Sariya 12:7 - ALA KA KUMA

⁷ Aw n'aw ka denbaya bena lajɛn ka dumuni kɛ Masaba aw ka Ala ɲakɔrɔ o yɔrɔ la, ani ka nisɔndiya, aw ka baara bɛɛ kosɔn bari Masaba aw ka Ala y'aw dɛmɛ.

Jula NT of Côte d’Ivoire

⁷ Aw ka kan ka aw ta sarakaw domu o yɔrɔ le ra, Matigi Ala, aw ta Ala ɲa kɔrɔ; Matigi Ala, aw ta Ala ka baraka don aw ra, ka aw ta baara nafa minw di aw ma, aw ni aw ta somɔgɔw ye o diyabɔ ka ɲagari o yɔrɔ ra.

Sariya 12:7 Iomraidhean Croise

Lok fɔlɔ 29:22

U ye dumuni kɛ ka minni kɛ o loon na Masaba ɲakɔrɔ ka nisɔndiya kosɔbɛ. U y'a fɔ tugu ko Dawuda dencɛ Solomani le ye masacɛ ye. U ye tulu bɔn a kunna Masaba ɲakɔrɔ k'a kɛ masacɛ ye, ani ka Sadɔki kɛ sarakalasebaga ye.

Nehemi 8:9

Masacɛ ka lasigiden Neemi ni sarakalasebaga sariya karamɔgɔ Ɛsidirasi ani Levi kɔmɔgɔ minw tun be jama kalanna, olu y'a fɔ jama ye ko: «Bii ye Masaba aw ka Ala ka loon ye, aw kana to dusukasi la, aw kana kasi.» Bari jama bɛɛ tun ye sariyakuma nin mɛn tuma min na, u bɛɛ tora ka kasi.

Waajurikɛbaga 3:12

Ne y'a lɔn ko adamaden ka nisɔndiya, ka koɲuman kɛ a sii kɔnɔ, k'o dama le ka ɲi a ma.

Waajurikɛbaga 3:13

Ni mɔgɔ o mɔgɔ be dumuni kɛ, ka minni kɛ, ka nisɔndiya a ka baara bɛɛ la, o ye Ala ka dɛmɛ ye.

Waajurikɛbaga 5:18

Ni Ala y'a nɔgɔya mɔgɔ min ye ka nafolo d'a ma, ani k'a to o tigi fana ka se k'a diya bɔ, ani ka nisɔndiya a ka baara la, o fana ye Ala ka dɛmɛ ye.

Ezayi 23:18

Nga, a bena fɛɛn minw sɔrɔ o kakalaya la, o bena kɛ Masaba ta ye. O tena cɛ k'a ton ɲɔgɔn kan, a tena mara. Mɔgɔ minw be baara kɛ Masaba ɲakɔrɔ, a bena kɛ olu ka balo ye, k'u wasa, ani ka faniɲumanw sɔrɔ u ye.

Ezayi 62:9

Ni minw ye suman tigɛ, u bena o dumu, ka barika la ne Masaba ye. Ni minw ye *ɛrɛzɛn cɛ, u bena o duvɛn min ne batoso luuw kɔnɔ.»

Ezekiyɛli 44:3

Ɲamɔgɔ kelenpe le bena sigi yen ka dumuni kɛ ne Masaba ɲakɔrɔ. Donda min gunnin be boon na, a ka don ani ka bɔ n'o daa nin ye.»

Yowɛli 1:16

Suman cɛnna an ɲana, nisɔndiya dɛsɛra an ka Ala ka soo kɔnɔ.

Yowɛli 2:26

Aw bena dumuni kɛ fɔɔ ka fa, aw bena Masaba aw ka Ala tanu. Ale min ye kobabaw kɛ aw ye. Ne ka mɔgɔw tena maloya sɔrɔ tugu abada.

Sarakalasebagaw 23:40

A loon fɔlɔ, aw ka yiriden ɲanamanw ta, ni tamarofuraburuw, ni yiribolo minw furaburu ka ca, ani kɔda la yiribolow, ka nisɔndiya ne Masaba aw ka Ala ɲakɔrɔ tile wolonwula kɔnɔ.

Malaki 2:13

Aw be koo filanan min kɛ, o filɛ nin ye: Aw be kasi, ka ŋunan, ka Masaba ka sarakabɔyɔrɔ bɛɛ kɛ ɲaji ye. Bari a t'aw ka sarakaw jati k'u minɛ aw bolo tugu.

Kɛwalew 2:46

U tun be taga Alabatosoba kɔnɔ loon o loon ka Ala bato. U tun be dumuni senuman tilantilan ɲɔgɔn fɛ soo kɔnɔ, ka to ka dumuni kɛ ni ɲɔgɔn ye nisɔndiya la. U si tun t'u yɛrɛ boɲa.

Sariya 12:12

Aw bena nisɔndiya Masaba aw ka Ala ɲakɔrɔ o yɔrɔ la, aw, n'aw dencɛw, n'aw denmusow, n'aw ka baaradenw, a cɛman fara a musomanw kan, ani Levi kɔmɔgɔ minw be aw ka duguw kɔnɔ, bari olu ma niyɔrɔ sɔrɔ aw cɛma.

Sariya 12:18

Nga Masaba aw ka Ala bena yɔrɔ min woloma, aw k'u dumu a ɲakɔrɔ o yɔrɔ la, aw n'aw dencɛw n'aw denmusow, n'aw ka baaradenw, a cɛman fara musomanw kan, ani Levi kɔmɔgɔ minw b'aw ka duguw la. Aw ka nisɔndiya Masaba aw ka Ala ɲakɔrɔ aw ka kokɛtaw bɛɛ kosɔn.

Sariya 12:8

«An b'a kɛra cogo min na bii yan yɔrɔ la, aw kan'a kɛ ten, bɛɛ man kan k'a yɛrɛ sago kɛ.

Sariya 14:23

Masaba aw ka Ala bena yɔrɔ min woloma ka sigi yen, aw k'aw ka suman jaka, ni duvɛnkɛnɛ, ani tulu jaka dumu a ɲakɔrɔ o yɔrɔ la, n'aw ka dabaw ni begɛnmisɛnw deenw fɔlɔw, janko aw ka se ka siran Masaba aw ka Ala ɲa tuma bɛɛ.

Sariya 14:26

Aw be se k'aw sagolafɛn san n'o wari ye o yɔrɔ la, a kɛra daba, walima begɛnmisɛn ye wo, walima duvɛn, walima minnifɛn fariman, walima fɛɛn minw bɛɛ koo ka d'aw ye. Aw n'aw somɔgɔw k'o dumu Masaba ɲakɔrɔ ka nisɔndiya.

Sariya 15:20

Saan o saan aw n'aw ka denbaya ka olu dumu Masaba aw ka Ala ɲakɔrɔ a ka yɔrɔ wolomanin na.

Sariya 26:11

Masaba aw ka Ala ye fɛnɲuman minw di aw n'aw ka soo ma, i bena nisɔndiya ni Levi kɔmɔgɔw ye, ani lonan minw be aw cɛma, o fɛnɲuman nunu bɛɛ kosɔn.

Sariya 27:7

Aw ka jɛnɲɔgɔnya sarakaw bɔ o yɔrɔ la, k'o dumu ni nisɔndiya ye Masaba aw ka Ala ɲakɔrɔ.

Sariya 28:47

«Fɛɛn bɛɛ tun be aw fɛ caaman tuma min na, aw ma baara kɛ Masaba aw ka Ala ye ni nisɔndiya ani dusuɲuman ye o waati la minkɛ,

Filipikaw 4:4

Aw ka nisɔndiya tuma bɛɛ Matigi kosɔn. Halibi ne be kɔsegi k'a fɔ aw ye ko aw ka nisɔndiya.