Sariya 14:21 - ALA KA KUMA

²¹ «Fɛɛn min sar'a yɛrɛ ma, aw man kan k'o sogo ɲimi. Lonan minw siginin be aw ka duguw la, aw k'a di olu ma, u k'a ɲimi, walima aw be se k'a feere lonan wɛrɛw ma. Aw ye Masaba an ka Ala ta ye. Aw man kan ka baden tobi a bamuso nɔnɔ na.

Jula NT of Côte d’Ivoire

²¹ Aw kana bɛgan jufanin si sogo domu. Lonan minw siginin bɛ aw ta dugu ra, aw y’a di olugu ma, o ye a domu, walama aw y’a fiyeere lonan dɔ ma; sabu aw ye siya saninyanin le ye, min blara danna Matigi Ala, aw ta Ala ye. Aw kana badennin tobi ni a ba ta nɔnɔ ye.

Sariya 14:21 Iomraidhean Croise

Bɔri 19:6

aw bena kɛ ne Masa Ala ka sarakalasebagaw ye, ni siya senuman ye.› I k'o kumaw fɔ Isirayɛlidenw ye.»

Bɔri 22:30

«Aw ka kɛ mɔgɔsaniyaninw ye ne fɛ. Wara ye sogo min minɛ kongo kɔnɔ, aw kana o ɲimi, aw k'o di wuluw ma.

Bɔri 23:19

«Aw ka na n'aw ka sɛnɛfɛn deen fɔlɔw ye ne Masaba aw ka Ala ka soo kɔnɔ. «Aw kana baden tobi a bamuso sinji la.

Bɔri 34:26

«Aw ka na n'aw ka sɛnɛfɛn deen fɔlɔw ɲanaman ye ne Masaba aw ka Ala ka soo kɔnɔ. «Aw kana baden tobi a bamuso sinji la.»

Ezekiyɛli 4:14

Ne y'a fɔ ko: «Ayi, Matigi, Masaba! Ne ma deli ka n yɛrɛ nɔgɔ ka ye. Kabini ne denmisɛn tuma na fɔɔ ka n'a bila bii la, ne ma deli ka sogosu ɲimi, wara ye sogo min dumu k'a tɔɔ to, ne ma deli k'o fana ɲimi. Sogo nɔgɔnin si ma don ne daa la ka ye.»

Ezekiyɛli 44:31

Sarakalasebagaw man kan ka foyi dumu, kɔnɔ fara begɛn kan, min sar'a yɛrɛ ma, walima ni waraw y'a minɛ.

Daniyɛli 12:7

Faniɲumantigi min tun lɔnin be baji sanfɛ, ne y'ale kaan mɛn. A y'a kinibolo, n'a numanbolo kɔrɔta sanfɛ ka kali ko: «Ala kama! Ale min be yen tuma bɛɛ, koo minw be kɛra, o bena kɛ fɔɔ saan saba ni tilan. Ni Ala ka jama barika dɛsɛra pepewu tuma min na, koo nunu bɛɛ bena kɛ ka ban o tuma na le.»

Daniyɛli 8:24

A ka fanga bena boɲa haali. Nga o tena kɛ a yɛrɛ barika la. A bena na ni cɛnniba ye. A mana koo o koo latigɛ, o bɛɛ bena ɲa a bolo. A bena setigi dɔw halaki, ani Ala ka jama.

Sarakalasebagaw 11:40

Ni mɔgɔ o mɔgɔ y'o sogo dɔ ɲimi, o tigi k'a ka faniw ko, a nɔgɔnin be to fɔɔ wulafɛ. Ni min y'a suu ta, ale fana k'a ka faniw ko, a nɔgɔnin be to fɔɔ wulafɛ.

Sarakalasebagaw 17:15

«Ni sogo min sar'a yɛrɛ ma, walima ni wara ye min minɛ, ni mɔgɔ ye o ɲimi, dugulen wo, lonan wo, o tigi k'a ka faniw ko ka jii ko. A nɔgɔnin fana be to fɔɔ wulafɛ. O kɔ, a be saniya.

Sarakalasebagaw 22:8

Fɛɛn min sar'a yɛrɛ ma, walima wara ye min minɛ, a man kan k'o dumu, k'a yɛrɛ nɔgɔ n'o ye. Ne le ye Masaba ye.

Kɛwalew 15:20

An ka sɛbɛ ci u ma k'a fɔ u ye k'u kana josɔnsogo ɲimi, u k'u yɛrɛ tanga kakalaya ma, sogo min kaan ma tigɛ, u kana o ɲimi, u kana sogo joli dumu.

Rɔmukaw 12:2

Aw kana aw yɛrɛ kɛɲɛ ni bii diɲɛ ye, nga aw ye hakilikura min sɔrɔ, aw jogo ka yɛlɛma ka kɛɲɛ n'o ye, janko aw ka se ka Ala sago lɔn, o min ye koɲuman ye, min ka di Ala ye, n'a dafanin be.

Sariya 14:2

bari aw ye siya ye min ye Masaba aw ka Ala ta ye. A y'aw woloma siya tɔw bɛɛ cɛma dugukolo kan, janko aw ka kɛ a yɛrɛ tɔgɔla jama ye.

Sariya 14:20

Gaman be fɛɛn minw bɛɛ la, n'u saniyanin lo, aw be se k'olu ɲimi.

Sariya 7:6

Bari aw ye Masaba aw ka Ala ka jama ye. Masaba aw ka Ala y'aw woloma siya tɔw bɛɛ cɛma dugukolo kan janko aw ka kɛ a yɛrɛ tɔgɔlataw ye.

Piy fɔlɔ 1:16

Bari a fɔra Ala ka kuma yɔrɔ dɔ la ko: «Aw ka kɛ mɔgɔ senumanw ye bari ne ka senu.»