Sariya 11:21 - ALA KA KUMA

²¹ janko aw, n'aw deenw ka se ka sijan sɔrɔ jamana nin kɔnɔ, ni diɲɛ ma wili, Masaba tun ye min layidu ta aw bɛmaw ye, ko a ben'a di u ma.

Jula NT of Côte d’Ivoire

²¹ Ni o kɛra, Matigi Ala karira aw bɛmaw ye ko a bɛna jamana min di o ma, aw ni aw ta durujaw bɛna sijan sɔrɔ o jamana kɔnɔ; ni sankolo ma wuri ka bɔ dugukolo kunna fiyewu, aw ta duruja tɛna ban o jamana ra.

Sariya 11:21 Iomraidhean Croise

Zaburu 72:5

Ka tile ni kalo to n'u be bɔ kɔni, olu n'u kɔmɔgɔw bena siran i ɲa.

Zaburu 89:30

Ne bena to kɔmɔgɔ be sɔrɔ a fɛ tuma bɛɛ, k'a kɛ a ka masaya be to yen kudayi i ko sankolo.

Zanaw 3:16

Sijan b'a kinibolo fɛ, nafolo ni kunkɔrɔta fana b'a numanbolo fɛ.

Zanaw 3:2

Bari, u bena dɔ fara e sii kan, i bena hɛrɛ ni sijan sɔrɔ.

Zanaw 4:10

N deen, i tulo malɔ ka sɔn ne ka fɔtaw ma, o bena sijan d'i ma.

Zanaw 9:11

Bari, ne barika la, i be saan caaman kɛ, i be sijan sɔrɔ.

Ezayi 65:20

Denɲɛninsanga tena bɔ yen tugu. Ni mɔgɔkɔrɔba min ma se a ka loon ma, o tena sa fewu. Ni min sara k'a sii to saan kɛmɛ, o tigi be jati denmisɛn ye. Ni min sara n'a sii ma saan kɛmɛ bɔ, o be jati dangaden ye.

Sariya 11:9

Aw k'u bato janko aw ka sijan sɔrɔ jamana nin kɔnɔ, Masaba tun ye min layidu ta aw bɛmaw ye, ani u kɔmɔgɔw, ko a ben'a di aw ma. Nɔnɔ ni lii ka ca o yɔrɔ la kosɔbɛ, jamana diman lo.

Sariya 4:40

Aw k'a ka sariyaw n'a tanafɛnw bato, ne be minw fɔra aw ye bii, janko aw, n'aw kɔmɔgɔw ka hɛrɛ ni sijan sɔrɔ jamana nin kɔnɔ, Masaba aw ka Ala be min dira aw ma aw ka to n'a ye.»

Sariya 5:16

Aw k'aw faa n'aw baa boɲa i ko ne Masaba aw ka Ala y'a fɔ aw ye cogo min na, janko ne be jamana min dira aw ma, aw ka se ka sijan ni hɛrɛ sɔrɔ a kɔnɔ.

Sariya 6:2

janko aw ka siran a ɲa, aw n'aw deenw n'aw mamadenw, ka se ka sariya ni cii ani landa nunu bɛɛ bato aw sii bɛɛ kɔnɔ. Ne be minw fɔra aw ye, ani janko aw ka se ka sijan sɔrɔ.

Yirari 20:6

Mɔgɔ minw bena kɛ o fɔlɔ mɔgɔw ye, olu bena saniya, u bena dagamu bari saya filanan tena se olu ma. Olu bena kɛ Ala ni Krista ka sarakalasebagaw ye ka sigi masaya la n'a ye saan waa kelen nin kɔnɔ.