Sariya 13:3 - ALA KA KUMA

³ n'o taamasiɲɛ, walima n'o kabako kɛra ten tiɲɛ na, n'o tigi y'a ɲini aw fɛ ko aw ka taga fɛɛn wɛrɛw bato aw te minw lɔn,

Jula NT of Côte d’Ivoire

³ a ka min fɔ ni o nana kɛ can ye, nka ni o kɔ fɛ o tigi ko aw ma ko aw ye taga batofɛn wɛrɛw kɔ, ka taga o bato, aw ma batofɛn minw lɔn,

Sariya 13:3 Iomraidhean Croise

Mas fɔlɔ 13:19

O la, Ala ka mɔgɔ nin tugur'a kɔ ka na soo, ka dumuni kɛ ka jii min.

Zaburu 119:2

Mɔgɔ minw be Masaba ka kolatigɛninw kɛ, ani k'a ɲini n'u dusu bɛɛ ye, olu dagamunin lo.

Zaburu 66:10

Ala, i y'an sɛgɛsɛgɛ. I y'an sɛgɛsɛgɛ warigwɛ cogo la.

Zaburu 81:7

A ko: «Ne ye doni jigi ka bɔ aw gaman kan. Ne y'a kɛ aw ye biriki doni bila.

Bɔri 20:20

Musa y'a fɔ jama ye ko: «Aw kana siran, Ala nana aw kɔrɔbɔ le, janko aw ka siran a ɲa, ani aw kana na hakɛ kɛ.»

Ezayi 8:20

aw k'u jaabi ko u ka mɛnni kɛ Masaba ka kuma la. Ni mɔgɔ minw ka fɔta ma bɛn o ma, olu yɔrɔ ka jan kɛnɛ la.

Matiyu 24:24

bari mɔgɔ dɔw bena galon tigɛ, k'olu ye Ala ka Mɔgɔ wolomanin nin ye. Dɔw fana bena galon tigɛ k'a fɔ k'olu ye kira ye. U bena kabakobabaw kɛ ka mɔgɔw fili n'o ye. Ala ye mɔgɔ minw woloma k'u kɛ a yɛrɛ taw ye, n'u tun be se, u tun bena olu fana fili.

Kɛwalew 17:11

Olu ka koo tun ka di ni Tesaloniki zuwifuw ta ye. U sɔnna Ala ka kuma ma ni dusuɲuman ye. Loon o loon, u tun be ɲɔgɔn fɛ ka to ka Ala ka kuma sɛgɛsɛgɛ k'a filɛ ni Pɔli ka kuma nunu ye tiɲɛ ye.

Kor fɔlɔ 11:19

Tilanni yɛrɛ ka kan ka kɛ aw cɛma, janko mɔgɔsɔbɛw ka se ka lɔn.

Kor 2nan 8:8

A ma kɛ ko ne b'a fɔ aw ye ko wajibi lo aw k'a kɛ o cogo la dɛ, nga ne b'aw tɔɲɔgɔnw ka jijali fɔ aw ɲana, janko aw ka se k'a yira ko kanuya b'aw la tiɲɛ na.

Ɛfɛsikaw 4:14

O la, aw tena kɛ i n'a fɔ denmisɛnw tugu, minw te se ka lɔ kelen kan, kalanjugu sifa bɛɛ ni namara be se ka minw hakili yɛlɛma k'u kunna cɛn, i n'a fɔ kurundennin be cogo min na jii kan.

Sariya 6:5

Aw ka Masaba aw ka Ala kanu n'aw dusu bɛɛ ye, n'aw kɔnɔ bɛɛ ye, n'aw fanga bɛɛ ye.

Sariya 8:16

A ye maanɛ di aw ma o kongokolon nin kɔnɔ, aw bɛmaw tun te dumuni min lɔn, ko aw k'o dumu janko k'aw majigi ani k'aw kɔrɔbɔ, waasa ka se ka koɲuman kɛ aw ye sini.

Sariya 8:2

Aw k'aw hakili to taamajan nin na, Masaba aw ka Ala y'a kɛ aw ye min kɛ saan bi naani, kongokolon kɔnɔ. A y'o kɛ janko k'aw majigi k'a filɛ min b'aw kɔnɔ na, ni aw tun bena sɔn k'a ka kuma bato, walima n'aw tun tena sɔn.

Tes 2nan 2:11

O le y'a to Ala y'a kɛ u filila kosɔbɛ.

Zan fɔlɔ 2:19

U bɔra anw cɛma le, nga u tun t'an dɔw ye bɛrɛbɛrɛ, ni an dɔw tun lo, u tun be to n'an ye. Nga a kɛra ten waasa a k'a yira ko an dɔ te u ye tiɲɛ na.

Zan fɔlɔ 4:1

Ne terisɔbɛw, mɔgɔ minw ko Nii Senuman b'u fɛ, aw kana la olu bɛɛ la. Nga aw k'u sɛgɛsɛgɛ fɔlɔ k'a filɛ ni Ala ta lo. Bari kirakolon caaman be diɲɛ na sisan.

Zan fɔlɔ 4:4

Ne deenw, aw kɔni ye Ala taw ye. Aw sera kira nunu kɔrɔ bari Nii Senuman be ni aw ye. Ale fanga ka bon ni Sutana ta ye, min be diɲɛ kɔnɔ.

Yirari 13:14

Sebagaya min dir'a ma, a y'o ta ka kabakow kɛ ka mɔgɔ caaman lafili Sogo fɔlɔ nin ɲana. A y'a fɔ mɔgɔw ye k'u ka Sogo fɔlɔ nin jaa dilan k'a boɲa, Sogo min tun mandimina n'a ma sɔrɔ ka sa.

Kititigɛbagaw 2:22

Ne bena o siya nunu kɛ ka Isirayɛlidenw kɔrɔbɔ k'a filɛ yala u bena sɔn, walima u tena sɔn ka ne ka sira taama i n'a fɔ u faaw tun y'a kɛ cogo min na.»

Sam fɔlɔ 26:19

N matigi, masacɛ, mɛnni kɛ i ka baarakɛla darakan na sisan. N'a kɛra ko Masaba le y'a to i wilila ne kama, ne b'a daali ko a ka sɔn n ka boɲafɛn na. Nga ni adamadenw le y'o kɛ, olu danganin lo Masaba ɲakɔrɔ, bari u ye ne gwɛn ka bɔ jamana na, Masaba ye min di a ka jama ma. A kɛra i n'a fɔ u tun y'a fɔ ne ye ko ne ka taga joow sɔn.