Sariya 14:2 - ALA KA KUMA

² bari aw ye siya ye min ye Masaba aw ka Ala ta ye. A y'aw woloma siya tɔw bɛɛ cɛma dugukolo kan, janko aw ka kɛ a yɛrɛ tɔgɔla jama ye.

Jula NT of Côte d’Ivoire

² sabu aw ye siya saninyanin le ye, siya min blara danna Matigi Ala, aw ta Ala ye. Matigi Ala, aw ta Ala ka aw ɲanawoloma dugukolo siya tɔw bɛɛ cɛ ra, janko aw ye kɛ ale ta siya kanunin ye, siya min ko ka gbɛlɛn a ma.

Sariya 14:2 Iomraidhean Croise

Ɛsidarasi 9:2

U n'u dencɛw y'o siya nunu denmusow furu. U ye siya saniyanin nin ɲagami ni jamana nin kɔnɔ siyaw ye. U ɲamɔgɔw ni kititigɛlaw, le kɔnna k'o ɲagamini kɛ.»

Ezayi 41:9

ne ye aw minw minɛ ka bɔ fɔɔ diɲɛ daan na, ne y'aw wele k'aw to a daan na. Ne y'a fɔ aw ye ko aw ye ne ka baarakɛlaw ye. Ne y'aw woloma, ne m'aw fili.

Ezayi 6:13

Hali ni jama nin tilan tannan kelen le tora, tasuma le bena olu jɛni, i ko joyiriba min tigɛra, a juu dama le be to yen. O juu nin le be segi ka kɛ fɛɛn ɲanaman ye Ala fɛ.

Ezayi 62:12

U bena u wele ko Siya senuman, Masaba ye minw kunmabɔ. U bena i wele ko Madiyadugu, Dugu min labilanin tɛ.

Yeremi 2:3

Isirayɛlidenw, aw tun kɛra ne Masaba ta ye, i ko sɛnɛfɛn deen fɔlɔw. Ni mɔgɔ o mɔgɔ tun y'o dumu, o tigi tun be jalaki, sɛgɛn tun be o tigilamɔgɔ sɔrɔ. Ne Masaba le ko ten.› »

Ezekiyɛli 21:2

«Adamaden, i ɲaa sin worodugu ɲafan fɛ, ka kirayakuma fɔ worodugu ɲafan fɛ tuu kama.

Daniyɛli 12:7

Faniɲumantigi min tun lɔnin be baji sanfɛ, ne y'ale kaan mɛn. A y'a kinibolo, n'a numanbolo kɔrɔta sanfɛ ka kali ko: «Ala kama! Ale min be yen tuma bɛɛ, koo minw be kɛra, o bena kɛ fɔɔ saan saba ni tilan. Ni Ala ka jama barika dɛsɛra pepewu tuma min na, koo nunu bɛɛ bena kɛ ka ban o tuma na le.»

Daniyɛli 8:24

A ka fanga bena boɲa haali. Nga o tena kɛ a yɛrɛ barika la. A bena na ni cɛnniba ye. A mana koo o koo latigɛ, o bɛɛ bena ɲa a bolo. A bena setigi dɔw halaki, ani Ala ka jama.

Sarakalasebagaw 11:45

Ne ye Masaba ye, ne le y'aw bɔ Ezipiti jamana na janko ka kɛ aw ka Ala ye. O la, aw ka kɛ mɔgɔɲumanw ye, bari ne ka ɲi.»

Sarakalasebagaw 19:2

«A fɔ Isirayɛli jama bɛɛ ye ko: Aw ka kɛ mɔgɔ senumanw ye, bari ne Masaba aw ka Ala ka senu.

Sarakalasebagaw 20:24

Ne y'a fɔ aw ye ko aw bena u ka jamana tigiya kɛ. Ne bena jamana nin di aw ma ka kɛ aw ta ye, nɔnɔ ni lii ka ca kosɔbɛ o yɔrɔ la, jamana diman lo. Ne le ye Masaba aw ka Ala ye. Ne y'aw kɛ danna siya tɔw la.

Sarakalasebagaw 20:26

«Aw ka kɛ mɔgɔɲumanw ye ne fɛ, bari ne Masaba ka ɲi. Ne ye aw faran ka bɔ siya tɔw la k'aw bila danna, janko aw ka kɛ ne taw ye.

Rɔmukaw 12:1

N balimaw, ne b'aw daali Ala ka makari kosɔn ko aw k'aw yɛrɛ kɛ saraka ɲanaman ye, min saniyanin lo, n'a ka di Ala ye: o le bena kɛ aw ka batoli ɲanaman ye.

Sariya 14:21

«Fɛɛn min sar'a yɛrɛ ma, aw man kan k'o sogo ɲimi. Lonan minw siginin be aw ka duguw la, aw k'a di olu ma, u k'a ɲimi, walima aw be se k'a feere lonan wɛrɛw ma. Aw ye Masaba an ka Ala ta ye. Aw man kan ka baden tobi a bamuso nɔnɔ na.

Sariya 28:9

N'aw ye Masaba aw ka Ala ka fɔtaw mara, k'a ka siraw taama, a bena aw kɛ a yɛrɛ tɔgɔla jama ye ka kɛɲɛ n'a ka layidu ye aw ye.

Sariya 33:3

Isirayɛli jama koo ka di Masaba ye, a b'a ka mɔgɔw bɛɛ mara. U b'u kunbiri gwan a seen kɔrɔ, u be kalan sɔrɔ yen.

Sariya 4:20

Nga aw kɔni, Masaba y'aw ta k'aw bɔ tɔɔrɔba kɔnɔ Ezipiti, janko aw ka kɛ a ka jama ye i n'a fɔ aw be cogo min na bii.

Sariya 7:6

Bari aw ye Masaba aw ka Ala ka jama ye. Masaba aw ka Ala y'aw woloma siya tɔw bɛɛ cɛma dugukolo kan janko aw ka kɛ a yɛrɛ tɔgɔlataw ye.

Sariya 7:7

«Ni Masaba nɔrɔla aw la ani k'aw woloma, o t'a yira ko aw ka ca ni siya tɔw bɛɛ ye dɛ! Aw ka dɔgɔ n'u bɛɛ ye.

Tite 2:14

Ale lo y'a yɛrɛ di an kosɔn, waasa k'an kunmabɔ tilenbaliyakow bɛɛ la, ani k'an saniya k'an kɛ a yɛrɛ ka jama ye, k'an kɛ mɔgɔw ye minw labɛnnin be koɲuman kɛli kama.

Piy fɔlɔ 2:9

Nga aw kɔni, aw wolomana ka kɛ Setigi Ala ka sarakalasebagaw, ni siya senuman ye. A y'aw sama ka bɔ dibi la k'aw bila a ka kɛnɛba la janko aw k'a ka ɲumanya koo fɔ.