Sariya 1:8 - ALA KA KUMA

⁸ Aw k'a filɛ, ne Masaba tun ye n daa di jamana min koo la, ko n ben'a di aw bɛma Ibrayima ni Isiyaka ani Yakuba, n'u kɔmɔgɔw ma, ne y'o d'aw ma. Aw ka don a kɔnɔ, k'a minɛ k'a kɛ aw ta ye.»

Jula NT of Côte d’Ivoire

⁸ «Aw y’a flɛ, ne ka o jamana di aw ma; aw ye wuri ka taga o jamana mina; ne karira aw bɛmaw Iburahima ni Isiyaka ni Yakuba ye, ko ne bɛna o jamana le di o ni o ta duruja nataw ma.»

Sariya 1:8 Iomraidhean Croise

Damina 12:7

Masaba y'a yɛrɛ yira Abramu la k'a fɔ a ye ko: «Ne bena jamana nin d'i kɔmɔgɔ ma.» O la, Abramu ye sarakabɔyɔrɔ lɔ Masaba ye o yɔrɔ la, ale min tun y'a yɛrɛ yira a la.

Damina 15:16

I kɔmɔgɔw *filankuru naaninan le bena kɔsegi ka na yan, bari amoriw minw siginin be jamana nin kɔnɔ, olu ka juguya ma se a daan ma fɔlɔ. N'a ser'a daan ma tuma min na, ne bena u gwɛn.»

Damina 15:18

O loon na, Masaba ye layidu ta Abramu ye ko: «Ne be jamana nin d'i kɔmɔgɔw ma, k'a ta Ezipiti baa ma, fɔɔ ka taga se baa belebele ma, min ye Efarati baa ye,

Nehemi 9:15

Kɔngɔ tun b'u la tuma min na, i y'a kɛ dumuni bɔra sanfɛ ka jigi u ye. Minnɔgɔ tun y'u minɛ fana, i ye jii kɛ a bɔra farakuru la u y'a min. I fana y'a fɔ u ye k'u ka don ka sigi jamana nin kɔnɔ k'a tigiya kɛ, i tun ye min layidu ta u ye ka sinsin a kan.

Bɔri 23:31

Ne bena aw ka jamana daan bɔ, k'a daminɛ Buruku kɔgɔji ma fɔɔ ka ta'a bila filisi jamana Kɔgɔji ma, ani ka bɔ kongokolon na, fɔɔ ka taga se Efarati baji daa la. Ne bena jamana nin mɔgɔw don aw bolo, aw bena u gwɛn ka bɔ aw ɲa.

Bɔri 33:1

Masaba y'a fɔ Musa ye ko: «I bɔra ni jama min ye Ezipiti, i ni olu ka wili ka bɔ yan. Ne ye layidu ta Ibrayima ni Isiyaka ani Yakuba ye jamana min koo la, ko ne ben'a di u kɔmɔgɔw ma, i ka taga yen.

Yeremi 32:22

I ye jamana diman nin di Isirayɛlidenw ma, e tun y'a fɔ u faaw ye ko i ben'a d'u ma, nɔnɔ ni lii ka ca min kɔnɔ kosɔbɛ.

Ezekiyɛli 47:14

Jɛnkulu kelen kelen bɛɛ niyɔrɔ ka kan ka kɛ kelen ye. Ne ye layidu ta, ka n daa di aw bɛmaw ma ko ne bena jamana nin d'u ma minkɛ, jamana nin bena kɛ aw ta ye.

Jateri 14:23

olu si tena jamana nin ye, ne ye layidugwɛlɛn ta u bɛmaw ye min koo la ko ne ben'a d'u ma. Mɔgɔ o mɔgɔ ye ne mafiɲɛya, o si ten'a ye fewu.

Jateri 32:11

mɔgɔ minw bɔra Ezipiti jamana na, k'a ta minw sii sera saan mugan ma fɔɔ ka tɛmɛ o kan, k'olu si tena jamana nin ye, ale ye min layidu ta Ibrayima ni Isiyaka ani Yakuba ye k'a gwɛlɛya ko a ben'a di u ma, bari u si ma mɛnni kɛ a fɛ sɔbɛ la.

Sariya 1:11

Masaba, aw bɛmaw ka Ala, k'a kɛ aw ka caya kosɔbɛ, fɔɔ siɲɛ waa kelen, ani k'aw ta ɲa ka kɛɲɛ n'a ka layidu ye.

Sariya 1:35

«Ne ye layidu ta aw bɛmaw ye, ko n bena jamanaɲuman min d'u ma, aw bii mɔgɔjugu nunu si ɲaa tena la o kan,

Sariya 10:11

A y'a ɲini ne fɛ ko n ka wili ka bila jama nin ɲa, ka don n'u ye jamana nin kɔnɔ, ale tun ye o min layidu ta u bɛmaw ye ko a ben'a di u ma.

Sariya 11:24

Aw seen mana la yɔrɔ min bɛɛ la, o bena kɛ aw ta ye, k'a daminɛ kongokolon ma worodugu ɲafan na fɔɔ ka ta'a bila Liban kuluyɔrɔ ma kɔgɔdugu fɛ. Ani k'a ta Efarati baji ma kɔrɔn fɛ, ka ta'a bila kɔgɔji la tileben fɛ.

Sariya 11:9

Aw k'u bato janko aw ka sijan sɔrɔ jamana nin kɔnɔ, Masaba tun ye min layidu ta aw bɛmaw ye, ani u kɔmɔgɔw, ko a ben'a di aw ma. Nɔnɔ ni lii ka ca o yɔrɔ la kosɔbɛ, jamana diman lo.

Sariya 2:29

Ezawu kɔmɔgɔw y'o ɲɔgɔn le kɛ an ye, minw siginin be *Seyiri mara la, ani Mowabuw fana, minw siginin be Ari. E fana ka sɔn an be tɛmɛ ten, fɔɔ ka taga Zurudɛn baji tigɛ ka don jamana kɔnɔ, Masaba an ka Ala ye min d'an ma.»

Sariya 26:15

K'i to i ka sigiyɔrɔ la sanfɛ, i ka filɛli kɛ ka hɛrɛ kɛ i ka jama Isirayɛli ye, ka barika don dugukolo nin na i ye min d'an ma ka kɛɲɛ n'i ka layidu ye, i ye min ta an bɛmaw ye, nɔnɔ ni lii ka ca kosɔbɛ jamana diman min kɔnɔ.›

Sariya 26:3

Sarakalasebaga min be baara la o waati la, aw ka taga n'a ye ale fɛ k'a fɔ a ye ko: ‹Ne b'a fɔ Masaba aw ka Ala ɲana bii ko ne donna jamana nin kɔnɔ, a tun ye layidu ta an bɛmaw ye ko a bena min d'an ma.›

Sariya 28:11

Masaba ye jamana min layidu ta aw bɛmaw ye ko a ben'a di aw ma, a bena hɛrɛ kɛ aw ye o yɔrɔ la, ka deen caaman di aw ma, k'aw ka begɛnw, n'aw ka sumanw caya.

Sariya 29:12

janko k'aw kɛ a ka jama ye bii, ani ka kɛ aw ka Ala ye, i n'a fɔ a y'a daa di aw bɛma Ibrayima, ni Isiyaka, ani Yakuba ma cogo min na.

Sariya 30:20

aw ka Masaba aw ka Ala koo diya aw ye, ani k'a ka fɔta mɛn, aw nɔrɔnin ka to a la. O la, Masaba ye layidu ta aw bɛma Ibrayima, ni Isiyaka, ani Yakuba ye, ko a bena jamana min d'u ma, aw bena to sii la, ka saan caaman kɛ o kɔnɔ.»

Sariya 31:7

O kɔ, Musa ye Zozuwe wele k'a fɔ a ye Isirayɛlidenw bɛɛ ɲana ko: «I ka barika don i yɛrɛ la, k'i jaa gwɛlɛya, bari Masaba ye layidu ta jama nin bɛmaw ye ko a bena jamana min di u ma, e lo bena taga n'u ye o yɔrɔ la. Ani k'a tilan u cɛ, ka bɛɛ niyɔrɔ d'a ma.

Sariya 34:4

Masaba y'a fɔ ko: «A filɛ, ne ye jamana min layidu ta Ibrayima, ni Isiyaka, ani Yakuba ye, tuma min na ne y'a fɔ u ye ko, ne bena jamana nin di aw kɔmɔgɔw ma, n b'a yira i la, nga i tena don yen.»

Sariya 4:1

Musa y'a fɔ tugu ko: «Sisan Isirayɛlidenw, aw ka mɛnni kɛ sariya ni landaw koo la. Ne bena aw kalan minw na. Aw k'o bato janko aw kana sa, aw ka se ka don jamana nin kɔnɔ k'a kɛ aw ta ye. Masaba, aw bɛmaw ka Ala be min dira aw ma.

Sariya 6:10

«Masaba aw ka Ala tun ye jamana min layidu ta aw bɛma Ibrayima ni Isiyaka ani Yakuba ye, n'a y'a kɛ aw donna o kɔnɔ tuma min na, dugubaba ɲumamanw be min kɔnɔ aw ma minw lɔ,

Sariya 7:12

N'aw ye aw tulo malɔ landa nunu na, k'o bato ka ɲa, Masaba aw ka Ala ben'a ka layidu dafa, a ye min ta aw bɛmaw ye ani ka ɲumanya kɛ aw ye.

Sariya 7:13

Aw koo bena diy'a ye, a bena aw ta ɲa, ka deen caaman di aw ma, k'aw ka forow ɲa, ka suman caaman, ni duvɛnkɛnɛ caaman, ani tulu caaman di aw ma. A bena aw ka misiw caya, n'aw ka begɛnmisɛnw, jamana nin kɔnɔ. A tun ye min layidu ta aw bɛmaw ye ko a ben'a di aw ma.

Sariya 7:8

Nga aw koo ka di Masaba ye, ani a ye layidu min ta aw bɛmaw ye, a y'o dafa. O la, a y'aw bɔsi Ezipiti masacɛ bolo k'aw bɔ jɔnya la, ani k'a to aw bɔra jamana nin kɔnɔ a ka sebagaya barika la.

Sariya 8:1

«Ne be koo minw fɔra aw ye bii, aw ka jija k'o bɛɛ kɛ, janko aw ka to nii na, ka caya, ani ka se ka don jamana nin kɔnɔ k'a minɛ. Masaba ye min layidu ta aw bɛmaw ye.

Sariya 9:5

A ma kɛ ko aw ka tilenninya kosɔn lo aw bena don ka jamana nin minɛ dɛ, walima aw ka ɲumanya barika la. Nga Masaba aw ka Ala bena siya nunu gwɛn ka bɔ aw ɲa u ka juguya le kosɔn. A ye layidu min ta aw bɛma Ibrayima, ni Isiyaka, ani Yakuba ye, waasa o ka dafa.

Heburuw 6:13

Ala y'a daa di Ibrayima ma tuma min na, a kalila n'a yɛrɛ tɔgɔ ye bari fɛɛn wɛrɛ te yen min ka bon n'ale yɛrɛ ye n'a be se ka kali ni min ye.

Heburuw 6:14

A tun ko: «Ne bena hɛrɛ kɛ i ye, k'i kɔmɔgɔw caya kosɔbɛ.»

Yosuwe 1:6

I ka barika don i yɛrɛ la k'i jaa gwɛlɛya, bari e le bena kɛ sababu ye jama nin ka don jamana nin kɔnɔ k'a minɛ k'a kɛ u yɛrɛ ta ye, ne tun kalila u faaw ye ko n bena jamana nin di u ma.

Kititigɛbagaw 2:1

Masaba ka mɛlɛkɛ bɔra Giligali ka na Bokimu, k'a fɔ ko: «Ne y'aw bɔ Ezipiti jamana na. Ne tun ye jamana min layidu ta aw faaw ye ko n ben'a di u ma, ne nana n'aw ye o kɔnɔ. Ne tun y'a fɔ ko ne tena n ka bɛɛn cɛn ni aw ye tugu.