Sariya 12:3 - ALA KA KUMA

³ Aw k'u ka sɔnnikɛyɔrɔw ci, k'u ka jokabakurulamaw fana ci, k'u ka *Asera jaaw jɛni, k'u ka joow cɛn, k'u tɔgɔ tunu ka bɔ o yɔrɔ la.

Jula NT of Côte d’Ivoire

³ Aw ye o ta sarakabɔnanw waraga; aw ye o ta kabakurujanw cici, ka o ta jo musoman Asera ta berew jɛni tasuma ra, ka o ta batofɛn lɛsɛninw bugɔ ka o benben. Aw ye o batofɛnw bɛɛ tɔgɔw tunu ka bɔ o yɔrɔw ra le pewu.

Sariya 12:3 Iomraidhean Croise

Mas fɔlɔ 14:15

Masaba bena Isirayɛlidenw lamaga fɔɔ k'a kɛ i n'a fɔ jii be kala lamaga cogo min na. A bena u wili ka bɔ jamanaɲuman nin kɔnɔ, a tun ye min di u bɛmaw ma, k'u jɛnsɛn ka taga Efarati baji kɔfɛ. Bari u ye *Asera jaaw dilan ka Masaba dimi.

Mas fɔlɔ 15:13

Masacɛ bamuso tun ka kan ni boɲa min ye, a yɛrɛ y'o bali a mamamuso Maaka ye. Bari, ale tun ye *Asera jaa dilan, min ma ɲi fewu. Aza ye joo nin tigɛ ka ta'a jɛni Sedirɔn kɔɔ daa la.

Mas 2nan 11:18

O kɔ, jamana kɔnɔ mɔgɔw bɛɛ tagara don Baali soo kɔnɔ k'a cɛn, k'a sɔnnikɛyɔrɔw n'a jaaw ci k'u mugumugu, ka Baali sɔnbagaw kuntigi Matan faga sɔnnikɛyɔrɔw gɛrɛfɛ. O kɔ, sarakalasebaga Yoyada ye kɔlɔsilikɛlaw bila Masaba ka soo kosɔn.

Mas 2nan 18:4

A y'a kɛ sɔnnikɛyɔrɔw tununa. A ye jokabakuruw ci, ka Asera jaaw tigɛ k'u ben. Musa tun ye saa ziralaman min dilan, a y'o cɛn, bari Isirayɛlidenw tun be to ka wusulan jɛni a kɔrɔ fɔɔ ka se o waati ma. U tun y'a tɔgɔ la ko Newusitan.

Mas 2nan 23:14

A ye jokabakuruw ci, ka Asera jaaw tigɛ k'u ben, ka adamaden kolow ta ka n'a yɔrɔ fa n'u ye.

Lok 2nan 14:2

A ye lonanw ka sarakabɔyɔrɔw ani sɔnnikɛyɔrɔw cɛn, ka jokabakuruw ci, ani ka *Asera jaaw tigɛ k'u ben.

Lok 2nan 14:3

A y'a fɔ Zuda mara mɔgɔw ye ko u ka Masaba u faaw ka Ala le ɲini, k'a ka sariyaw n'a ka fɔtaw bato.

Lok 2nan 19:3

Nga jogoɲuman b'i la, bari i ye *Asera jaaw ban jamana kɔnɔ, i y'i jija ka Ala ɲini!»

Lok 2nan 31:1

O bɛɛ bannin kɔ, Isirayɛliden minw tun be yen, olu bɛɛ tagara Zuda mara duguw la ka jokabakuruw ci, ka *Asera jaaw tigɛ k'u ben, ka sɔnnikɛyɔrɔw ni sarakabɔyɔrɔw cɛn fɔɔ k'u bɛɛ tunu ka bɔ Zuda, ni Bɛnzamɛn maraw yɔrɔ bɛɛ la, ani Efarayimu ni Manase maraw la. O kɔ, u kɔsegira u yɛrɛ ka duguw la, u yɛrɛ ka yɔrɔw la.

Lok 2nan 34:3

A ka masaya saan seeginan na, o y'a sɔrɔ denmisɛn lo halibi, a y'a daminɛ k'a bɛma Dawuda ka Ala ɲini. A saan tan ni filanan na, a y'a daminɛ ka sɔnnikɛyɔrɔw, ni *Asera jaaw, ani joo lɛsɛninw, ni jaa nigɛlamanw bɔ Zeruzalɛmu dugu ni Zuda mara kɔnɔ k'o yɔrɔw saniya.

Zaburu 16:4

Minw b'u yɛrɛ kalifa joow ma, olu be dɔ farala u ka tɔɔrɔ kan. Ne tena sarakaw faga u ye, ne tena sɔn u tɔgɔw be bɔ n daa la yɛrɛ.

Bɔri 23:13

«Ne ye koo minw fɔ aw ye, aw ka jija k'olu bɛɛ bato. Aw kana dɛmɛ ɲini joo si fɛ, aw kan'a to u tɔgɔ ka mɛn aw daa la.

Bɔri 23:24

Aw kana aw kunbiri gwan u ka joow kɔrɔ, aw kana u sɔn. Aw kana u ka batoli kɛcogo ladege. Aw k'u ka joo nunu halaki. Aw k'u ka jokabakuruw ci.

Bɔri 34:13

Aw k'u ka sarakabɔyɔrɔw ci, k'u ka jokabakuruw ci, k'u ka *Asera jaaw tigɛ k'u ben.

Ezayi 27:9

A kɛra ten, Isirayɛlidenw ka kojugu bɛɛ bena yafa u ma. U ka hakɛw yafako bena na ni fɛɛn min ye, o filɛ: U bena sɔnnikɛyɔrɔw kabakuruw bɛɛ mugumugu i ko u be bɔgɔgwɛ kɛ cogo min na. *Asera jaa si tutunin tena ye tugu, wusulan jɛniyɔrɔ si tena to yen.

Yeremi 17:2

O la, u deenw hakili bena to u ka batoyɔrɔw n'u ka *Asera jaaw kosɔn minw be tuuw kɔnɔ ni kulujanw kan,

Oze ta kitabu 2:17

Ne ben'a ka *ɛrɛzɛnforow d'a ma o yɔrɔ la. Akɔri kɔkɛnɛ bena kɛ jigi tuguyɔrɔ ye. A sunguruman tun be ne kaan mɛn cogo min na, a bena mɛnni kɛ ne fɛ ten o yɔrɔ la, i ko a bɔwaati la Ezipiti jamana na.»

Mise 5:14

Dimikojugu ni fariya fɛ, siya minw ma sɔn ka mɛnni kɛ ne fɛ, ne bena n mɔnɛ bɔ olu la.»

Jakariya 13:2

Masaba, Setigi ko: «O waati la, ne ben'a kɛ joow tɔgɔw be tunu ka bɔ jamana kɔnɔ. U tɔgɔ tena wele tugu. Ne bena kira galontigɛlaw gwɛn, ka joko nigɛ bɔ mɔgɔw la.

Jateri 33:52

ko u ka jamana mɔgɔ nunu bɛɛ gwɛn ka bɔ yen. Ko u k'u ka joo kabakurulamanw bɛɛ ci, k'u ka joow bɛɛ cɛn, minw dilanna ni nigɛ yelennin ye, n'u ka sɔnnikɛyɔrɔw bɛɛ.

Sariya 12:4

Aw man kan ka Masaba aw ka Ala bato u ka kɛcogo la.

Sariya 7:25

Aw ka kan k'u ka joow jɛni. Warigwɛ ni sanu min b'u ka joo nunu kan, aw kana aw ɲaa bɔ o fɛ, k'o ta ka kɛ aw ta ye. N'o tɛ, o bena kɛ jaan ye aw fɛ, bari o fɛɛn nunu koo ka go Masaba aw ka Ala ye.

Sariya 7:5

Nga aw ka kan ka min kɛ u la, o filɛ nin ye: Aw k'u ka sɔnnikɛyɔrɔw walaka, k'u ka jokabakuruw ci, ani k'u ka *Asera jaaw tigɛ k'u ben, k'u ka joow jɛni.

Yirari 13:1

N ye Sogo dɔ bɔtɔ ye kɔgɔji la, a kungolo ye wolonwula ye, a gɔɔn ye tan ye. Masafugulan b'a gɔɔn nunu kelen kelen bɛɛ la. Ala tɔgɔcɛn kuma sɛbɛnnin b'a kuun kelen kelen bɛɛ kan.

Kititigɛbagaw 2:2

Ko aw man kan ka bɛɛn ni jamana nin kɔnɔ mɔgɔw ye, ko aw ka kan k'u ka sɔnnikɛyɔrɔw cɛn. Nga aw ma sɔn ka mɛnni kɛ ne fɛ. Mun na aw y'a kɛ ten?