Sariya 12:6 - ALA KA KUMA

⁶ Aw ka taga n'aw ka saraka jɛnitaw, n'aw ka saraka tɔw ye o yɔrɔ la. Aw ka jaka, n'aw ka boɲafɛnw, n'aw ka dajuru sarataw, n'aw ka boɲafɛn wɛrɛw, n'aw ka dabaw ni begɛnmisɛnw deen fɔlɔw.

Jula NT of Côte d’Ivoire

⁶ Aw ka kan ka taga aw ta saraka jɛnitaw* di Matigi Ala ma o yɔrɔ le ra, ani aw ta jɛnɲɔgɔnya sarakaw*, ani aw ta yagaw, ani aw ta siman fɔlɔ sarakaw*, ani aw ta dajurudafa sarakaw, ani aw yɛrɛ diyanya sarakaw, ani aw ta misiw ni aw ta sagaw ni aw ta baw den fɔlɔw sarakaw bɛɛ.

Sariya 12:6 Iomraidhean Croise

Lok 2nan 31:14

Levi kɔmɔgɔ Yimuna dencɛ Kore min tun ye kɔrɔn fɛ daa kɔlɔsibaga ye, bololafɛn minw tun be di Ala ma, ale tun b'o koo kunna. Fɛɛn minw dira Masaba ma, a tun be to k'o ni boɲafɛn nunu tilantilan.

Lok 2nan 7:12

O tuma na, Masaba y'a yɛrɛ yira a la sufɛ k'a fɔ a ye ko: «Ne y'i ka daalili mɛn, n ye yɔrɔ nin woloma a ka kɛ n ta ye, ani ka kɛ soo ye, saraka bena bɔ min kɔnɔ.

Ɛsidarasi 3:2

Yozadaki dencɛ Zozuwe n'a tɔɲɔgɔn sarakalasebagaw, ani Salatiyɛli dencɛ Zorobabɛli n'a balimaw wilila ka sarakabɔyɔrɔ lɔ Isirayɛli ka Ala ye janko ka saraka jɛnitaw bɔ Ala ye ka kɛɲɛ ni Ala ka mɔgɔ Musa ka sariyasɛbɛ kɔnɔnakuma ye.

Nehemi 10:36

An bena to ka na n'an ka sɛnɛfɛnw deen fɔlɔw ye, ani yiriw bɛɛ deen fɔlɔw, Masaba ka soo saan o saan.

Nehemi 10:39

Ni Levi kɔmɔgɔw be taga jaka minɛyɔrɔ la, olu ni Arɔn kɔmɔgɔ dɔ min ye sarakalasebaga ye, be taga ɲɔgɔn fɛ, jaka min sɔrɔla, Levi kɔmɔgɔw ka kan ka jaka bɔ o la ka taga n'o ye an ka Ala ka soo kɔnɔ, a ka nafolo marayɔrɔ la.

Zaburu 116:17

Ne bena foli saraka bɔ i ye, ne bena i daali.

Ezekiyɛli 20:40

Bari ne Matigi, Masaba ko: Isirayɛli jama bɛɛ, minw siginin be jamana kɔnɔ, olu bɛɛ bena ne bato ne ka kulu senuman kan, Isirayɛli ka kulujan kan. Ne bena sɔn u ma o yɔrɔ la. Ne ben'a fɔ ko aw k'aw ka boɲafɛnw di ne ma, ani aw ka sɛnɛfɛnw bɛɛ fɔlɔw, ani aw ka fɛɛn senumanw bɛɛ.

Sarakalasebagaw 1:3

«N'a ka saraka kɛra misi ye min ka kan ka jɛni, a ka na ni tura ye fiɲɛ te min na. A k'a kɛ saraka ye Ɲɔgɔnkunbɛn fanibugu daa la, janko ne Masaba ka sɔn a ma.

Malaki 3:10

Aw ye na ni jakaw bɛɛ dafaninw ye n batoso nafolo marayɔrɔ la, waasa dumuni ka sɔrɔ n ka soo kɔnɔ. Aw ka ne kɔrɔbɔ ten k'a filɛ. Ne Masaba, Setigi le ko ten. Ni ne tena sankolo dayɛlɛ, n ka hɛrɛ ka jigi aw kan kosɔbɛ.

Malaki 3:8

Adamaden be se ka Ala namara wa? K'a sɔrɔ aw be ne namara. Nga aw b'a fɔ ko: ‹An b'i namara cogo di?› Aw be n namara jaka ni sarakaw la.

Luka 11:42

«Aw, Fariziɲɛw, bɔnɛ ye aw ta ye, bari aw be jija ka nanaye ni nanfuraburu sifa bɛɛ jaka bɔ. Ala be tilenninya ni kanuya minw fɛ, aw b'olu to yen. Aw tun ka kan ka olu le kɛ ka dɔ nunu fara o kan.

Luka 18:12

Ne be suun don siɲɛ fila lɔgɔkun o lɔgɔkun. Ne be fɛɛn o fɛɛn sɔrɔ, ne b'o bɛɛ jaka bɔ.›

Sariya 12:17

K'aw to aw ka duguw kɔnɔ, aw man kan k'aw ka jaka dumu yen, suman ta, walima duvɛnkɛnɛ ta, walima tulu ta, walima begɛn deen fɔlɔ, a begɛnmisɛnw fara dabaw kan, ani aw ka boɲafɛnw, n'aw ka dajuru sarataw, walima boɲafɛn wɛrɛw.

Sariya 26:2

aw bena sɛnɛ min kɛ, aw ka dɔ bɔ o deen fɔlɔw bɛɛ la k'a don segi kɔnɔ. Masaba aw ka Ala ye yɔrɔ min woloma ka sigi yen, aw ka taga n'a ye o yɔrɔ la.

Yosuwe 22:27

A be kɛ taamasiɲɛ ye an ni aw cɛ, ani an kɔmɔgɔw ni aw taw cɛ, ko an be Masaba bato ni saraka jɛnitaw ye, ni jɛnɲɔgɔnya taw, ani saraka wɛrɛw, janko aw deenw kan'a fɔ loon dɔ la, an deenw ye ko niyɔrɔ te u fɛ Masaba ka koo la.

Sam fɔlɔ 1:21

O kɔ, a cɛɛ Ɛlikana tagara Silo n'a ka somɔgɔw bɛɛ ye janko ka saan o saan saraka bɔ Masaba ye, ani k'a ka dajuru sara.

Sam fɔlɔ 1:24

Deen daa bɔra siin na tuma min na, a tagara n'a ye Masaba ka soo Silo ni tura saba ye, ni fiyɛ ɲaa kelen mugu, ani duvɛn ye, foroko kɔnɔ. Deen nin tun ye denfitini ye.