Sariya 14:29 - ALA KA KUMA

²⁹ janko Levi kɔmɔgɔw, minw te ni dugukolo ye aw cɛma, ka se ka na, olu ni lonanw, ani falatɔw, ni firiyamuso minw be aw ka duguw kɔnɔ. U bena dumuni kɛ ka fa. O la, Masaba aw ka Ala bena aw dɛmɛ aw ka kokɛtaw bɛɛ la.

Jula NT of Côte d’Ivoire

²⁹ Ni o kɛra, Levi ta mɔgɔ minw ma ninyɔrɔ sɔrɔ, ani o ma dugukolo dɔ sɔrɔ i n’a fɔ aw, ani lonanw, ani ferita minw bɛ aw ta dugu kɔnɔ, ani muso cɛ saninw, olugu bɛna o domu ka fa. Ni o kɛra, ni aw ka aw boro don baara o baara ra, Matigi Ala, aw ta Ala bɛna baraka don aw ra, ka o bɛɛ ɲa.

Sariya 14:29 Iomraidhean Croise

Zaburu 41:1

Dɔnkililabagaw kuntigi ka dɔnkili. Dawuda ka dɔnkili dɔ.

Zaburu 41:2

Mɔgɔ min be dɛsɛbagatɔ jati, o tigi dagamunin lo. Masaba bena o tigi bɔsi gwɛlɛya loon na.

Zaburu 94:6

U be firiyamuso faga, ni lonan, u be falatɔ fana faga.

Zanaw 11:24

Mɔgɔ min tigɛ foninin lo, o tigi ka nafolo be buguya ka taga. Dɔ b'a tigɛ gwɛlɛya, a tigi ka sɔrɔ be nagasi ka taga.

Zanaw 19:17

Ka koɲuman kɛ dɛsɛbagatɔ ye, o ye jurudon ye Masaba la, min be koɲuman juru sara.

Ezayi 1:17

Aw ka koɲumankɛ degi, aw ka tilenninya kɛ, aw ka mɔgɔ tɔɔrɔninw dɛmɛ. Aw ka falatɔw ka tiɲɛ d'u ma. Aw ka firiyamusow kunko ɲanabɔ.

Sarakalasebagaw 19:34

Aw ka lonan minɛ i n'a fɔ dugulen. Aw k'a kanu i n'a fɔ aw yɛrɛ, bari aw fana tun siginin be Ezipiti jamana na lonanya la. Ne le ye Masaba aw ka Ala ye.

Jateri 18:20

Masaba y'a fɔ Arɔn ye ko: «I tena niyɔrɔ sɔrɔ u ka dugukolo la, i tena niyɔrɔ si sɔrɔ Isirayɛlidenw cɛma. Ne le ye i niyɔrɔ ye u cɛma.»

Luka 11:41

Fɛɛn min b'aw ka minanw kɔnɔ, aw y'o di dɛsɛbagatɔw ma, o la, aw ka koo bɛɛ bena saniya.

Luka 6:35

Nga, aw k'aw juguw kanu ka koɲuman kɛ u ye. Aw ka juru don mɔgɔw la, ka ɲinɛ o kɔ. O la, aw bena tɔnɔba sɔrɔ. Aw bena kɛ Fɛɛn bɛɛ kuntigi deenw ye, bari, ale be ɲuman kɛ ɲumanlɔnbaliw ni mɔgɔjuguw ye.

Sariya 10:9

O kama, Levi kɔmɔgɔw ma niyɔrɔ sɔrɔ dugukolo tilannin na u badenw cɛma. U niyɔrɔ ye ka baara kɛ Masaba ye, i ko Masaba aw ka Ala y'a fɔ u ye cogo min na.

Sariya 12:12

Aw bena nisɔndiya Masaba aw ka Ala ɲakɔrɔ o yɔrɔ la, aw, n'aw dencɛw, n'aw denmusow, n'aw ka baaradenw, a cɛman fara a musomanw kan, ani Levi kɔmɔgɔ minw be aw ka duguw kɔnɔ, bari olu ma niyɔrɔ sɔrɔ aw cɛma.

Sariya 14:27

Levi kɔmɔgɔ minw b'aw ka duguw kɔnɔ, aw kana tulon kɛ ni olu ka koo ye, bari u ma niyɔrɔ sɔrɔ dugukolo nin na aw cɛma.

Sariya 15:10

Aw k'u sɔn ni dusuɲuman ye. Aw kan'a di ko a wajibiyanin be aw ma. O la, Masaba aw ka Ala bena aw dɛmɛ aw ka kokɛtaw, n'aw ka baara bɛɛ la.

Sariya 16:11

Masaba aw ka Ala bena yɔrɔ min woloma k'o kɛ a ka sigiyɔrɔ ye, aw ka nisɔndiya a ɲakɔrɔ o yɔrɔ la. Aw, n'aw dencɛw, n'aw denmusow, ka fara aw ka baaraden cɛman ni musomanw kan, ani Levi kɔmɔgɔ minw be aw ka duguw kɔnɔ, ni lonanw, ni falatɔw, ani firiyamuso minw be aw cɛma.

Sariya 16:14

Aw ka ɲanagwɛ kɛ ka nisɔndiya, aw n'aw dencɛw, n'aw denmusow, ni aw ka baaradenw, a cɛman fara a musomanw kan. Ani Levi kɔmɔgɔw, ni lonanw, ani falatɔw, ni firiyamuso minw be aw ka duguw kɔnɔ.

Sariya 23:21

I be se ka tɔnɔ ɲini lonan le fɛ, nga o man kan ka kɛ aw n'aw balimaw cɛ. Aw k'o koo bato janko aw bena don jamana min kɔnɔ k'a kɛ aw ta ye, Masaba aw ka Ala ka hɛrɛ kɛ aw ye yen aw ka kokɛtaw bɛɛ la.

Sariya 28:8

«Masaba bena aw ka bondow fa, k'aw ka kokɛtaw bɛɛ ɲa. Masaba aw ka Ala be jamana min dira aw ma, a bena hɛrɛ kɛ aw ye o yɔrɔ la.

Sariya 6:11

ani boon minw fanin be fɛnɲuman sifa bɛɛ la aw ma minw ɲini, ni kɔlɔnw be yen, aw ma minw sogi, ani *ɛrɛzɛnforow ni olivuyiriw aw ma minw tutu, n'aw ye dumuni kɛ ka fa tuma min na,

Heburuw 13:2

Aw hakili ka to a la ko aw ka kan ka lonanw ladon. Lonanladon sababu la, dɔw ye mɛlɛkɛw ladon k'a sɔrɔ u m'a lɔn ko mɛlɛkɛw lo.

Yakuba 1:27

Alasira taamacogo min tilennin be, ni fiɲɛ t'a la an Faa Ala ɲakɔrɔ, o filɛ: e k'i janto falatɔw ni firiyamusow la u ka tɔɔrɔ tuma na. Ani e k'i yɛrɛ tanga diɲɛ koo nɔgɔninw bɛɛ ma.