Sariya 11:16 - ALA KA KUMA

¹⁶ «Aw k'aw yɛrɛ minɛ kosɔbɛ, aw kana jɛngɛ ka bɔ siratilennin kan, ka fɛɛn wɛrɛw bato, ani k'aw kunbiri gwan u kɔrɔ.

Jula NT of Côte d’Ivoire

¹⁶ Aw ye aw yɛrɛ kɔrɔsi, janko siya tɔw kana na aw nɛgɛ, k’a to aw ye ban Matigi Ala ra, ka taga batofɛn wɛrɛw fɛ ka taga aw kinbiri gban olugu kɔrɔ ka o bato.

Sariya 11:16 Iomraidhean Croise

Mas fɔlɔ 8:35

«Ni saan lɔra n'a te nana, k'a sababu kɛ k'u y'i hakɛ ta, n'u y'u ɲaa sin yɔrɔ nin ma k'i daali, ka boɲa la i tɔgɔ kan, n'u nimisara ka faran u ka hakɛ la u tɔɔrɔnin kɔ,

Ayuba 31:27

n'o kɛra sababu ye ne dusu yɛlɛmana u faan fɛ dogo la, ni ne ye u kɛ batofɛn ye k'u bato,

Ezayi 44:20

Fɛɛn min ye buguri ye, a be nɔrɔ o le la, a ka miiriya y'a fili. Fɛɛn nin ten'a bɔsi, a do ten'a fɔ fana ko: «Fɛɛn min be ne bolo, o ye namarafɛn ye.»

Luka 21:34

«Aw k'aw yɛrɛw kɔlɔsi, aw kan'a to nugubagatɔya, ni dɔrɔtɔya, ani diɲɛ hamikow k'aw hakili ɲagami, n'o tɛ, laban loon bena bari aw la,

Luka 21:36

Aw ye jija ka Ala daali tuma bɛɛ, ka kɛ mɔgɔ timinadiyaninw ye, waasa aw ka se ka kisi o koo nataw bɛɛ ma, ani aw ka se ka lɔ Mɔgɔ Dencɛ ɲakɔrɔ.»

Luka 21:8

Yezu y'u jaabi ko: «Aw k'aw yɛrɛ kɔlɔsi janko mɔgɔ si kana aw fili. Bari caaman bena na ne tɔgɔ la k'a fɔ k'olu ye ne yɛrɛ ye, ko diɲɛ laban tuma surunyana. Aw kana tugu u kɔ.

Sariya 12:30

u halakinin kɔ aw ɲafɛ, aw k'aw yɛrɛ kɔlɔsi, aw kana to u ka koow ɲɔgɔn na ka ben jaan kɔnɔ. Aw kana ɲiningali kɛ ko siya nunu tun b'u ka joow sɔn cogo di, janko aw ka se k'o ɲɔgɔn kɛ fana.

Sariya 13:3

n'o taamasiɲɛ, walima n'o kabako kɛra ten tiɲɛ na, n'o tigi y'a ɲini aw fɛ ko aw ka taga fɛɛn wɛrɛw bato aw te minw lɔn,

Sariya 17:3

ka taga fɛɛn wɛrɛw bato, k'a kunbiri gwan u kɔrɔ, min be danna ne ka fɔta la, walima ka tile bato, walima kalo, walima lolow,

Sariya 28:14

Ne be min fɔra aw ye bii, aw kana jɛngɛ fewu ka bɔ o kan ka fɛɛn wɛrɛw bato.

Sariya 29:17

Cɛɛ, walima muso kana sɔrɔ aw cɛma, aw ka fadenyabolo mɔgɔ dɔ, walima buruju wɛrɛ la, min dusu bena yɛlɛma bii ka bɔ Masaba an ka Ala kan, ka taga siya nunu ka joow sɔn. Mɔgɔ si kana kɛ bagasun ye aw cɛma.

Sariya 29:18

N'a sɔrɔla ko mɔgɔ dɔ ye layidukuma nin mɛn k'a yɛrɛ boɲa k'a fɔ ko: ‹Ne ta ka ɲi, hali ni ne be n nigɛlakow le kɛra. Sabu minnɔgɔ te dugukolo ɲiginin na.›

Sariya 30:17

Nga n'aw y'aw kɔɔ d'a ma, ni aw ma mɛnni kɛ a fɛ, n'aw y'a to u y'aw nigɛ ka taga fɛɛn wɛrɛw bato, ani ka baara kɛ u ye,

Sariya 31:20

Tiɲɛ na, ne tun ye jamana min layidu ta u bɛmaw ye, ne bena don ni jama nin ye o kɔnɔ, nɔnɔ ni lii ka ca kosɔbɛ yɔrɔ min na, jamana diman lo. U bena dumuni kɛ ka fa, ka boɲa, u bena yɛlɛma k'u ɲaa sin joow ma fana k'olu sɔn. U bena u ɲaa don ne la, ani ka ne ka bɛɛn cɛn.

Sariya 4:23

Aw k'aw yɛrɛ minɛ kosɔbɛ, Masaba aw ka Ala ye bɛɛn min kɛ n'aw ye, aw kana ɲinɛ o kɔ. Aw kana joo dilan fɛɛn si jaa la, Masaba y'aw bali min na.

Sariya 4:9

Nga aw k'aw yɛrɛ kɔlɔsi, ka banba, janko aw ye koo minw ye n'aw ɲaa ye, aw kana ɲinɛ o kɔ. O kana bɔ aw hakili la aw sii tile bɛɛ la. Aw k'o koo fɔ aw deenw, n'aw mamadenw ye.

Sariya 5:7

Aw kana fɛɛn wɛrɛw bato fɔɔ ne kelen.

Sariya 8:19

«N b'a fɔ aw ye bii k'a gwɛlɛya ko n'aw ɲinɛna Masaba aw ka Ala kɔ, k'aw jigi la batofɛn wɛrɛw kan ka to k'u bato ani k'aw kunbiri gwan u kɔrɔ, aw bena halaki pewu.

Heburuw 12:15

Aw k'aw yɛrɛ minɛ waasa mɔgɔ si kana muruti ka ban Ala ka nɛɛma na. Lili si kana kɛ yirijugu ye ka wili aw cɛma ka ɲagami don ka mɔgɔ caaman halaki.

Heburuw 2:1

O le kosɔn, n'an t'a fɛ ka halaki sira kan, an ye tiɲɛkuma min mɛn, fɔɔ an k'o minɛ ni sɔbɛ ye.

Heburuw 3:12

O tuma na n badenw, aw bɛɛ k'aw yɛrɛ minɛ aw si kana kɛ mɔgɔjugu ye, lanabaliya kan'a kɛ aw be ban Nitigi Ala la.

Heburuw 4:1

Ala y'a daa di ko an bena se ka don ka lafiɲɛ a ka yɔrɔ labɛnnin kɔnɔ. O dadili nin be seen kan halibi. O la, an k'an yɛrɛ minɛ waasa mɔgɔ si kana to kɔfɛ.

Yakuba 1:26

Ni min y'a miiri ko ale be Alasira tagama k'a sɔrɔ a t'a kumacogo kɔlɔsi, o tigi b'a yɛrɛ nigɛ, kuun te o tigi ka Alasira koo la.

Zan fɔlɔ 5:21

Ne deenw, aw k'aw yɛrɛ kɔlɔsi joko ma.

Yirari 12:9

Misɛli ye Sogojuguba nin n'a kɔmɔgɔw gwɛn ka jigi dugukolo kan. U b'ale Sogojugu nin le wele fana ko sakɔrɔ, jinaw kuntigi, Sutana, diɲɛ ɲagamibaga.

Yirari 13:14

Sebagaya min dir'a ma, a y'o ta ka kabakow kɛ ka mɔgɔ caaman lafili Sogo fɔlɔ nin ɲana. A y'a fɔ mɔgɔw ye k'u ka Sogo fɔlɔ nin jaa dilan k'a boɲa, Sogo min tun mandimina n'a ma sɔrɔ ka sa.

Yirari 20:4

O kɔ, ne ye masasigilanw ye. Mɔgɔ minw nana sigi u kan, see dira olu ma ka kiti tigɛ. Mɔgɔ minw tun fagara Yezu ni Ala ka kuma kosɔn, ani minw tun banna ka Sogo nin taamasiɲɛ bila u teen, walima u bolo kan, k'a jaa bato, ne ye olu bɛɛ fana kununnin ye, u sigira ni Krista ye masaya la saan waa kelen.

Sam fɔlɔ 12:20

Samuyɛli y'a fɔ jama ye ko: «Aw kana siran, aw kɔni ye kojuguw bɛɛ kɛ, nga aw kana aw kɔɔ sin Masaba ma, aw k'a bato n'aw kɔnɔ bɛɛ ye.

Sam fɔlɔ 12:21

Aw kana bɔ a kɔ. N'o tɛ, aw bena taga fɛɛn kuntan dɔw kɔ, minw tena aw mako ɲa, u fana tena se k'aw kisi, bari u te foyi ye.