Sariya 12:1 - ALA KA KUMA

¹ «Aw ka kan ka jija ka sariya ni landa minw bato aw sii bɛɛ la jamana nin kɔnɔ, o filɛ nin ye. Masaba, aw bɛmaw ka Ala le y'u di aw ma ka kɛ aw ta ye.

Jula NT of Côte d’Ivoire

¹ Matigi Ala, aw bɛmaw ta Ala bɛ jamana min di aw ma, k’a kɛ aw ta ye, ka aw to si ra o jamana kɔnɔ, aw ka kan ka sariya minw sira tagama, ani aw ka kan ka ko minw bɛɛ kɛ aw si bɛɛ ra, o ye nin ye:

Sariya 12:1 Iomraidhean Croise

Mas fɔlɔ 8:40

O la, k'u to jamana nin kɔnɔ i tun ye min di an faaw ma, u bena siran i ɲa u sii bɛɛ la.

Ayuba 7:1

«Adamaden ta ye tɔɔrɔ le ye a sii kɔnɔ dugukolo kan, a ka loonw be i ko baaraden ta.

Zaburu 104:33

Ne bena dɔnkili la Masaba ye ne sii bɛɛ la. Ka ne to nii na, ne bena n ka Ala tanu.

Zaburu 119:5

Ne b'a fɛ n taamacogo ka tilen janko ne ka se k'i ka kolatigɛninw bato.

Zaburu 146:2

Ka ne to nii na, ne ben'a tanu. Ka ne to sii la, ne bena dɔnkili la Ala ye.

Ezekiyɛli 20:19

Ne ye Masaba ye, aw ka Ala. Aw ka ne ka kolatigɛninw kɛ ka ne ka fɔtaw bato ka ɲa.

Sariya 11:32

Ne ye sariyaw ni landa minw bɛɛ fɔ aw ye bii, aw ka jija k'u bato.

Sariya 12:19

Aw k'aw yɛrɛ kɔlɔsi aw sii bɛɛ kɔnɔ aw ka jamana kɔnɔ, aw kana tulon kɛ Levi kɔmɔgɔw ka koo la.

Sariya 3:18

O tuma na, ne y'a fɔ aw ye ko: «Sisan Masaba aw ka Ala ye mara nin d'aw ma. Nga cɛɛ minw be se kɛlɛ la, olu bɛɛ ka kan k'u ka kɛlɛkɛminanw ta ka Zurudɛn baji tigɛ aw balima Isirayɛlidenw ɲa.

Sariya 4:19

«Aw kana tile ni kalo ni lolow ye dɔrɔn ka to k'u bato. Aw kan'a to o sankolo kɔnɔ fɛɛn nunu si batoko nigɛ k'aw minɛ, aw kana baara kɛ u ye. Masaba aw ka Ala y'o koo nunu di siyaw bɛɛ ma.

Sariya 4:45

Musa ye kuma minw fɔ Isirayɛlidenw ye, ka sariya ni tanafɛn minw fɔ u bɔnin kɔ Ezipiti jamana na, o filɛ nin ye.

Sariya 4:5

«Masaba ne ka Ala y'a ɲini ne fɛ cogo min na, ne y'aw kalan sariya, ni landaw koo la ten, aw y'o ye, janko n'aw donna jamana nin kɔnɔ k'a kɛ aw ta ye, aw ka se k'o koow bato o yɔrɔ la.

Sariya 5:1

Musa ye Isirayɛlidenw bɛɛ wele k'a fɔ u ye ko: «Isirayɛlidenw, ne be sariya ni cii minw fɔra aw ye bii, aw k'o lamɛn, k'o kalan, k'o bato ka ɲa.