Sariya 10:9 - ALA KA KUMA

⁹ O kama, Levi kɔmɔgɔw ma niyɔrɔ sɔrɔ dugukolo tilannin na u badenw cɛma. U niyɔrɔ ye ka baara kɛ Masaba ye, i ko Masaba aw ka Ala y'a fɔ u ye cogo min na.

Jula NT of Côte d’Ivoire

⁹ O kosɔn Levi ta mɔgɔw ma ninyɔrɔ foyi sɔrɔ, o ma dugukolo foyi sɔrɔ o yɛrɛ ta ye i n’a fɔ o balema tɔw. Matigi Ala yɛrɛ le ye olugu ninyɔrɔ ye, i n’a fɔ Matigi Ala, aw ta Ala tun k’a fɔ o ye cogo min na.

Sariya 10:9 Iomraidhean Croise

Ezekiyɛli 44:28

«Sarakalasebagaw bena niyɔrɔ min sɔrɔ, o ye ne le ye. Aw man kan ka fɛɛn si d'u ma Isirayɛlidenw cɛma. Ne le bena kɛ u niyɔrɔ ye.

Jateri 26:62

Ayiwa, Levi kɔmɔgɔ cɛman minw bɛɛ jatira, k'a ta kalokelenden ma fɔɔ ka taga ɲa, olu tun ye mɔgɔ waa mugan ni saba (23 000) ye. U tun ma Levi kɔmɔgɔw jati ni Isirayɛliden tɔw ye, bari u ma niyɔrɔ sɔrɔ u cɛma.

Kɛwalew 8:21

Ayiwa, niyɔrɔ t'i fɛ koo nin na, lɔyɔrɔ tena d'i ma, bari i kɔnɔ gwɛnin te Ala ɲakɔrɔ.

Sariya 12:12

Aw bena nisɔndiya Masaba aw ka Ala ɲakɔrɔ o yɔrɔ la, aw, n'aw dencɛw, n'aw denmusow, n'aw ka baaradenw, a cɛman fara a musomanw kan, ani Levi kɔmɔgɔ minw be aw ka duguw kɔnɔ, bari olu ma niyɔrɔ sɔrɔ aw cɛma.

Sariya 14:27

Levi kɔmɔgɔ minw b'aw ka duguw kɔnɔ, aw kana tulon kɛ ni olu ka koo ye, bari u ma niyɔrɔ sɔrɔ dugukolo nin na aw cɛma.

Sariya 14:29

janko Levi kɔmɔgɔw, minw te ni dugukolo ye aw cɛma, ka se ka na, olu ni lonanw, ani falatɔw, ni firiyamuso minw be aw ka duguw kɔnɔ. U bena dumuni kɛ ka fa. O la, Masaba aw ka Ala bena aw dɛmɛ aw ka kokɛtaw bɛɛ la.

Yosuwe 14:3

Bari Musa tun ye Isirayɛli deen fila kɔmɔgɔw ni Manase ta tilan kelen niyɔrɔ di u ma ka ban Zurudɛn baji kɔfɛ, nga a tun ma foyi di Levi kɔmɔgɔw ma tɔ nunu cɛma.