Sariya 13:17 - ALA KA KUMA

¹⁷ Aw k'o dugu nafolo bɛɛ cɛ k'o kɛ ɲɔgɔn kan forobayɔrɔ la k'a jɛni pepewu, ka dugu nin fana jɛni Masaba aw ka Ala ye. O yɔrɔ bena kɛ tomo ye, dugu nin tena sigi tugu abada.

Jula NT of Côte d’Ivoire

¹⁷ O kɔ, aw ye dugu naforo bɛɛ lajɛn dugu kɛnɛgbɛ cɛ ma, ka dugu ni a naforo bɛɛ jɛni, k’a kɛ i ko saraka jɛnita* Matigi Ala, aw ta Ala ɲa kɔrɔ. O dugu bɛna kɛ tomo le ye, ka to ten tuma bɛɛ, a tɛna lɔ ka ye tuun.

Sariya 13:17 Iomraidhean Croise

Damina 26:24

O loon sufɛ, Masaba y'a yɛrɛ yira a la k'a fɔ a ye ko: «Ne y'i faa Ibrayima ka Ala ye. Kana siran, bari ne be n'i ye. Ne bena i ta ɲa k'i kɔmɔgɔw caya ne ka jɔncɛ Ibrayima kosɔn.»

Damina 26:4

Ne bena i kɔmɔgɔw caya i n'a fɔ lolow, ka mara nunu bɛɛ di u ma. Dugukolo kan siyaw bɛɛ bena hɛrɛ sɔrɔ i kɔmɔgɔw barika la

Damina 28:14

I kɔmɔgɔw bena caya i n'a fɔ cɛncɛn, u bena jɛnsɛn ka taga kɔrɔn ni tileben fɛ, ani kɔgɔdugu ni worodugu ɲafan fɛ. Dugukolo kan siyaw bɛɛ bena hɛrɛ sɔrɔ e, n'i kɔmɔgɔw barika la.

Zaburu 78:38

Nga ale ye makaritigi ye. Ale tun be to ka yafa u ma u ka filiw la. A tun te to k'u halaki. A tun be to k'a dusu suma u kɔrɔ, a tun te to k'a ka dimi yira u la.

Zaburu 85:3

E y'i ka jama ka fili yafa, i y'a ka kojuguw bɛɛ yafa.

Bɔri 20:6

Nga minw be ne kanu ka ne ka kuma mara, ne be makari olu kɔmɔgɔw la fɔɔ *filankuru caaman.

Bɔri 32:12

N'i y'o kɛ, Ezipitikaw ben'a fɔ ko i ka juguya kama lo i bɔra n'an ye janko k'an faga kuluw yɔrɔ la, k'an sii tunu ka bɔ dugukolo kan. I dusu mala. I b'a fɛ ka kojugu min kɛ i ka jama na, o dabila.

Kasikan 3:32

N'a ye ɲagwan la min kan, a be tila ka makari, bari, a ka ɲumanya ka bon.

Ezekiyɛli 37:26

Ne bena bɛn n'u ye hɛrɛ ka sɔrɔ an ni ɲɔgɔn cɛ, o bɛɛn bena to yen kudayi. Ne bena u ka koo sabati k'u caya. Ne bena sigi u cɛma tuma bɛɛ.

Oze ta kitabu 11:9

Ne tena ta n dimikojugu fɛ, ne tena Efarayimu kɔmɔgɔw halaki tugu. Bari, ne ye Ala ye, ne te adamaden ye. Ne saniyanin lo aw cɛma, ne tena na ni dimi ye.

Jateri 25:4

A y'a fɔ Musa ye ko: «I ka jama ɲamɔgɔw bɛɛ minɛ k'u faga kɛnɛ kan ne Masaba ɲakɔrɔ, janko ne dusu ka suma Isirayɛlidenw kɔrɔ, bari ne diminin be kosɔbɛ.»

Kor fɔlɔ 16:22

Ni Matigi ka koo man di mɔgɔ dɔ ye, o tigi danganin lo. Maranata. An Matigi be na.

Sariya 13:18

Fɛɛn minw ka kan ka halaki ka kɛ Masaba ta ye, aw man kan ka maga olu si la janko Masaba ka dimi fariman ka ban. A ben'a ka ɲumanya yira aw la, ka makari aw la, k'aw caya, i n'a fɔ a y'a layidu ta aw bɛmaw ye cogo min na.

Sariya 30:3

Masaba aw ka Ala bena aw ta ɲa tugu, a bena makari aw la, ani k'aw lajɛn ka bɔ siya wɛrɛw bɛɛ cɛma, a tun ye aw jɛnsɛ yɔrɔ minw na.

Sariya 30:5

ka segi n'aw ye aw bɛmaw ka jamana na. Aw bena o kɛ aw ta ye, ani Masaba bena aw ta ɲa ka tɛmɛ aw bɛmaw ta kan, k'aw caya ka tɛmɛ u kan fana.

Sariya 7:13

Aw koo bena diy'a ye, a bena aw ta ɲa, ka deen caaman di aw ma, k'aw ka forow ɲa, ka suman caaman, ni duvɛnkɛnɛ caaman, ani tulu caaman di aw ma. A bena aw ka misiw caya, n'aw ka begɛnmisɛnw, jamana nin kɔnɔ. A tun ye min layidu ta aw bɛmaw ye ko a ben'a di aw ma.

Sariya 7:26

Fɛɛn minw nɔgɔninw lo, aw kana don ni olu si ye aw ka soo kɔnɔ, janko aw fana kana halaki i n'a fɔ olu. Aw ka kan k'o koo goya aw ye, u man kan ka diya aw ye fewu, bari u ka kan ka halaki le.

Yosuwe 22:20

Fɛɛn minw tun bilara Ala ye, Zera dencɛ Akan tun ye kojugu kɛ k'u dɔ ta tuma min na, Ala tun ma dimi Isirayɛli jama bɛɛ le kɔrɔ wa? Akan kelen dama tun ma sa a ka kojugu nin kosɔn.› »

Yosuwe 6:18

Fɛɛn minw ka kan ka bila Ala ye, aw k'aw yɛrɛ kɔlɔsi u la, bari n'aw ye dugu halaki ka dɔ ta fɛɛn nunu na, aw bena kɛ sababu ye ka Isirayɛlidenw bila kojugu la, a kɛra ten u bena tɔɔrɔ sɔrɔ.

Yosuwe 6:24

O kɔ, u ye dugu nin bɛɛ jɛni a n'a kɔnɔnafɛnw bɛɛ. Warigwɛ ni sanu ani fɛɛn minw bɛɛ dilanna ni zira, ani nigɛ yɛrɛ ye, u ye olu bɛɛ mara Masaba ye a ka soo kɔnɔ.

Yosuwe 6:26

O tuma na, Zozuwe kalila k'a fɔ ko: «Ni mɔgɔ min wilila ko ale bena Zeriko lalaga k'a lɔ, o tigi danganin lo Masaba ɲakɔrɔ. O tigi ben'a denkɔrɔba le kɛ saraka ye fɔlɔ, ka sɔrɔ ka dugu nin juu sigi, ani k'a dencɛ laban kɛ saraka ye ka sɔrɔ ka koon don dugu dondaw la.»

Yosuwe 7:1

Fɛɛn minw tun bilara ka kɛ Masaba ta ye, Isirayɛlidenw ye kojugu kɛ olu koo la. Zuda kɔmɔgɔ Zera deen Zabidi dencɛ Karimi deen Akan tun y'o fɛɛn nunu dɔw ta, o la, Masaba dimina Isirayɛlidenw kɔrɔ.

Yosuwe 7:26

U ye kabakuruw cɛ k'o ton Akan jɛniyɔrɔ la, o kabakuruton nin be yen halibi. A kɛra ten, Masaba ka dimi banna. O sababu le y'a to u be o yɔrɔ nin wele halibi ko Akɔri kɔkɛnɛ.

Yosuwe 8:28

Zozuwe ye Ayi jɛni k'a kɛ tomo ye. Halibi a be ten.