Sariya 11:8 - ALA KA KUMA

⁸ Ne be kuma min bɛɛ fɔra aw ye bii, aw k'u bato janko aw ka se ka fanga sɔrɔ, ka se ka jamana nin minɛ, aw bena Zurudɛn baji tigɛ ka don min kɔnɔ.

Jula NT of Côte d’Ivoire

⁸ O ra, ne bɛ nin kuma minw bɛɛ fɔra aw ye bi, aw ye o bɛɛ sira tagama, janko aw bɛna Zuridɛn ba tigɛ, ka taga don jamana min na, aw ye se sɔrɔ ka o jamana mina,

Sariya 11:8 Iomraidhean Croise

Zaburu 138:3

Tuma min na ne y'i daali, i ye ne jaabi. I ye ne jigi tugu, barika sɔrɔla.

Bɔri 20:12

«Aw k'aw faa n'aw baa boɲa, janko ne, Masaba aw ka Ala bena jamana min d'aw ma, aw ka sijan sɔrɔ o kɔnɔ.

Ezayi 40:31

Nga, minw jigi be Masaba kan, olu be fangakura sɔrɔ. U be van i ko sɛgɛn, u be boli, u te sigɛn. U be taama, u fanga te ban.

Daniyɛli 10:19

A y'a fɔ ko: «Kana siran, e min koo ka di Ala ye! Ala ka hɛrɛ kɛ i ye. I jaa gwɛlɛya, i jaa gwɛlɛya!» K'a to kuma na ni ne ye, ne ye fanga sɔrɔ. Ne y'a fɔ ko: «Ne matigi, kuma, sabu i ye barika don ne la.»

Ɛfɛsikaw 3:16

A ka ɲumanya ka bon. O la, ne b'a daali a ka fanga di aw ma k'aw jaa gwɛlɛya a ka Nii Senuman barika la,

Ɛfɛsikaw 6:10

Ayiwa, aw k'aw jija Matigi ka koo la a ka sebagaya dafanin barika la.

Sariya 11:7

«Masaba ye koba minw bɛɛ kɛ, aw ɲaa y'o ye.

Sariya 28:47

«Fɛɛn bɛɛ tun be aw fɛ caaman tuma min na, aw ma baara kɛ Masaba aw ka Ala ye ni nisɔndiya ani dusuɲuman ye o waati la minkɛ,

Sariya 31:23

Masaba ye kuma nin fɔ Nun dencɛ Zozuwe ye ko: «Barika don i yɛrɛ la, k'i jaa gwɛlɛya, bari e lo bena don ni Isirayɛlidenw ye jamana nin kɔnɔ, ne ye min layidu ta u ye. Ne yɛrɛ bena kɛ n'i ye.»

Sariya 4:14

Aw bena Zurudɛn baji tigɛ ka jamana min minɛ k'a kɛ aw ta ye, aw ka kan ka sariya ni landa minw bato yen, Masaba y'a fɔ ne ye o waati la ko ne k'aw kalan o la.

Filipikaw 4:13

Krista min be see di ne ma, ale barika la ne be se ka o koow bɛɛ kɛ.

Kɔlɔsikaw 1:11

An b'a daali ko a ka fanga d'aw ma kosɔbɛ a ka sebagayaba barika la, o la, aw bena se k'aw jija ka koo bɛɛ muɲu ni nisɔndiya ye.