Sariya 11:9 - ALA KA KUMA

⁹ Aw k'u bato janko aw ka sijan sɔrɔ jamana nin kɔnɔ, Masaba tun ye min layidu ta aw bɛmaw ye, ani u kɔmɔgɔw, ko a ben'a di aw ma. Nɔnɔ ni lii ka ca o yɔrɔ la kosɔbɛ, jamana diman lo.

Jula NT of Côte d’Ivoire

⁹ ani ka sijan sɔrɔ o jamana ra. Matigi Ala karira aw bɛmaw ye ko a bɛna o jamana di o ni o ta durujaw ma, nɔnɔ ni li bɛ woyo o jamana min na.

Sariya 11:9 Iomraidhean Croise

Bɔri 20:12

«Aw k'aw faa n'aw baa boɲa, janko ne, Masaba aw ka Ala bena jamana min d'aw ma, aw ka sijan sɔrɔ o kɔnɔ.

Bɔri 3:8

O la, ne jigira waasa k'u bɔsi Ezipitikaw bolo k'u bɔ o jamana nin na ka taga n'u ye jamanaɲuman na, min ka bon haali, nɔnɔ ni lii ka ca yɔrɔ min na kosɔbɛ, jamana diman lo. Kanaanw ni itiw, ani amoriw ni periziw, ni iviw ani zebuziw ka jamana lo.

Zanaw 10:27

Masaba ɲasiran be dɔ fara mɔgɔ sii kan. Nga mɔgɔjugu kɔni sii bena dɔgɔya le.

Zanaw 3:16

Sijan b'a kinibolo fɛ, nafolo ni kunkɔrɔta fana b'a numanbolo fɛ.

Zanaw 3:2

Bari, u bena dɔ fara e sii kan, i bena hɛrɛ ni sijan sɔrɔ.

Zanaw 9:11

Bari, ne barika la, i be saan caaman kɛ, i be sijan sɔrɔ.

Ezekiyɛli 20:6

Ne y'a fɔ o loon na ko tiɲɛ na, ne bena u bɔ Ezipiti ka taga n'u ye jamana dɔ la, ne tun ye min woloma u ye, jamana diman, nɔnɔ ni lii ka ca kosɔbɛ min kɔnɔ. Jamanaw bɛɛ la ɲuman lo.

Sariya 1:8

Aw k'a filɛ, ne Masaba tun ye n daa di jamana min koo la, ko n ben'a di aw bɛma Ibrayima ni Isiyaka ani Yakuba, n'u kɔmɔgɔw ma, ne y'o d'aw ma. Aw ka don a kɔnɔ, k'a minɛ k'a kɛ aw ta ye.»

Sariya 11:10

«Tiɲɛ na, aw bena don jamana min kɔnɔ k'a minɛ, o te i n'a fɔ Ezipiti jamana, aw bɔra min kɔnɔ. O yɔrɔ la, aw tun be to ka suman seri, o kɔ, aw be jisira yɛlɛ n'aw seen ye.

Sariya 11:21

janko aw, n'aw deenw ka se ka sijan sɔrɔ jamana nin kɔnɔ, ni diɲɛ ma wili, Masaba tun ye min layidu ta aw bɛmaw ye, ko a ben'a di u ma.

Sariya 4:40

Aw k'a ka sariyaw n'a tanafɛnw bato, ne be minw fɔra aw ye bii, janko aw, n'aw kɔmɔgɔw ka hɛrɛ ni sijan sɔrɔ jamana nin kɔnɔ, Masaba aw ka Ala be min dira aw ma aw ka to n'a ye.»

Sariya 5:16

Aw k'aw faa n'aw baa boɲa i ko ne Masaba aw ka Ala y'a fɔ aw ye cogo min na, janko ne be jamana min dira aw ma, aw ka se ka sijan ni hɛrɛ sɔrɔ a kɔnɔ.

Sariya 5:33

Masaba aw ka Ala ye sira min yira aw la, aw k'o ta sɛbɛ la janko aw ka to nii na ka hɛrɛ ni sijan sɔrɔ, jamana nin kɔnɔ aw bena min minɛ.

Sariya 6:18

Aw ka koɲuman ni tilenninyakow kɛ Masaba ɲakɔrɔ janko aw ka hɛrɛ sɔrɔ, ani Masaba ye jamanaɲuman min layidu ta aw bɛmaw ye, aw ka se ka don o kɔnɔ k'a minɛ,

Sariya 6:2

janko aw ka siran a ɲa, aw n'aw deenw n'aw mamadenw, ka se ka sariya ni cii ani landa nunu bɛɛ bato aw sii bɛɛ kɔnɔ. Ne be minw fɔra aw ye, ani janko aw ka se ka sijan sɔrɔ.

Sariya 6:3

Isirayɛlidenw, aw ka mɛnni kɛ, ani ka banba k'o bato. O la, aw bena hɛrɛ sɔrɔ, ani ka caya kosɔbɛ o jamana diman nin kɔnɔ, nɔnɔ ni lii ka ca kosɔbɛ yɔrɔ min na, i n'a fɔ Masaba, aw bɛmaw ka Ala y'a daa di aw ma cogo min na.

Sariya 8:7

Masaba aw ka Ala ben'a kɛ aw be don jamanaɲuman kɔnɔ, kɔɔw be yen, ni jii bɔyɔrɔw, jisiraw be dugukolo jukɔrɔ n'u be bɔ ka woyo kuluw n'u furancɛw la.

Sariya 9:5

A ma kɛ ko aw ka tilenninya kosɔn lo aw bena don ka jamana nin minɛ dɛ, walima aw ka ɲumanya barika la. Nga Masaba aw ka Ala bena siya nunu gwɛn ka bɔ aw ɲa u ka juguya le kosɔn. A ye layidu min ta aw bɛma Ibrayima, ni Isiyaka, ani Yakuba ye, waasa o ka dafa.