Sariya 12:2 - ALA KA KUMA

² «Aw bena siya minw ka jamana minɛ, aw k'u ka joo sɔnyɔrɔ bɛɛ cɛn pewu, minw be kulujan ni tintinw kan, ani yiribabaw kɔrɔ.

Jula NT of Côte d’Ivoire

² Aw bɛna siya minw gbɛn, o siyaw bɛ o ta batofɛnw sɔn yɔrɔ minw na, aw ye o yɔrɔw bɛɛ cɛn pewu; o yɔrɔw bɛ sɔrɔ kurujanw kunna, ani kongoriw kan, ani yiriba flaburumanw jukɔrɔ.

Sariya 12:2 Iomraidhean Croise

Mas fɔlɔ 14:23

U ye sɔnnikɛyɔrɔw lɔ fana, ka jokabakuruw lɔ, ka *Asera jaaw tutu kulujanjanw bɛɛ kan, ani yiribabaw bɛɛ kɔrɔ.

Mas fɔlɔ 3:2

Jama tun be to k'u ka sarakaw bɔ sɔnnikɛyɔrɔw la, bari fɔɔ ka na se o waati ma, soo tun ma lɔ Masaba tɔgɔ la fɔlɔ.

Mas 2nan 11:18

O kɔ, jamana kɔnɔ mɔgɔw bɛɛ tagara don Baali soo kɔnɔ k'a cɛn, k'a sɔnnikɛyɔrɔw n'a jaaw ci k'u mugumugu, ka Baali sɔnbagaw kuntigi Matan faga sɔnnikɛyɔrɔw gɛrɛfɛ. O kɔ, sarakalasebaga Yoyada ye kɔlɔsilikɛlaw bila Masaba ka soo kosɔn.

Mas 2nan 16:4

A tun be to ka sɔnni kɛ ani ka wusulan jɛni sɔnnikɛyɔrɔw la, tintinw kan, ni yiribabaw bɛɛ kɔrɔ.

Mas 2nan 23:13

Masacɛ Solomani tun ye sɔnnikɛyɔrɔ minw lɔ Zeruzalɛmu kɔrɔn fɛ, u be kulu min wele Cɛnnikɛyɔrɔ, o worodugu ɲafan fɛ, n'o ye Sidɔnkaw ka jojugu Asitarite ta ye, ni mowabuw ka jojugu Kemɔsi ta, ani amoniw ka jojugu Milikɔmu ta, masacɛ ye olu cɛn.

Zaburu 78:58

U y'a dusu dimi n'u ka sɔnnikɛyɔrɔw ye. U ka joow sababu la, keliya donn'a la.

Bɔri 23:24

Aw kana aw kunbiri gwan u ka joow kɔrɔ, aw kana u sɔn. Aw kana u ka batoli kɛcogo ladege. Aw k'u ka joo nunu halaki. Aw k'u ka jokabakuruw ci.

Ezayi 36:7

N'a sɔrɔ aw ben'a fɔ ne ye ko: ‹An jigi be Masaba an ka Ala lo kan.› Nga ale Ezekiyasi le m'a ka sɔnnikɛyɔrɔw n'a ka sarakabɔyɔrɔw bɔ yen, k'a fɔ Zeruzalɛmukaw ni Zuda mara mɔgɔ tɔw ye ko aw bena to ka batoli kɛ Zeruzalɛmu, sarakabɔyɔrɔ nin le kɔrɔ wa?

Yeremi 17:2

O la, u deenw hakili bena to u ka batoyɔrɔw n'u ka *Asera jaaw kosɔn minw be tuuw kɔnɔ ni kulujanw kan,

Yeremi 2:20

Masaba ko: «Isirayɛlidenw, kabini waatijan, aw murutira ne ma, k'an ka bɛɛn cɛn. Aw y'a fɔ ko: ‹An tena sɔn jɔnya la tugu.› K'a sɔrɔ, kulujan o kulujan, ani yiritu o yiritu, aw be kakalaya kɛ.

Yeremi 3:13

Aw ka sɔn aw filiyɔrɔ ma: Aw murutira ne Masaba aw ka Ala ma. Aw tun bolibolila lonanw ka joow kɔ yirituw bɛɛ kɔrɔ. O la, aw ma mɛnni kɛ ne fɛ. Ne Masaba ko ten.

Yeremi 3:2

Aw k'aw ɲaa kɔrɔta ka kulujanw filɛ, u jumɛn be yen n'aw ma kakalaya kɛ yen? Aw tun be sigi siradaw la k'aw ka kakalaɲɔgɔn kɔnɔ, i ko Arabu be sigi kongokolon kɔnɔ cogo min na. Aw ye jamana nɔgɔ n'aw ka tilenbaliya, n'aw ka kakalaya ye.

Yeremi 3:6

Masaba y'a fɔ ne ye Zoziyasi ka masaya tile la ko: «Isirayɛli mara mɔgɔ tilenbaliw ye min kɛ, i y'o ye kɛ. A ka mɔgɔw tun tagara kulujanjanw bɛɛ kan, ani yirituw kɔnɔ ka kakalaya kɛ.

Oze ta kitabu 4:13

U be taga kuluw kunna ka sɔnni kɛ, ka taga wusulanw jɛni tintinw kan, yiribabaw jukɔrɔ, joyiriw, ni pepiliyeyiriw, ani terebɛntiyiriw, olu suma ka di. O kama, aw deen musomanw be kakalaya kɛ, aw dencɛw ka musow be ɲamɔgɔya kɛ.

Jateri 22:41

O dugusagwɛ sɔgɔma, Balaki tagara ni Balamu ye, ka yɛlɛ ka taga Bamɔtibaali. Ka Balamu to o yɔrɔ la, a ye Isirayɛliden dɔw ye.

Sariya 7:5

Nga aw ka kan ka min kɛ u la, o filɛ nin ye: Aw k'u ka sɔnnikɛyɔrɔw walaka, k'u ka jokabakuruw ci, ani k'u ka *Asera jaaw tigɛ k'u ben, k'u ka joow jɛni.

Kititigɛbagaw 2:2

Ko aw man kan ka bɛɛn ni jamana nin kɔnɔ mɔgɔw ye, ko aw ka kan k'u ka sɔnnikɛyɔrɔw cɛn. Nga aw ma sɔn ka mɛnni kɛ ne fɛ. Mun na aw y'a kɛ ten?