Sariya 1:25 - ALA KA KUMA

²⁵ U ye jamana nin yiriden dɔw tigɛ ka na n'u ye an fɛ, ka na kunnafoni di ko: «Masaba an ka Ala be jamana min dira anw ma, o ka ɲi.»

Jula NT of Côte d’Ivoire

²⁵ O ka jamana yiriden dɔw tigɛ ka na o yira an na. O nana jamana cogo lakari an ye, ko: «Matigi Ala, an ta Ala ka jamana min di an ma, jamanaɲuman lo.»

Sariya 1:25 Iomraidhean Croise

Bɔri 3:8

O la, ne jigira waasa k'u bɔsi Ezipitikaw bolo k'u bɔ o jamana nin na ka taga n'u ye jamanaɲuman na, min ka bon haali, nɔnɔ ni lii ka ca yɔrɔ min na kosɔbɛ, jamana diman lo. Kanaanw ni itiw, ani amoriw ni periziw, ni iviw ani zebuziw ka jamana lo.

Jateri 13:20

Aw ka dugukolo filɛ, yala n'a ka ɲi, walima n'a ma ɲi, ni yiriw be yen, walima n'u te yen. Aw ka jija ka na ni jamana nin kɔnɔ yiriden dɔw ye.» O y'a sɔrɔ *ɛrɛzɛn fɔlɔw mɔwaati tun lo.

Jateri 13:27

U y'a fɔ Musa ye ko: «I y'an ci ka taga jamana min na, an tagara don yen. Tiɲɛ na, nɔnɔ ni lii ka ca a kɔnɔ kosɔbɛ! Jamana diman lo. Jamana nin kɔnɔ yiriden dɔw filɛ nin ye.

Jateri 14:7

k'a fɔ Isirayɛli jama bɛɛ ye ko: «An tagara jamana min yaala k'a filɛ, a ka ɲi kosɔbɛ.

Sariya 1:24

Olu ye sira ta ka taga kuluyɔrɔ la, ka taga se Ɛsikɔli kɔkɛnɛ na, k'o yɔrɔ filɛfilɛ.

Sariya 1:26

Nga aw tun ma sɔn ka yɛlɛ, aw murutira Masaba aw ka Ala ka kuma ma.