Sariya 1:11 - ALA KA KUMA

¹¹ Masaba, aw bɛmaw ka Ala, k'a kɛ aw ka caya kosɔbɛ, fɔɔ siɲɛ waa kelen, ani k'aw ta ɲa ka kɛɲɛ n'a ka layidu ye.

Jula NT of Côte d’Ivoire

¹¹ nka Matigi Ala, aw bɛmaw ta Ala ye aw caya belen, ka aw kɛ nin ɲɔgɔn waga kelen ye tuun, ka baraka don aw ra, i n’a fɔ a k’a layiri ta aw ye cogo min na.

Sariya 1:11 Iomraidhean Croise

Damina 15:5

A bɔra ni Abramu ye kɛnɛma k'a fɔ a ye ko: «Sankolo filɛ, lolow jati, i be se k'u jati wa? I kɔmɔgɔw bena caya ten.»

Damina 22:17

ko ne kɔni bena hɛrɛ kɛ i ye k'i kɔmɔgɔw caya i n'a fɔ lolow ni kɔgɔjida la cɛncɛn. I kɔmɔgɔw bena u juguw ka duguw minɛ k'a kɛ u yɛrɛ ta ye.

Damina 26:4

Ne bena i kɔmɔgɔw caya i n'a fɔ lolow, ka mara nunu bɛɛ di u ma. Dugukolo kan siyaw bɛɛ bena hɛrɛ sɔrɔ i kɔmɔgɔw barika la

Damina 49:25

I bolo barikamanw ma ja i faa ka Ala barika la, min b'i dɛmɛ, Setigi Ala barika la, min be koɲuman kɛ i ye. A bena sanji d'i ma ka bɔ sankolo la. A bena jii d'i ma ka bɔ dugukolo kɔnɔ. A bena deen caaman, ni begɛn caaman d'i ma.

Sam 2nan 24:3

Zowabu y'a fɔ a ye ko: «Masaba i ka Ala k'a kɛ jama be buguya siɲɛ kɛmɛ, masacɛ, ne matigi k'o ye. Nga mun na masacɛ, ne matigi b'a fɛ k'o koo ɲɔgɔn kɛ?»

Lok fɔlɔ 21:3

Zowabu y'a fɔ a ye ko: «Masaba k'a kɛ a ka jama ka buguya siɲɛ kɛmɛ! Masacɛ ne matigi, u bɛɛ te i ka baaradenw ye wa? Mun na i b'a fɛ ka nin kɛ? Mun na Isirayɛlidenw bena lɔ n'o kunko ye?»

Zaburu 115:14

Masaba k'aw ka denbaya caya, ani aw deenw taw.

Bɔri 32:13

I hakili to i ka baarakɛlaw la: Ibrayima ni Isiyaka ani Isirayɛli, i ye layidu ta i yɛrɛ tɔgɔ la minw ye, ko i bena u kɔmɔgɔw caya i n'a fɔ lolow. Ko i kumana jamana min koo la, ko i bena o di u kɔmɔgɔw ma, a ka kɛ u ta ye kudayi.»

Ezekiyɛli 16:7

Ne ye n janto i la, i ye barika sɔrɔ. I boɲana ka kɔgɔ ka kɛ sunguru cɛɲuman ye kosɔbɛ. I siin fara, i sera furu ma yɛrɛ, nga i fari lakolon tun lo.

Jateri 22:12

Ala y'a fɔ Balamu ye ko: «Kana taga n'u ye. Kana siya nin danga, bari dubadenw lo.»

Jateri 6:27

«U bena to ka ne tɔgɔ wele ten ka duba kɛ Isirayɛlidenw ye, ne be o duba minɛ.»

Sariya 1:10

Masaba aw ka Ala y'aw caya, aw cayara sisan i n'a fɔ lolow.

Sariya 1:12

Ne kelen ben'a kɛ cogo di ka lɔ n'aw ka kunko gwiliman ye, ani k'aw ka sɔsɔli koow ɲanabɔ?

Sariya 1:8

Aw k'a filɛ, ne Masaba tun ye n daa di jamana min koo la, ko n ben'a di aw bɛma Ibrayima ni Isiyaka ani Yakuba, n'u kɔmɔgɔw ma, ne y'o d'aw ma. Aw ka don a kɔnɔ, k'a minɛ k'a kɛ aw ta ye.»

Sariya 10:22

Tuma min na aw bɛmaw tun be tagara Ezipiti, u tun ye mɔgɔ bi wolonwula ye dɔrɔn, nga sisan, Masaba aw ka Ala y'aw caya i n'a fɔ lolow.

Sariya 28:62

Aw minw tun ka ca i n'a fɔ lolow, aw tɔɔ bena to mɔgɔ damani dɔrɔn ye, bari aw ma sɔn Masaba aw ka Ala ka kuma ma.