Sariya 1:17 - ALA KA KUMA

¹⁷ Ko u kana mɔgɔ bɔ mɔgɔ la u ka kiti la. U ka kan ka mɛnni kɛ fantan fɛ i n'a fɔ mɔgɔbabaw. Ko u kana siran mɔgɔ si ɲa, bari kitiko ye Ala ta ye. Ko ni koo min gwɛlɛyara u ma, u ka na n'o ye ne fɛ, ne k'o ɲanabɔ.

Jula NT of Côte d’Ivoire

¹⁷ Ni aw bɛ kiti tigɛ, aw kana mɔgɔ bɔ mɔgɔ ra. Aw ye bɛɛ lamɛn, mɔgɔba fara a fitini kan. Aw kana siran mɔgɔ si ɲa, sabu Ala le ye kititigɛbaga ye. Ni ko min gbɛlɛyara aw ma, aw ye na ni o ye ne fɛ, ne bɛna o lamɛn.»

Sariya 1:17 Iomraidhean Croise

Damina 18:25

Ka sɔn ka mɔgɔtilenninw ni mɔgɔjuguw faga ɲɔgɔn fɛ, e kɔni te sɔn o la! Ka mɔgɔtilennin ni mɔgɔjugu kɛɲɛ, e te sɔn o la! E min be adamadenw bɛɛ kiti, i tena kiti tigɛ ni tilenninya ye wa?»

Sam 2nan 14:14

An bɛɛ bena sa loon dɔ, ka kɛ i n'a fɔ jii min bɔnna duguma, n'a te se ka cɛ tugu. Nga Ala t'a fɛ o ɲɔgɔn ka kɛ tigi min gwɛnna na. A b'a fɛ a be kɔsegi le a ɲakɔrɔ.

Lok 2nan 19:5

A ye kititigɛlaw sigi jamana kɔnɔ, Zuda mara dugu barikamanw kelen kelen bɛɛ kɔnɔ.

Lok 2nan 19:6

A y'a fɔ u ye ko: «Aw bena min kɛ, aw ka jija k'o kɛ ka ɲa, bari aw bena kiti minw tigɛ, aw tena olu tigɛ adamaden kama, Masaba kama lo. Ale lo bena to n'aw ye aw ka tiɲɛfɔwaati la.

Ayuba 31:34

K'a fɔ ko n be siran jama ɲa, o tɛ, walima ka siran mɔgɔw ka dɔgɔya ɲa, o fana tɛ, k'o la, n jera ka to n ka soo kɔnɔ.

Zaburu 82:2

«Tuma jumɛn aw bena kiti tilenbaliw ni mɔgɔjuguw dɛmɛ dabila?

Bɔri 18:18

I bena i yɛrɛ barika ban, jama min be n'i ye, k'o fana barika ban. Baara nin ka bon i ma, i kelenpe te se a kɔrɔ.

Bɔri 18:22

Olu ka jama ka kitikow ɲanabɔ tuma bɛɛ. U ka na ni kogwɛlɛnw ye i fɛ, olu yɛrɛ ka komisɛnw ɲanabɔ. O b'i ka baara nɔgɔya, bari olu bena i dɛmɛ.

Bɔri 18:26

Olu le tun be jama ka kitikow ɲanabɔ tuma bɛɛ. U tun be taga Musa sɛgɛrɛ ni kogwɛlɛnw ye, ka komisɛnw ɲanabɔ u yɛrɛ ma.

Zanaw 18:5

Ka fara kojugukɛla kan, ka mɔgɔtilennin jalaki kiti la, o ma ɲi!

Zanaw 24:23

Nin ye lɔnnikɛlaw ta ye tugu. Ka wolomani kɛ kiti la, o ma ɲi.

Zanaw 28:21

A ma ɲi mɔgɔ ka mɔgɔ woloma. Nga mɔgɔ dɔw b'o kojugu nin kɛ lɔgɔma kelen yɛrɛ kama.

Zanaw 29:25

Ka siran adamaden ɲa, o laban ka jugu. Nga mɔgɔ min y'a jigi la Masaba kan, o tigi be sutara la.

Yeremi 1:17

Ele kɔni, i k'i cɛ siri. Ne bena min fɔ i ye, i ka wili k'o bɛɛ fɔ u ye. I kana siran u ɲa dɛ! N'o tɛ, ne ben'a kɛ i be siran u ɲa.

Sarakalasebagaw 19:15

«Aw kana kiti tigɛ tilenbaliya la. Aw kana ben mɔgɔ wɛrɛ kan ka fantan dɛmɛ cogo bɛnbali la a ka fantanya kosɔn. Aw kana tiɲɛ di faama ma a ka faamaya kosɔn. Aw ka kiti tigɛ ni tilenninya ye.

Malaki 2:9

Ne fana ben'a kɛ aw koo be goya jamanadenw bɛɛ ye, ani k'aw mafiɲɛya u ɲana. Bari aw banna ka ne ka kuma bato, ka to ka mɔgɔw woloma aw ka koo la.»

Matiyu 22:16

U y'u ka kalanden dɔw, ni *Erɔdi ka mɔgɔ dɔw ci, waasa u k'a fɔ Yezu ye ko: «Karamɔgɔ, an y'a lɔn ko i be tiɲɛ fɔ, an'i be mɔgɔ kalan ni tiɲɛ ye Ala ka sira la. I fana te siran mɔgɔ si ɲa ka sɔn o tigi ta ma, i te mɔgɔ bɔ mɔgɔ la.

Marika 12:14

U tagar'a fɔ a ye ko: «Karamɔgɔ, an y'a lɔn ko i be tiɲɛ fɔ. I fana te siran mɔgɔ si ɲa ka sɔn o tigi ta ma, bari i te mɔgɔ bɔ mɔgɔ la. I be mɔgɔw kalan Alasira la ni kuma minw ye, o bɛɛ ye tiɲɛ ye. An b'i ɲininga ni a daganin be ka nisɔngɔ sara Ɔrɔmu masacɛ ye, walima a daganin tɛ? An ka kan k'a sara, walima an man kan k'a sara?»

Luka 20:21

Nafigi nunu tagar'a fɔ a ye ko: «Karamɔgɔ, an y'a lɔn ko i ka kuma n'i ka kalan tilennin be, i te mɔgɔ bɔ mɔgɔ la, Alasira ka kan ka taama cogo min na, i be mɔgɔw kalan o la tiɲɛ na.

Rɔmukaw 2:11

Bari Ala te mɔgɔ bɔ mɔgɔ la.

Ɛfɛsikaw 6:9

Kuntigiw, aw fana k'o koo ɲɔgɔn kɛ u ye. Aw kana fariya u ma, bari aw b'a lɔn k'u Kuntigi n'aw fana ta ye kelen ye min be sankolo la, ani ale te mɔgɔ woloma ka bɔ mɔgɔ la.

Sariya 10:17

bari batofɛn bɛɛ ka Ala lo, matigiw ka Matigi lo, a ka bon, see b'a ye, siranyafɛn lo. A te mɔgɔ woloma, boɲafɛn t'a ɲagami.

Sariya 16:19

«Aw kana kiti si tigɛ k'a cɛn. Aw kana wolomani kɛ kiti la, aw kana boɲafɛn minɛ fana k'aw yɛrɛ daa siri n'o ye. Bari o fɛɛn nunu le be lɔnnikɛla hakili yɛlɛma, ka mɔgɔtilenninw ka tilenninya ɲagami.

Sariya 24:17

«Aw ka lonan, ni falatɔ minɛ ni tilenninya ye, aw kana firiyamuso ka fani ta aw ka juru nɔɔ na.

Sariya 25:1

«Ni mɔgɔ fila bilara ɲɔgɔn na Isirayɛlidenw cɛma, u ka kan ka taga kititigɛlaw fɛ, mɔgɔ min ka kan ka jalaki, u k'ale jalaki, tiɲɛ be min fɛ, o tigi ka tiɲɛ sɔrɔ.

Kɔlɔsikaw 3:25

Ni mɔgɔ min ye baarajugu kɛ, o tigi bena o sara le sɔrɔ, Ala te mɔgɔ woloma ka bɔ mɔgɔ la.

Tes fɔlɔ 2:4

Nga Ala yɛrɛ y'a ye ko an be se, o la, a y'o kibaru diman fɔko kalifa an ma, an fana b'a fɔ a cogo la. An te mɔgɔ diyanako ɲinina, nga Ala min b'an kɔnɔnakow lɔn, an be ale ta le kɛ.

Yakuba 2:9

Nga n'aw be wolomani kɛ ka mɔgɔw fisaya ni ɲɔgɔn ye, aw be hakɛ kɛ, Ala ka sariya b'aw minɛ bari aw m'a bato.

Piy fɔlɔ 1:17

Ɔnhɔn, aw ka dalili la, aw be Ala wele ko aw Faa. A te wolomani kɛ, a be mɔgɔ bɛɛ kiti kelen kelen u ka kɛwaliw kosɔn. O tuma na sa, aw ka taama Alaɲasiran na, k'aw to diɲɛ na.

Sam fɔlɔ 16:7

Nga Masaba y'a fɔ a ye ko: «I kan'a filɛ a ɲada ma n'a ka jaɲa ma, bari ne banna ale la. Mɔgɔ be fɛɛn min jati, ne, Masaba te o jati. Mɔgɔ b'a tɔɲɔgɔn filɛ a ɲaa ma dama, nga ne, Masaba be dusu le filɛ.»

Sam fɔlɔ 2:25

Ni mɔgɔ dɔ y'a tɔɲɔgɔn hakɛ ta, Ala le b'o ɲanabɔ. N'a do ye Masaba hakɛ ta, jɔn le bena sabali kɛ a la?» U ma sɔn ka mɛnni kɛ u faa fɛ, bari Masaba tun b'a fɛ k'u faga.