Sariya 13:1 - ALA KA KUMA

¹ «Aw ye jija, ne be kuma minw bɛɛ fɔra aw ye, aw k'u bato. Aw kana foyi bɔ a la, aw kana dɔ fara a kan.

Jula NT of Côte d’Ivoire

¹ Ne ka fɛn o fɛn fɔ aw ye, aw ye o bɛɛ kɛ, k’a sira tagama; aw kana foyi fara a kan, aw fana kana foyi bɔ a ra.

Sariya 13:1 Iomraidhean Croise

Mas fɔlɔ 13:18

Kira cɛkɔrɔba nin y'a fɔ a ye ko: «Ne fana ye kira ye i n'a fɔ ele. Masaba ye mɛlɛkɛ dɔ ci ne fɛ, ko ne ka taga e minɛ ka segi n'i ye soo, i ka na dumuni kɛ ka jii min.» Ka sɔrɔ a tun be galon tigɛr'a ye le.

Mas fɔlɔ 13:19

O la, Ala ka mɔgɔ nin tugur'a kɔ ka na soo, ka dumuni kɛ ka jii min.

Zanaw 30:6

Kana foyi fara a ka kuma kan. N'o tɛ, a b'i jalaki k'a yira ko i ye galontigɛla ye.

Ezayi 9:15

Jama nin ɲamɔgɔw y'u lafili. U tun be minw ɲatilenna, olu kunnacɛnna.

Yeremi 23:11

«Alaɲasiran te kiraw ni sarakalasebagaw la! Ne b'u ka juguya yera hali n ka soo kɔnɔ. Ne Masaba le ko ten!

Yeremi 23:32

Kira minw b'u ka sikokolonw kiraya kɛ, ne bena wili olu kama. Ne Masaba le ko ten! Olu minw be siko nunu lakali ka ne ka mɔgɔw lafili n'u ka galonw n'u ka yɛrɛboɲa ye. Ne m'u ci dɛ! Ne ma sira fana di u ma. U te foyi ɲa mɔgɔ nunu ye. Masaba le ko ten!

Yeremi 27:9

Aw do, aw kana mɛnni kɛ aw ka kiraw n'aw ka lagwɛlikɛlaw, ni sikow kɔrɔ fɔbagaw, n'aw ka kirisitigiw ni filɛlikɛlaw ka kuma na, minw b'a fɔra aw ye ko Babilɔni masacɛ tena aw wajibiya ka baara kɛ a ye.

Yeremi 29:24

Semayawu min be bɔ Neelamu, i ben'a fɔ ale ye ko:

Yeremi 29:26

‹Masaba le y'i kɛ sarakalasebaga ye Yewoyada nɔɔ na k'i kɛ Masaba ka soo kɔlɔsibaga ye. Fatɔ min mana wili k'a yɛrɛ kɛ kira ye, i ka kan k'o tigi kolo ni jɔrɔkɔ ani kandonnigɛ ye.

Yeremi 29:8

Masaba, Setigi, Isirayɛli ka Ala, ko: ‹Aw kan'a to kira minw be aw cɛma, walima aw ka lagwɛlikɛlaw, k'aw lafili. Aw kana u ka sikow jati.

Yeremi 6:13

Denmisɛn ni mɔgɔkɔrɔbaw bɛɛ b'u ka tɔnɔ dɔrɔn le ɲinina. Kiraw ni sarakalasebagaw bɛɛ be namara le kɛ.

Ezekiyɛli 13:23

o la, aw tena yelifɛnkolon si ye tugu, aw tena lagwɛli kɛ tugu. Ne bena n ka mɔgɔw kisi ka bɔ aw bolo. O tuma na, aw ben'a lɔn ko ne ye Masaba le ye.»

Jakariya 10:2

Joow ka jaabili ye fuu ye, lagwɛlikɛlaw ɲaa ma foyi ye ni galon tɛ. U ka siko bɛɛ ye galon ye, u ka dususaalokuma ye fuu ye. O la, jama sigɛnnin tagara u kunfɛ, bari marabaga tun t'u la.

Jakariya 13:4

O waati la, kira kelen kelen bɛɛ bena maloya a ka kirayako la, u tena kiraya fani don tugu ka mɔgɔw namaran.

Matiyu 24:11

Mɔgɔ caaman bena wili ka galon tigɛ k'olu ye kiraw ye, u bena mɔgɔ caaman fili.

Matiyu 24:24

bari mɔgɔ dɔw bena galon tigɛ, k'olu ye Ala ka Mɔgɔ wolomanin nin ye. Dɔw fana bena galon tigɛ k'a fɔ k'olu ye kira ye. U bena kabakobabaw kɛ ka mɔgɔw fili n'o ye. Ala ye mɔgɔ minw woloma k'u kɛ a yɛrɛ taw ye, n'u tun be se, u tun bena olu fana fili.

Matiyu 7:15

«Mɔgɔ minw be galon tigɛ k'olu ye kiraw ye, aw k'aw yɛrɛ kɔlɔsi olu la. N'u be na aw fɛ, u b'u yɛrɛ kɛ sagaw ye k'a sɔrɔ waraw lo.

Marika 13:22

Mɔgɔ dɔw bena galon tigɛ k'olu ye Ala ka Mɔgɔ wolomanin nin ye. Dɔw fana bena galon tigɛ k'olu ye kiraw ye. U bena kabakow kɛ ka mɔgɔw fili n'o ye. Ala ye mɔgɔ minw woloma k'u kɛ a yɛrɛ taw ye, n'u tun be se, u tun bena olu fana fili.

Luka 6:26

Ni mɔgɔ bɛɛ be aw tɔgɔɲuman fɔ, bɔnɛ ye aw ta ye, bari u faaw tun be kira galontigɛlaw boɲa ten.

Sariya 18:20

Nga ni kira min y'a jaa gwɛlɛya ka kuma dɔ fɔ ne tɔgɔ la k'a sɔrɔ ne ma o fɔ a ye, walima ka kuma batofɛn wɛrɛ tɔgɔ la, o ka kan ka faga.›

Sariya 4:1

Musa y'a fɔ tugu ko: «Sisan Isirayɛlidenw, aw ka mɛnni kɛ sariya ni landaw koo la. Ne bena aw kalan minw na. Aw k'o bato janko aw kana sa, aw ka se ka don jamana nin kɔnɔ k'a kɛ aw ta ye. Masaba, aw bɛmaw ka Ala be min dira aw ma.

Sariya 4:2

Ne be kuma min fɔra aw ye, aw kana dɔ fara o kan, aw fana kana foyi bɔ o la. Nga ne be Masaba aw ka Ala ka sariya minw fɔra aw ye, aw k'o bato.

Tes 2nan 2:9

O juguman nin bena na ni Sutana ka fanga ye, ka kabako sifa bɛɛ kɛ fɔɔ ka mɔgɔw namara ni dɔw ye.

Piy 2nan 2:1

Ayiwa, fɔlɔ la, kirajuguw tun be mɔgɔw cɛma. O cogo kelen na, karamɔgɔjuguw bena bɔ aw fana cɛma ka mɔgɔw kalan ni galon dɔrɔn ye min be cɛnni kɛ fɔɔ u be taga ban u Matigi la, min y'u kunmabɔbaga ye. O tuma na sa, u bena bari ka halaki.

Zan fɔlɔ 4:1

Ne terisɔbɛw, mɔgɔ minw ko Nii Senuman b'u fɛ, aw kana la olu bɛɛ la. Nga aw k'u sɛgɛsɛgɛ fɔlɔ k'a filɛ ni Ala ta lo. Bari kirakolon caaman be diɲɛ na sisan.