Sariya 12:14 - ALA KA KUMA

¹⁴ Masaba bena yɔrɔ min woloma aw ka mara nunu cɛma, aw bena aw ka sarakaw bɔ o yɔrɔ le la. Ne ye koo minw bɛɛ fɔ aw ye, aw k'u bɛɛ kɛ yen.

Jula NT of Côte d’Ivoire

¹⁴ Ni Matigi Ala, aw ta Ala nana yɔrɔ min ɲanawoloma aw ta gbaw ta maraw dɔ ra, aw bɛna aw ta saraka jɛnitaw bɔ yi le; ne ka fɛn o fɛn fɔ aw ye fana, aw ka kan ka o bɛɛ kɛ yi le.

Sariya 12:14 Iomraidhean Croise

Mas fɔlɔ 12:27

Ni jama nin tora ka taga sarakaw bɔ Zeruzalɛmu, Masaba ka soo kɔnɔ, u ka miiriya bena yɛlɛma ka sin u kuntigi, Zuda mara masacɛ Orobowamu ma. Ne kɔni, u bena ne faga, u be kɔsegi ka sɔn Orobowamu ma.»

Mas fɔlɔ 8:29

I hakili to soo nin la suu fara tile kan. I y'a fɔ ko i bena sigi yɔrɔ min na. I ka baarakɛla bena daalili min kɛ yan yɔrɔ la, i k'o lamɛn.

Mas 2nan 18:22

N'a sɔrɔ aw ben'a fɔ ne ye ko: ‹An jigi be Masaba an ka Ala kan.› Nga ale Ezekiyasi le m'a ka sɔnnikɛyɔrɔw n'a ka sarakabɔyɔrɔw bɔ yen, k'a fɔ Zeruzalɛmukaw ni Zuda mara mɔgɔ tɔw ye ko aw bena to ka batoli kɛ Zeruzalɛmu sarakabɔyɔrɔ le kɔrɔ dɔrɔn wa?

Lok fɔlɔ 22:1

O la, Dawuda ko nin le ye Masaba Ala ka soo ye yan, Isirayɛlidenw ka saraka jɛnita bɔyɔrɔ ye nin ye.

Zaburu 5:7

I be galontigɛla halaki. Mɔgɔfagala ni namaramɔgɔ koo man d'i ye.

Zaburu 9:11

Mɔgɔ minw b'i lɔn, olu b'u yɛrɛ kalifa i ma, bari ele Masaba t'i yɔrɔ ɲinibaga bila abada.

Sarakalasebagaw 17:3

«Isirayɛlidenw cɛma, mɔgɔ o mɔgɔ mana tura, walima saga, walima baa faga jama ka sigiyɔrɔ la, walima u ka sigiyɔrɔ kɔfɛ,

Sarakalasebagaw 17:4

n'a ma na n'a ye Ɲɔgɔnkunbɛn fanibugu daa la k'a kɛ saraka ye ne Masaba ye, n ka soo daa la, o tigi ye kunko sɔrɔ bari a ye joli bɔn gwansan. U k'a gwɛn ka bɔ a ka mɔgɔw cɛma.

Kor 2nan 5:19

bari a ma mɔgɔw ka hakɛ jati, a tun be cogoya ɲini ka bɛn n'u ye Krista barika la. A y'o kuma fɔko baara d'an ma.

Sariya 12:11

Masaba aw ka Ala bena yɔrɔ min woloma k'a kɛ a sigiyɔrɔ ye, ne be fɛɛn minw bɛɛ fɔra aw ye, aw bena taga n'u ye o yɔrɔ la: Aw ka saraka jɛnitaw, ni saraka wɛrɛw, n'aw ka jakaw, n'aw ka boɲafɛnw, n'aw ka dajuru sarataw.

Sariya 12:13

«Aw k'aw yɛrɛ kɔlɔsi, aw kana aw ka saraka jɛnitaw bɔ yɔrɔ bɛɛ.

Sariya 12:15

Nga, aw be se ka begɛnw faga aw ka duguw bɛɛ kɔnɔ k'u ɲimi aw sago la, ka kɛɲɛ ni Masaba aw ka Ala ka dɛmɛ ye. O tuma na, mɔgɔ min saniyanin tɛ, walima min saniyanin lo, bɛɛ be se k'u ɲimi i n'a fɔ minan ni mankalanin sogo ta be kɛ cogo min na.

Sariya 12:18

Nga Masaba aw ka Ala bena yɔrɔ min woloma, aw k'u dumu a ɲakɔrɔ o yɔrɔ la, aw n'aw dencɛw n'aw denmusow, n'aw ka baaradenw, a cɛman fara musomanw kan, ani Levi kɔmɔgɔ minw b'aw ka duguw la. Aw ka nisɔndiya Masaba aw ka Ala ɲakɔrɔ aw ka kokɛtaw bɛɛ kosɔn.

Sariya 12:5

Nga Masaba bena yɔrɔ min woloma aw ka sigiyɔrɔ la, janko a ka sigi yen, aw ka kan ka taga o yɔrɔ le la.

Sariya 14:23

Masaba aw ka Ala bena yɔrɔ min woloma ka sigi yen, aw k'aw ka suman jaka, ni duvɛnkɛnɛ, ani tulu jaka dumu a ɲakɔrɔ o yɔrɔ la, n'aw ka dabaw ni begɛnmisɛnw deenw fɔlɔw, janko aw ka se ka siran Masaba aw ka Ala ɲa tuma bɛɛ.

Sariya 15:20

Saan o saan aw n'aw ka denbaya ka olu dumu Masaba aw ka Ala ɲakɔrɔ a ka yɔrɔ wolomanin na.

Sariya 16:2

Hɔrɔnya ɲanagwɛ la, aw ka begɛnmisɛnw ni misiw kɛ saraka ye Masaba aw ka Ala ye, a ka yɔrɔ wolomanin na. A ye min kɛ a ka sigiyɔrɔ ye.

Sariya 17:8

«Ni kiti dɔ gwɛlɛyara aw fɛ, i n'a fɔ mɔgɔfagako, walima sɔsɔliko dɔ, walima dɔ k'a tɔɲɔgɔn mandimi, aw ka kan ka taga n'o ye Masaba aw ka Ala ka yɔrɔ wolomanin na.

Sariya 18:6

«Ni Levi kɔmɔgɔw dɔ bɔr'aw ka dugu dɔ la, a siginin be yɔrɔ min na Isirayɛli jamana kɔnɔ, ko a be taga sigi Masaba ka yɔrɔ wolomanin na,

Sariya 31:11

ni Isirayɛlidenw bɛɛ nana lɔ Masaba aw ka Ala ɲakɔrɔ tuma min na, a ka yɔrɔ wolomanin na, e bena sariya nin kalan u bɛɛ ɲana, u k'a mɛn.

Heburuw 13:15

O la, an ka Ala fo Yezu sababu la tuma o tuma, min ye an ka saraka ye. O kɔrɔ ko an k'a tɔgɔ tanu n'an daa ye.

Yosuwe 22:29

O miiriya ka jan an na k'a fɔ ko an be muruti Masaba ma k'an kɔɔ sin a ma bii, ka sarakabɔyɔrɔ dɔ lɔ, ka saraka jɛnitaw ni suman sarakaw ani dɔ wɛrɛw bɔ a kan, ni Masaba an ka Ala ka sarakabɔyɔrɔ tɛ, min lɔnin be a sigiyɔrɔ ɲafɛ.»

Yosuwe 9:27

nga kabini o loon na, a y'u bila lɔgɔɲini, ni jita la jama ye, ani sarakabɔyɔrɔ la, Masaba bena yɔrɔ min woloma. U b'o baara le kɛra halibi.