔgɔ bɔ mɔgɔ ra. Aw kana sɔn ka bonyafɛn mina mɔgɔ fɛ, ka kiti diya o tigi ra. Sabu bonyafɛn bɛ mɔgɔ hakiritigi ɲa fiyen, ka mɔgɔ terennin ta kuma jɛngɛ.

Sariya 16:19 Iomraidhean Croise

Zaburu 15:5

A te wari juru don tɔnɔ kama, a fana te fɛɛn minɛ ka mɔgɔ jalakibali ka tiɲɛ munumunu. Mɔgɔ min be koo kɛ ten, o tigi te ben fewu.

Bɔri 18:21

I ka mɔgɔsɔbɛ dɔw woloma fana jama cɛma, minw be siran Ala ɲa, lanamɔgɔw, mɔgɔ te se ka minw daa san, k'u kɛ kuntigiw ye jama kunna, dɔw ka kɛ mɔgɔ waa kelen kelen kunna, dɔw ka kɛ mɔgɔ kɛmɛ kɛmɛ kunna, dɔw ka kɛ mɔgɔ bi duuru duuru kunna, ani dɔw ka kɛ mɔgɔ tan tan kunna.

Bɔri 23:2

«Aw kana tugu jama kɔ ka kojugu kɛ. N'aw be seereya kɛ kiti tigɛyɔrɔ la, aw kana tugu jama kɔ ni namarako lo.

Bɔri 23:3

«Aw kana fantan dɛmɛ cogo bɛnbali la a ka kiti koo la.

Zanaw 15:27

Tɔnɔjugu ɲinibaga be ɲagamini don a ka soo kɔnɔ. Mɔgɔ min te sɔn dasanfɛn ma, o tigi bena sijan sɔrɔ.

Zanaw 17:23

Mɔgɔjugu le be daa sanfɛn minɛ dogo la ka sɔrɔ ka kiti tilenbali tigɛ.

Zanaw 18:5

Ka fara kojugukɛla kan, ka mɔgɔtilennin jalaki kiti la, o ma ɲi!

Zanaw 24:23

Nin ye lɔnnikɛlaw ta ye tugu. Ka wolomani kɛ kiti la, o ma ɲi.

Zanaw 24:28

Kana kɛ seere ye i sigiɲɔgɔn kama ni tiɲɛ tɛ. Walima i b'a fɛ ka mɔgɔ namara i ka kuma na wa?

Zanaw 31:5

N'a y'a min, sariya min fɔra, a bena ɲinɛ n'o ye. O bena kɛ sababu ye ka ben dɛsɛbagatɔw kan.

Waajurikɛbaga 7:7

Tɔɔrɔ be se ka hakilitigi kɛ naloman ye. Bonyafɛn fana be se ka hakilitigi ka hɔrɔnya bɔsi a la.

Ezayi 1:17

Aw ka koɲumankɛ degi, aw ka tilenninya kɛ, aw ka mɔgɔ tɔɔrɔninw dɛmɛ. Aw ka falatɔw ka tiɲɛ d'u ma. Aw ka firiyamusow kunko ɲanabɔ.

Ezayi 1:23

Aw ka dugu ɲamɔgɔw kɛra mɔgɔmurutininw ye, benkannikɛlaw dɛmɛbagaw lo. Bonyafɛn le ka di u bɛɛ ye, u be boli daa sanfɛnw kɔ. U te falatɔ ka tiɲɛ d'a ma, firiyamuso ka koo te don u tulo la ka ye.

Ezayi 33:15

Mɔgɔ min be taama tilenninya sira kan, mɔgɔ min be tiɲɛkuma fɔ, mɔgɔ min be ban tɔnɔjugu la, mɔgɔ min be ban dasanfɛn na, mɔgɔ min b'a tulo datugu janko a kana mɔgɔfagako ŋaniya mɛn, mɔgɔ min b'a ɲaa datugu janko a kana kojuguw ye,

Yeremi 5:28

U ka bonbon, u be manamana! U ɲɔgɔn te yen juguya la. Falatɔ ka kan ni min ye, u t'o d'a ma. Nga olu ka koow le be yiriwa. Dɛsɛbagatɔw ka kan ni min ye, u t'o kɛ.

Ezekiyɛli 18:8

A te juru don tɔnɔ kama, a te tɔnɔjugu minɛ. A te tilenbaliyako kɛ, a be kiti tigɛ ni tilenninya ye.

Ezekiyɛli 22:12

I kɔnɔ mɔgɔw be sɔn ka daa sanfɛn minɛ ka fagali kɛ. U be juru don ka tɔnɔjugu ɲini, u b'u sigiɲɔgɔn tɔɲɔ ka tɔnɔjugu sɔrɔ. U ɲinɛna ne kɔ. Ne Matigi, Masaba le ko ten.

Sarakalasebagaw 19:15

«Aw kana kiti tigɛ tilenbaliya la. Aw kana ben mɔgɔ wɛrɛ kan ka fantan dɛmɛ cogo bɛnbali la a ka fantanya kosɔn. Aw kana tiɲɛ di faama ma a ka faamaya kosɔn. Aw ka kiti tigɛ ni tilenninya ye.

Mise 7:3

U be se kojugu la kosɔbɛ. Ɲamɔgɔw be bolo nɛmuyɔrɔ fɛ fɔlɔ ka sɔrɔ ka ɲuman kɛ. Kititigɛbagaw be kiti tigɛ tɔnɔ kama. Mɔgɔbabaw b'u diyanako fɔ kɛnɛ kan ka namara kɛ k'o sɔrɔ.

Habakuki 1:4

O la, sariya te batora tugu, tilenninya nagasira. Mɔgɔjugu be see sɔrɔla mɔgɔtilennin kan. O tuma na, tiɲɛ te fɔ tugu kiti la.

Kɛwalew 10:34

O tuma na, Piyɛri ye kuma ta k'a fɔ ko: «Ne y'a lɔn sisan ko Ala te mɔgɔ bɔ mɔgɔ la,

Kɛwalew 16:37

Nga Pɔli y'a fɔ u ye ko: «U y'an bugɔ jama ɲana k'an don kaso la k'a sɔrɔ an ye Ɔrɔmukaw ye. Jalakikun fana ma sɔrɔ an na. Sisan, u b'a fɛ k'an bɔ dogodogo la. O te kɛ! Fɔɔ olu yɛrɛ ka na an bɔ.»

Kɛwalew 23:3

«E kogogwɛ nin, Ala le bena e fana gosi! I be sigi yan ko i be ne kiti ka kɛɲɛ ni sariya ye, k'a fɔ ko u ka ne gosi, o do ma fɔ sariya la.»

Sariya 10:17

bari batofɛn bɛɛ ka Ala lo, matigiw ka Matigi lo, a ka bon, see b'a ye, siranyafɛn lo. A te mɔgɔ woloma, boɲafɛn t'a ɲagami.

Sariya 16:18

«Dugu kelen kelen bɛɛ kɔnɔ aw ka maraw kɔnɔ, Masaba aw ka Ala be minw dira aw ma, aw ka kititigɛlaw ni ɲamɔgɔw woloma, k'u sigi janko u ka se ka kiti tigɛ ni tilenninya ye jama cɛma.

Sariya 24:17

«Aw ka lonan, ni falatɔ minɛ ni tilenninya ye, aw kana firiyamuso ka fani ta aw ka juru nɔɔ na.

Sariya 27:19

‹Mɔgɔ min be lonan, walima falatɔ, walima firiyamuso ka kiti cɛn, o tigi danganin lo.› Jama bɛɛ ben'a laminɛ ko: ‹Amiina!›

Sariya 27:25

‹Mɔgɔ min be sɔn ka wari minɛ ka mɔgɔ jalakibali faga, o tigi danganin lo.› Jama bɛɛ ben'a laminɛ ko: ‹Amiina!›

Sam fɔlɔ 12:3

Ne filɛ aw ɲa. Ne ye koo minw kɛ aw la, aw k'o bɛɛ fɔ Masaba n'a ka mɔgɔ wolomanin ɲakɔrɔ. Ni n ye min ka misi bɔsi, a k'a fɔ, ni n ye min ka fali bɔsi, o tigi k'a fɔ. N ye min tɔɲɔ, o fana k'a fɔ, n ye min tɔɔrɔ, o tigi k'a fɔ fana. Ne ye n ɲaa tugu min ka kojugu kan a ka boɲafɛn kama, o tigi k'a yɛrɛ yira. Ne ben'a ɲɔgɔn kɔsegi aw ma.»

Sam fɔlɔ 8:1

Samuyɛli kɔrɔla tuma min na, a y'a deenw sigi Isirayɛlidenw kunna k'u kɛ u ka ɲamɔgɔw ye.

Sam fɔlɔ 8:3

Nga u ma sɔn k'u facɛ sɔɔn ta, u donna namara la ka to ka fɛɛnw minɛ mɔgɔw fɛ, u tun te kititilennin tigɛ tugu.