Sariya 10:17 - ALA KA KUMA

¹⁷ bari batofɛn bɛɛ ka Ala lo, matigiw ka Matigi lo, a ka bon, see b'a ye, siranyafɛn lo. A te mɔgɔ woloma, boɲafɛn t'a ɲagami.

Jula NT of Côte d’Ivoire

¹⁷ Sabu Matigi Ala, aw ta Ala le ye alaw bɛɛ ta Ala le ye, ani matigiw bɛɛ ta Matigi; Alaba lo, ani Sebɛɛtigi Ala, ani siranyafɛnba. A tɛ mɔgɔ bɔ mɔgɔ ra, a tɛ bonya mina mɔgɔ fɛ janko ka o tigi fisaya ni tɔw ye.

Sariya 10:17 Iomraidhean Croise

Lok 2nan 19:7

Aw ka siran Masaba ɲa sisan. Aw k'aw ka kɛwaliw kɔlɔsi, bari namara te Masaba an ka Ala ka koo la. A te mɔgɔ bɔ mɔgɔ la, a te dasanfɛn fɛ.»

Nehemi 1:5

«Masa Ala, e min ye Sankolotigi ye, e ka bon, mɔgɔ ka kan ka siran e ɲa, i koo ka di mɔgɔ minw ye n'u b'i ka sariya bato, i be koɲuman kɛ olu ye k'i ka layidu dafa.

Nehemi 4:14

N'aw ye buru kaan mɛn k'aw to yɔrɔ o yɔrɔ, aw ye na ɲɔgɔn lajɛn an gɛrɛfɛ buru fiyɛyɔrɔ la. An ka Ala bena an dɛmɛ ka kɛlɛ kɛ!»

Nehemi 9:32

«O la sisan, an ka Ala, e min ka bon, see fana b'i ye ani mɔgɔ ka kan ka siran i ɲa, e min be to i ka layidu kan kantigiya la, an n'an ka masacɛw, n'an kuntigiw, n'an ka sarakalasebagaw, n'an ka kiraw, n'an faaw, n'i ka jama bɛɛ ye tɔɔrɔ minw sɔrɔ Asirikaw ka masacɛw ka tile la fɔɔ ka na se bii ma, i kana u filɛ kofitini ye.

Ayuba 34:19

Ale min te ɲamɔgɔ fisaya ni tɔw ye, a te fantan bɔ fɛntigi la, bari ale lo y'u bɛɛ dan.

Zaburu 99:3

Bɛɛ bena i tanu k'i tɔgɔ boɲa wango la. Tiɲɛ na, Masaba, e ka senu.

Bɔri 23:8

Bonyafɛn min b'aw daa siri, aw kana sɔn k'o minɛ, bari o be mɔgɔ hakili yɛlɛma, a te se ka tiɲɛ fɔ, a be mɔgɔtilennin ka kuma jɛngɛ.

Ezayi 37:16

«Masaba, Setigi, Isirayɛli ka Ala, e min siginin be *serubɛnw sanfɛ, ele kelenpe le ye Ala ye jamanaw bɛɛ kunna. Ele lo ye sankolo ni dugukolo dan.

Ezayi 9:6

A ka fanga bena boɲa, a ka masaya hɛrɛ tena ban. A bena to Dawuda ka masasigilan kan masaya la. A bena o masaya sabati, ka barika don a la tiɲɛ, ni tilenninya la kabini sisan ni tuma bɛɛ. Masaba, Setigi bena o kɛ bari a jijanin lo o kama.

Yeremi 20:11

Nga Masaba be ni ne ye i ko kɛlɛmasaŋana! Ne tɔɔrɔbagaw bena talon, u te na see sɔrɔ. U bena dɛsɛ, o maloya bena to u kunna fɔɔ tuma bɛɛ, mɔgɔw tena ɲinɛ a kɔ ka ye.

Yeremi 32:18

I be makari mɔgɔ caaman la. Nga i be faaw ka kojugu juru sara u deenw na fana. Ala, i ka bon, fanga b'i la, e tɔgɔ le ko Masaba, Setigi.

Daniyɛli 11:36

«Koo o koo ye masacɛ nin diya, a ben'o le kɛ. A ben'a yɛrɛ boɲa! O yɛrɛboɲa nin na, a ben'a yɛrɛ fisaya ni batofɛnw bɛɛ ye. Ala min ka bon ni batofɛn bɛɛ ye, a bena kabakokuma fɔ ale kama. A ka koo bena taga ɲa fɔɔ ka taga se Ala ka dimi danyɔrɔ la. Bari, min latigɛra, o bena kɛ cɔ!

Daniyɛli 2:45

O la, i ye kabakuru ye min bɔra kulu kan mɔgɔ bolo ma maga min na, ka na nigɛ, ni zira, ni bɔgɔ, ni warigwɛ ani sanu mugumugu. Ala, min ka bon, a ye koo nata yira ele masacɛ la. Siko nin ye tiɲɛ ye. Mɔgɔ ka kan ka la a kɔrɔ la.»

Daniyɛli 2:47

Masacɛ y'a fɔ a ye ko: «Tiɲɛ na, aw ka Ala ka bon ni batofɛnw bɛɛ ye, masaw ka Masa lo. Kodogoninw yirabaga lo. Bari, i y'o koo kodogonin nin yira ne la.»

Marika 12:14

U tagar'a fɔ a ye ko: «Karamɔgɔ, an y'a lɔn ko i be tiɲɛ fɔ. I fana te siran mɔgɔ si ɲa ka sɔn o tigi ta ma, bari i te mɔgɔ bɔ mɔgɔ la. I be mɔgɔw kalan Alasira la ni kuma minw ye, o bɛɛ ye tiɲɛ ye. An b'i ɲininga ni a daganin be ka nisɔngɔ sara Ɔrɔmu masacɛ ye, walima a daganin tɛ? An ka kan k'a sara, walima an man kan k'a sara?»

Kɛwalew 10:34

O tuma na, Piyɛri ye kuma ta k'a fɔ ko: «Ne y'a lɔn sisan ko Ala te mɔgɔ bɔ mɔgɔ la,

Rɔmukaw 2:11

Bari Ala te mɔgɔ bɔ mɔgɔ la.

Galasikaw 2:6

Hali mɔgɔ minw tun be jati ɲamɔgɔw ye, o n'u ka ɲamɔgɔya bɛɛ, ne tun t'o jati, bari Ala fana te adamadenya jati. O ɲamɔgɔ nunu ma foyi fɔ ne ye fana.

Ɛfɛsikaw 6:9

Kuntigiw, aw fana k'o koo ɲɔgɔn kɛ u ye. Aw kana fariya u ma, bari aw b'a lɔn k'u Kuntigi n'aw fana ta ye kelen ye min be sankolo la, ani ale te mɔgɔ woloma ka bɔ mɔgɔ la.

Sariya 1:17

Ko u kana mɔgɔ bɔ mɔgɔ la u ka kiti la. U ka kan ka mɛnni kɛ fantan fɛ i n'a fɔ mɔgɔbabaw. Ko u kana siran mɔgɔ si ɲa, bari kitiko ye Ala ta ye. Ko ni koo min gwɛlɛyara u ma, u ka na n'o ye ne fɛ, ne k'o ɲanabɔ.

Sariya 16:19

«Aw kana kiti si tigɛ k'a cɛn. Aw kana wolomani kɛ kiti la, aw kana boɲafɛn minɛ fana k'aw yɛrɛ daa siri n'o ye. Bari o fɛɛn nunu le be lɔnnikɛla hakili yɛlɛma, ka mɔgɔtilenninw ka tilenninya ɲagami.

Sariya 24:17

«Aw ka lonan, ni falatɔ minɛ ni tilenninya ye, aw kana firiyamuso ka fani ta aw ka juru nɔɔ na.

Sariya 27:25

‹Mɔgɔ min be sɔn ka wari minɛ ka mɔgɔ jalakibali faga, o tigi danganin lo.› Jama bɛɛ ben'a laminɛ ko: ‹Amiina!›

Sariya 7:21

Aw jaa kana tigɛ u kama bari Masaba aw ka Ala be n'aw ye, see b'a ye, siranyafɛn lo.

Kɔlɔsikaw 3:25

Ni mɔgɔ min ye baarajugu kɛ, o tigi bena o sara le sɔrɔ, Ala te mɔgɔ woloma ka bɔ mɔgɔ la.

Tim fɔlɔ 6:15

Ala kelenpe min ye setigi ye, ni dubatigi, masaw ka Masa, matigiw ka Matigi, bena o kɛ a ka waati latigɛnin na.

Yosuwe 22:22

«Setigi Ala, Masaba! Setigi Ala, Masaba b'a lɔn, ani Isirayɛlidenw ben'a lɔn fana. Ni murutiko lo, walima ni kojugu lo n'an y'a kɛ Masaba la, a kana an to bii.

Piy fɔlɔ 1:17

Ɔnhɔn, aw ka dalili la, aw be Ala wele ko aw Faa. A te wolomani kɛ, a be mɔgɔ bɛɛ kiti kelen kelen u ka kɛwaliw kosɔn. O tuma na sa, aw ka taama Alaɲasiran na, k'aw to diɲɛ na.

Yirari 17:14

U bena Sagaden nin kɛlɛ. Nga Sagaden bena se u kɔrɔ, bari ale ye matigiw ka Matigi ye, ani masaw ka Masa. Sagaden n'a ka mɔgɔ weleninw, n'a ka wolomaninw, ni kantigiw, u bɛɛ bena see sɔrɔ.»

Yirari 19:16

Tɔgɔ dɔ tun b'a ka fani n'a woto kan ko: «Masaw ka Masa, ni matigiw ka Matigi.»