Sariya 13:6 - ALA KA KUMA

⁶ O kira, walima o yelikɛla nin ka kan ka faga, bari a tun b'a fɔra ko aw ka muruti Masaba aw ka Ala ma. Ale min y'aw bɔ Ezipiti jamana na jɔnya la. A b'a fɛ k'aw faran ka bɔ Masaba aw ka Ala ka sira la. Masaba ko aw ka min taama. Aw ka kan ka kojugu bɔ aw cɛma.

Jula NT of Côte d’Ivoire

⁶ O cira, walama o sikokɛbaga ka kan ka faga, sabu a kumana ka aw lamuruti Matigi Ala, aw ta Ala ma, Ala min ka aw labɔ Misiran, ka aw kisi ka bɔ o jɔnyaso ra. Matigi Ala, aw ta Ala ka sira min yira aw ra, o tigi tun b’a fɛ ka aw lafiri ka bɔ o sira le kan. O ra, aw ye o kojugu bɔ aw cɛ ra.

Sariya 13:6 Iomraidhean Croise

Damina 16:5

Sarayi y'a fɔ Abramu ye ko: «Ele le kɛra sababu ye tɔɔrɔ nin ye ne sɔrɔ gwansan. Ne le ye n ka jɔnmuso d'i ma. Sisan a y'a ye ko a kɔnɔman lo minkɛ, a te ne jatira tugu. Masaba le bena ne ni ele bɔ ɲɔgɔn na.»

Sam 2nan 1:26

Ne nii tɔɔrɔnin be e kosɔn Zonatan, ne balimacɛ, e koo tun ka di ne ye kosɔbɛ. E ka teriya tun ka di ne ye haali, o tun tɛmɛna muso ta kan.

Mas fɔlɔ 18:40

O kɔ, Eli y'a fɔ u ye ko u ka Baali ka kira nunu minɛ, ko u kan'a to kelen yɛrɛ be boli. U y'u minɛ. Eli tagara n'u ye Kisɔn kɔɔ daa la k'u kaan tigɛ yen.

Mas 2nan 11:18

O kɔ, jamana kɔnɔ mɔgɔw bɛɛ tagara don Baali soo kɔnɔ k'a cɛn, k'a sɔnnikɛyɔrɔw n'a jaaw ci k'u mugumugu, ka Baali sɔnbagaw kuntigi Matan faga sɔnnikɛyɔrɔw gɛrɛfɛ. O kɔ, sarakalasebaga Yoyada ye kɔlɔsilikɛlaw bila Masaba ka soo kosɔn.

Lok 2nan 15:13

Ko ni mɔgɔ min banna ka Masaba, Isirayɛli ka Ala ɲini, k'o tigi bena faga, denmisɛn fara mɔgɔkɔrɔba kan, cɛɛ ni musow.

Lok 2nan 23:17

O kɔ, jamana kɔnɔ mɔgɔw bɛɛ tagara don *Baali ka soo kɔnɔ k'a ci, k'a sɔnnikɛyɔrɔw n'a jaaw ci k'u mugumugu, ka Baali murutigi Matan faga sɔnnikɛyɔrɔw gɛrɛfɛ.

Ayuba 31:27

n'o kɛra sababu ye ne dusu yɛlɛmana u faan fɛ dogo la, ni ne ye u kɛ batofɛn ye k'u bato,

Bɔri 13:3

Musa y'a fɔ jama ye ko: «Aw bɔra jɔnya la loon min na Ezipiti, aw k'aw hakili to o loon na, saan o saan, ka ɲanagwɛ kɛ o loon na, bari Masaba ye aw bɔ yen ni barika ye. Aw man kan ka buru dumu, fununan be min na.

Bɔri 32:27

A y'a fɔ u ye ko Masaba, Isirayɛli ka Ala ko cɛɛw kelen kelen bɛɛ k'u ka murujanjanw dulon u gɛrɛn na, ka taga ka segi kɛ, ka tɛmɛ jama sigiyɔrɔ faan bɛɛ la, k'u balimacɛw n'u teriw ani u sigiɲɔgɔnw faga.

Zanaw 18:24

Mɔgɔ teriw be se ka na ni bɔnɛ ye. Nga terisɔbɛ be se ka fisaya ni baden ye.

Zanaw 5:20

N deen, mun na e b'i ɲaa bɔ kakalamuso fɛ? Mun na i be muso wɛrɛ siin mɔmɔ?

Yeremi 28:15

O kɔ, kira Zeremi y'a fɔ kira Ananiya ye ko: «Ananiya, a filɛ, Masaba m'i ci. E b'a kɛra jama nin benna galon la.

Yeremi 28:16

O la, Masaba ko a bena i tunu ka bɔ dugukolo kan. I bena sa ɲinan saan na, bari i b'a fɔra mɔgɔw ye ko u ka muruti ale ma.»

Yeremi 44:3

U ka kojuguw kama lo u ye minw kɛ ka ne dimi. U tagara joow sɔn, k'u bato, u tun te minw lɔn, aw n'aw faaw fana ma minw lɔn.

Jakariya 13:3

O tuma na, ni mɔgɔ dɔ ye kirayakuma fɔ, a yɛrɛ facɛ n'a bamuso le ben'a fɔ a ye ko: ‹I ka kan ka faga, bari i be galon le tigɛra Masaba tɔgɔ la.› O la, n'a ye kiraya kɛ, a yɛrɛ wolofa n'a yɛrɛ woloba le ben'a sɔgɔ ni muru ye.

Kor 2nan 5:16

O la, an te mɔgɔ si jati adamadenw ka jaticogo la tugu. Hali n'an tun ye Krista lɔn ten, sisan an t'a lɔn o cogo la tugu.

Galasikaw 2:4

Nga an balimakolon dɔw le tun b'a fɛ a ka kɛnɛkɛnɛ, olu minw farala an kan namara kosɔn. An ye hɔrɔnyali min sɔrɔ Yezu Krista fɛ, u tun b'a fɛ k'o cogo lɔn, k'an bɔ o la k'an don jɔnya la.

Ɛfɛsikaw 4:14

O la, aw tena kɛ i n'a fɔ denmisɛnw tugu, minw te se ka lɔ kelen kan, kalanjugu sifa bɛɛ ni namara be se ka minw hakili yɛlɛma k'u kunna cɛn, i n'a fɔ kurundennin be cogo min na jii kan.

Sariya 11:32

Ne ye sariyaw ni landa minw bɛɛ fɔ aw ye bii, aw ka jija k'u bato.

Sariya 13:2

«Ni kira dɔ, walima yelikɛla dɔ mana wili aw cɛma, ka taamasiɲɛ dɔ fɔ aw ye, walima kabako dɔ,

Sariya 13:7

«N'i baden, e ni min ye baa kelen ye, walima i dencɛ, walima i denmuso, walima i muso, min koo b'i dusu la kosɔbɛ, walima i terigwɛlɛn, n'a y'i wele dogo la ko aw ka taga fɛɛn wɛrɛw bato, aw n'aw bɛmaw te minw lɔn,

Sariya 17:12

«Sarakalasebaga min b'a ka baara kɛ Masaba aw ka Ala ɲakɔrɔ, ni mɔgɔ dɔ y'a ɲaa don ale la, walima kititigɛla la, ka koo dɔ kɛ n'a ma mɛnni kɛ u fɛ, o tigi ka kan ka faga. O la, aw bena kojugu bɔ Isirayɛlidenw cɛma.

Sariya 18:20

Nga ni kira min y'a jaa gwɛlɛya ka kuma dɔ fɔ ne tɔgɔ la k'a sɔrɔ ne ma o fɔ a ye, walima ka kuma batofɛn wɛrɛ tɔgɔ la, o ka kan ka faga.›

Sariya 19:19

a tun b'a fɛ fɛɛn min ka kɛ a tɔɲɔgɔn nin na, aw bena o kɛ ale yɛrɛ la. O la, aw bena kojugu bɔ aw cɛma.

Sariya 21:21

O kɔ, dugumɔgɔw bɛɛ b'a bon ni kabakuru ye fɔɔ k'a faga. O la, aw bena kojugu bɔ aw cɛma. Isirayɛlidenw bɛɛ bena o koo mɛn, u bena siran.

Sariya 22:21

u bena bɔ ni muso nin ye a facɛ ka bonda la, dugumɔgɔw ben'a bon ni kabakuru ye k'a faga, bari a ye maloyako kɛ Isirayɛlidenw cɛma. K'a to a facɛ ka soo kɔnɔ, a ye kakalaya kɛ. O la, aw bena kojugu bɔ aw cɛma.

Sariya 24:7

«Ni aw Isirayɛlidenw dɔ y'a balima dɔ minɛ k'a kɛ jɔɔn ye, walima k'a feere, o tigi ka kan ka faga. O la, aw bena kojugu bɔ aw cɛma.

Sariya 28:54

Cɛɛ min ka ɲi n'aw bɛɛ ye, ni nigwɛlɛya man d'a ye, a muso min koo ka d'a ye, n'a deen minw tora, a bena olu n'a badenw filɛ n'a ɲajugu ye.

Sariya 29:18

N'a sɔrɔla ko mɔgɔ dɔ ye layidukuma nin mɛn k'a yɛrɛ boɲa k'a fɔ ko: ‹Ne ta ka ɲi, hali ni ne be n nigɛlakow le kɛra. Sabu minnɔgɔ te dugukolo ɲiginin na.›

Sariya 8:14

aw kana aw yɛrɛ boɲa fɔɔ ka ɲinɛ Masaba aw ka Ala kɔ. Ale min y'aw bɔ Ezipiti jamana kɔnɔ jɔnya la.

Kɔlɔsikaw 2:4

Ne ye kuma nin fɔ aw ye janko mɔgɔ si kana aw lafili ni manamanakuma ye.

Yosuwe 7:13

Wili ka jama labɛn u k'u yɛrɛ saniya. A fɔ u ye ko: ‹Aw k'aw yɛrɛ saniya sini kama, bari Masaba, Isirayɛli ka Ala y'a fɔ ko fɛɛn minw bilara ka kɛ ale ta ye, u dɔ be aw Isirayɛlidenw bolo, o kama, aw tena se ka lɔ aw juguw ɲafɛ n'o fɛɛn nunu b'aw fɛ.

Piy 2nan 2:1

Ayiwa, fɔlɔ la, kirajuguw tun be mɔgɔw cɛma. O cogo kelen na, karamɔgɔjuguw bena bɔ aw fana cɛma ka mɔgɔw kalan ni galon dɔrɔn ye min be cɛnni kɛ fɔɔ u be taga ban u Matigi la, min y'u kunmabɔbaga ye. O tuma na sa, u bena bari ka halaki.

Yirari 12:9

Misɛli ye Sogojuguba nin n'a kɔmɔgɔw gwɛn ka jigi dugukolo kan. U b'ale Sogojugu nin le wele fana ko sakɔrɔ, jinaw kuntigi, Sutana, diɲɛ ɲagamibaga.

Yirari 13:14

Sebagaya min dir'a ma, a y'o ta ka kabakow kɛ ka mɔgɔ caaman lafili Sogo fɔlɔ nin ɲana. A y'a fɔ mɔgɔw ye k'u ka Sogo fɔlɔ nin jaa dilan k'a boɲa, Sogo min tun mandimina n'a ma sɔrɔ ka sa.

Yirari 20:3

Mɛlɛkɛ y'a ta k'a fili Dingɛjugu nin kɔnɔ k'a datugu, k'a sɔgɔ waasa a kana se ka bɔ ka mɔgɔ si lafili ni saan waa kelen nin ma tɛmɛ. N'o tɛmɛna, a bena bɔ ka waati dɔɔni kɛ.

Kititigɛbagaw 10:6

O kɔ, Isirayɛlidenw ye kojugu kɛ Masaba ɲakɔrɔ tugu. U ye *Baali ni *Asitarite sɔn yɔrɔ caaman na, ani Sirikaw ka joow, ni Sidɔnkaw, ani mowabuw ni amoniw, ni filisiw taw. U ye Masaba to yen u m'a bato tugu.

Kititigɛbagaw 2:13

U banna Masaba la ka to ka baali ni *Asitarite sɔn.

Kititigɛbagaw 20:13

Mɔgɔkolon minw be Gibeya, aw ka olu di, an bena u faga, janko o kojugu ka bɔ Isirayɛlidenw cɛma.» Nga Bɛnzamɛn kɔmɔgɔw ma sɔn ka mɛnni kɛ u balima Isirayɛlidenw fɛ.

Kititigɛbagaw 5:8

U tun tugura joow kɔ, kɛlɛ fana wilila, k'a sɔrɔ nigɛkunbɛnnan ni taman yɛrɛ ma sɔrɔ Isirayɛliden mɔgɔ waa bi naani fɛ.

Sam fɔlɔ 18:1

Yanni Dawuda be tila a ka kuma na ni Sayuli ye, a koo diyara Zonatan ye i n'a fɔ a yɛrɛ, Zonatan nɔrɔl'a la.

Sam fɔlɔ 18:3

Zonatan ye teriya don ni Dawuda ye, bari a koo tun ka di a ye i n'a fɔ a yɛrɛ.

Sam fɔlɔ 20:17

O waati la tugu, Zonatan y'a kɛ Dawuda kalil'a ka teriya kosɔn, bari Dawuda koo tun ka d'a ye i n'a fɔ a yɛrɛ.