Sariya 16:14 - ALA KA KUMA

¹⁴ Aw ka ɲanagwɛ kɛ ka nisɔndiya, aw n'aw dencɛw, n'aw denmusow, ni aw ka baaradenw, a cɛman fara a musomanw kan. Ani Levi kɔmɔgɔw, ni lonanw, ani falatɔw, ni firiyamuso minw be aw ka duguw kɔnɔ.

Jula NT of Côte d’Ivoire

¹⁴ Aw ye o ɲanagbɛ kɛ ka ɲagari, aw ni aw dencɛw, ani aw denmusow, ani aw ta jɔncɛw, ani aw ta jɔnmusow, ani Levi ta mɔgɔw, ani lonanw, ani feritaw, ani muso cɛ sanin minw bɛ aw ta duguw ra.

Sariya 16:14 Iomraidhean Croise

Ɛsitɛri 9:22

u k'u jati loonw ye u ye hɛrɛ sɔrɔ minw na, k'u yɛrɛ bɔsi u juguw bolo, ani k'u jati kalo ye, u ka dusukasi yɛlɛmana ka kɛ nisɔndiya ye, u ka nisɔngoya yɛlɛmana ka kɛ ɲanagwɛ ye min na. Ko u ka ɲanagwɛ, ka nisɔndiya o loon nunu na, ka to ka dumuni di ɲɔgɔn ma, ani ka dɛsɛbagatɔw sɔn.

Waajurikɛbaga 9:7

Ayiwa, i ka dumuni kɛ nisɔndiya la, i nisɔn diyanin k'i ka minni kɛ. Bari Ala sɔnna i ka baaraw ma ka ban.

Ezayi 30:29

Aw bena dɔnkili la i ko u be ɲanagwɛdɔnkili la sufɛ cogo min na. Aw nisɔn bena diya i ko file be fiyɛra mɔgɔ minw ye, u yɛlɛtɔ Masaba ka kulu kan Ala yɔrɔ la, Isirayɛli tangabaga.

Ezayi 35:10

Masaba ye mɔgɔ minw bɔ bolo la, olu bena kɔsegi. U bena don *Siyɔn n'u be nisɔndiyapɛrɛnkan bɔ. Daan te nisɔndiya min na, o le bena ye u ɲaa kan. Nisɔndiya ni dusudiya le b'u kɔnɔna, ɲanasisi ni kasimisɛn yɔrɔ bena jaɲa u la.

Yowɛli 1:16

Suman cɛnna an ɲana, nisɔndiya dɛsɛra an ka Ala ka soo kɔnɔ.

Sariya 12:12

Aw bena nisɔndiya Masaba aw ka Ala ɲakɔrɔ o yɔrɔ la, aw, n'aw dencɛw, n'aw denmusow, n'aw ka baaradenw, a cɛman fara a musomanw kan, ani Levi kɔmɔgɔ minw be aw ka duguw kɔnɔ, bari olu ma niyɔrɔ sɔrɔ aw cɛma.

Sariya 14:29

janko Levi kɔmɔgɔw, minw te ni dugukolo ye aw cɛma, ka se ka na, olu ni lonanw, ani falatɔw, ni firiyamuso minw be aw ka duguw kɔnɔ. U bena dumuni kɛ ka fa. O la, Masaba aw ka Ala bena aw dɛmɛ aw ka kokɛtaw bɛɛ la.

Sariya 16:11

Masaba aw ka Ala bena yɔrɔ min woloma k'o kɛ a ka sigiyɔrɔ ye, aw ka nisɔndiya a ɲakɔrɔ o yɔrɔ la. Aw, n'aw dencɛw, n'aw denmusow, ka fara aw ka baaraden cɛman ni musomanw kan, ani Levi kɔmɔgɔ minw be aw ka duguw kɔnɔ, ni lonanw, ni falatɔw, ani firiyamuso minw be aw cɛma.

Sariya 16:15

Aw k'o kɛ tile wolonwula kɔnɔ ka Masaba aw ka Ala boɲa a ka yɔrɔ wolomanin na. Bari Masaba aw ka Ala bena aw ka sumanw bɛɛ ɲa ani ka see d'aw ma aw ka kokɛta bɛɛ la, aw nisɔn bena diya kosɔbɛ.

Sariya 26:11

Masaba aw ka Ala ye fɛnɲuman minw di aw n'aw ka soo ma, i bena nisɔndiya ni Levi kɔmɔgɔw ye, ani lonan minw be aw cɛma, o fɛnɲuman nunu bɛɛ kosɔn.

Tes fɔlɔ 5:16

Aw ka nisɔndiya tuma bɛɛ.