Sariya 10:21 - ALA KA KUMA

²¹ Ale lo ye aw ka boɲa sababu ye, ale kelen le y'aw ka Ala ye, min ye kabakobabaw ni siranyakow kɛ aw ye, aw yɛrɛ y'u ye.

Jula NT of Côte d’Ivoire

²¹ Aw ka kan ka ale le tando, sabu aw ta Ala lo. Ale le ka nin kobaw ni nin siranyakobaw kɛ aw cɛ ra; aw yɛrɛ ɲa ka o ye.

Sariya 10:21 Iomraidhean Croise

Sam 2nan 7:23

Siya wɛrɛ be yen dugukolo kan tugu min be i n'a fɔ i ka jama Isirayɛli wa? Ele Ala ye minw kunmabɔ, k'u kɛ e yɛrɛ taw ye, janko u tɔgɔ ka se ka bɔ. O la, e ye kabakobabaw kɛ u ka jamana ye. Siya wɛrɛ be yen tugu min be i ka siya nin bɔ wa? I ye min bɔ Ezipiti jamana na, o yɔrɔ siya n'u ka batofɛnw bolo.

Zaburu 109:1

Dɔnkililabagaw kuntigi ka dɔnkili. Dawuda ka dɔnkili dɔ. Ala, ne be ele min tanura, kana je ten.

Zaburu 145:6

U bena i ka setigiya kabakomanw fɔ. Ne bena e ka boɲa fɔ.

Zaburu 148:14

A ye barika don a ka jama na. O ye kunkɔrɔta ye a ɲasiranbagaw bɛɛ fɛ, a ka jama Isirayɛli fɛ, min koo ka gwɛlɛ a ma. Aw ka Masaba tanu.

Zaburu 22:3

Ne ka Ala, ne kasira i kɔ tilefɛ, e ma ne jaabi. Sufɛ fana, ne ma lafiɲɛ.

Bɔri 15:2

Masaba le be barika don ne la, ne b'a boɲa ni dɔnkili ye. A ye ne kisi. Ne ka Ala lo, ne ben'a tanu, ne faa ka Ala lo, ne ben'a boɲa.

Bɔri 34:10

O kɔ, Masaba ko: «Ne bena bɛn n'aw ye. Ne bena kabakow kɛ i ka jama bɛɛ ɲana, minw ɲɔgɔn ma deli ka kɛ jamana si kɔnɔ, diɲɛ faan si la. Siya minw bɛɛ be i lamini na, olu bena ne Masaba ka kabako kɛwaliw ye, n bena minw kɛ i barika la.

Ezayi 60:19

Tile tena kɛ i ka yeelen ye tilefɛ tugu, kalo tena kɛ i ka yeelen ye sufɛ fana. Ne Masaba bena kɛ i ka yeelen ye tuma bɛɛ. Ne, i ka Ala bena kɛ i ka dawula ye.

Ezayi 64:3

Mɔgɔ si ma deli k'a mɛn, mɔgɔ si ma deli k'a fɔ, mɔgɔ si ɲaa ma deli k'a ye ko batofɛn wɛrɛ be yen, ka ele niin bɔ a la, min b'o ɲɔgɔn kɛ mɔgɔ ye min jigi b'i kan.

Yeremi 17:14

Masaba, ne kɛnɛya, o la ne bena kɛnɛya. Ne kisi, o la ne bena kisi. Bari ele lo ye ne kunkɔrɔtabaga ye.

Luka 2:32

A bena yeelen bɔ diɲɛ mɔgɔw bɛɛ ye k'i yira u la. A bena boɲa la an Isirayɛlidenw kan, an minw ye i ka mɔgɔw ye.»

Yosuwe 24:18

Amori minw tun siginin be jamana nin kɔnɔ, a ye olu gwɛn, ani siyaw bɛɛ. An fana bena Masaba bato, bari an ka Ala lo.»

Yirari 21:23

Dugu nin mako te tile ni kalo yeelen na, bari Ala ka nɔɔrɔ y'a yeelen ye, Sagaden y'a fitinɛ ye.

Sam fɔlɔ 12:24

Aw ye siran Masaba ɲa ani k'a bato sɔbɛ la n'aw dusu bɛɛ ye. A ye sebagayako min kɛ aw ye, aw yɛrɛ ka miiri o la.