Sariya 15:19 - ALA KA KUMA

¹⁹ «Aw ka kan k'aw ka begɛnw deen fɔlɔ cɛmanw bɛɛ di Masaba aw ka Ala ma. Aw kana baara kɛ ni misi deen fɔlɔ cɛman ye. Aw kana saga deen fɔlɔ cɛman sii tigɛ fana.

Jula NT of Côte d’Ivoire

¹⁹ Aw ka kan ka aw ta misiw, ani aw ta sagaw, ani aw ta baw den fɔlɔ cɛmanw bla danna Matigi Ala, aw ta Ala ye. Aw man kan ka sɛnɛ kɛ ni aw ta misi den fɔlɔ cɛman ye; aw fana man kan ka aw ta sagaw ta den fɔlɔw siw kan.

Sariya 15:19 Iomraidhean Croise

Bɔri 13:12

o tuma na, aw k'aw dencɛ fɔlɔw bɛɛ di Masaba ma, n'aw ka begɛnw deen fɔlɔw. Fɛɛn o fɛɛn kɛra cɛman ye, o ye Masaba ta ye.

Bɔri 13:2

«Aw k'aw dencɛ fɔlɔw bɛɛ di ne ma, ani begɛnw ta fana, Isirayɛlidenw ka dencɛ fɔlɔw, ani begɛnw ta. O bɛɛ ye ne ta ye.»

Bɔri 22:29

Aw k'aw ka misiw n'aw ka sagaw ta di ne ma fana. U bena tile wolonwula kɛ u baa fɛ, a tile seeginan loon, aw k'o di ne ma.

Bɔri 22:30

«Aw ka kɛ mɔgɔsaniyaninw ye ne fɛ. Wara ye sogo min minɛ kongo kɔnɔ, aw kana o ɲimi, aw k'o di wuluw ma.

Bɔri 34:19

«Deen fɔlɔw bɛɛ ye ne ta ye, hali aw ka begɛnw deen cɛman fɔlɔw, misi fara begɛnmisɛnw kan.

Sarakalasebagaw 27:26

«Mɔgɔ si man kan ka dajuru ta ko a ben'a ka begɛn deen fɔlɔ di ne Masaba ma, bari deen fɔlɔ ye ne ta ye ka ban. A kɛra misi ye wo, saga lo wo, o ye ne Masaba ta ye.

Jateri 18:15

Fɛɛn ɲanaman deen fɔlɔ minw be di ne ma, olu bɛɛ ye i ta ye, begɛn fara adamaden kan. Nga i ka kan ka adamaden deen fɔlɔw falen, aw kana olu faga. Begɛn minw saniyanin tɛ, aw ka olu deen fɔlɔw fana kɛ ten.

Jateri 18:17

Nga i kana misi deen fɔlɔ, ni saga deen fɔlɔ, ani baa deen fɔlɔ falen, olu ye ne ta ye. I ka olu joli seriseri sarakabɔyɔrɔ kan k'u tulu jɛni saraka ye min be jɛni pewu, n'a kasa ka di ne Masaba ye.

Jateri 3:13

Bari, deen fɔlɔw bɛɛ ye ne taw ye. Loon min na ne ye Ezipitikaw deen fɔlɔw bɛɛ faga, o waati la, ne ye Isirayɛlidenw deen fɔlɔw kɛ n yɛrɛ ta ye. Adamadenw ta, ni begɛnw ta fana, u bɛɛ ye ne taw ye. Ne le ye Masaba ye.»

Rɔmukaw 8:29

Ala kɔnna ka mɔgɔ minw woloma kabini fɔlɔfɔlɔ, a kɔnna k'a latigɛ fana k'olu cogo ka kɛ i n'a fɔ a Dencɛ ta, janko a Dencɛ nin ka kɛ mɔgɔ caaman kɔrɔ ye.

Sariya 12:11

Masaba aw ka Ala bena yɔrɔ min woloma k'a kɛ a sigiyɔrɔ ye, ne be fɛɛn minw bɛɛ fɔra aw ye, aw bena taga n'u ye o yɔrɔ la: Aw ka saraka jɛnitaw, ni saraka wɛrɛw, n'aw ka jakaw, n'aw ka boɲafɛnw, n'aw ka dajuru sarataw.

Sariya 12:17

K'aw to aw ka duguw kɔnɔ, aw man kan k'aw ka jaka dumu yen, suman ta, walima duvɛnkɛnɛ ta, walima tulu ta, walima begɛn deen fɔlɔ, a begɛnmisɛnw fara dabaw kan, ani aw ka boɲafɛnw, n'aw ka dajuru sarataw, walima boɲafɛn wɛrɛw.

Sariya 14:23

Masaba aw ka Ala bena yɔrɔ min woloma ka sigi yen, aw k'aw ka suman jaka, ni duvɛnkɛnɛ, ani tulu jaka dumu a ɲakɔrɔ o yɔrɔ la, n'aw ka dabaw ni begɛnmisɛnw deenw fɔlɔw, janko aw ka se ka siran Masaba aw ka Ala ɲa tuma bɛɛ.

Sariya 15:18

«Kana nimisa ka jɔɔn hɔrɔnya. Bari saan wɔɔrɔ kɔnɔ, a ye baara kɛ, a sababu la, e ye sɔrɔli kɛ siɲɛ fila ka tɛmɛ baarakɛla ka sɔrɔta kan. A hɔrɔnya, Masaba aw ka Ala bena hɛrɛ kɛ i ye i ka kokɛtaw bɛɛ la.

Sariya 16:11

Masaba aw ka Ala bena yɔrɔ min woloma k'o kɛ a ka sigiyɔrɔ ye, aw ka nisɔndiya a ɲakɔrɔ o yɔrɔ la. Aw, n'aw dencɛw, n'aw denmusow, ka fara aw ka baaraden cɛman ni musomanw kan, ani Levi kɔmɔgɔ minw be aw ka duguw kɔnɔ, ni lonanw, ni falatɔw, ani firiyamuso minw be aw cɛma.

Sariya 16:14

Aw ka ɲanagwɛ kɛ ka nisɔndiya, aw n'aw dencɛw, n'aw denmusow, ni aw ka baaradenw, a cɛman fara a musomanw kan. Ani Levi kɔmɔgɔw, ni lonanw, ani falatɔw, ni firiyamuso minw be aw ka duguw kɔnɔ.

Heburuw 12:23

Mɔgɔ fɔlɔ minw tɔgɔ sɛbɛnnin be arijana na, aw gwɛrɛla olu la, ka gwɛrɛ Ala la, adamadenw bɛɛ kitibaga. Mɔgɔtilennin minw y'u nakun dafa, aw gwɛrɛla olu la.