Sarakalasebagaw 1:3 - ALA KA KUMA

³ «N'a ka saraka kɛra misi ye min ka kan ka jɛni, a ka na ni tura ye fiɲɛ te min na. A k'a kɛ saraka ye Ɲɔgɔnkunbɛn fanibugu daa la, janko ne Masaba ka sɔn a ma.

Jula NT of Côte d’Ivoire

³ «Ni a ta saraka jɛnita ye misi le ye, a ye kɛ misitoran ye, fiyɛn tɛ min na. A ye taga o saraka bɔ Ɲɔgɔnkunbɛn fanibon donda ra, janko Matigi Ala ye a ta saraka mina.

Sarakalasebagaw 1:3 Iomraidhean Croise

Damina 22:13

Ibrayima y'a ɲaa kɔrɔta ka sagajigi dɔ ye, a gɔɔn ferekenin be nɔnfɔn dɔ la. A tagar'a minɛ k'ale kɛ saraka ye k'a jɛni a dencɛ nɔɔ na.

Damina 22:2

Ala ko: «I dencɛ minɛ, i dencɛ kelenpe, Isiyaka min koo ka d'i ye, i ka taga n'a ye Moriya mara la. Ne bena kulu min yira i la, i k'a kɛ saraka ye k'a jɛni o yɔrɔ la.»

Damina 22:8

Ibrayima y'a jaabi ko: «Ne deen, Ala yɛrɛ le bena sagaden koo ɲanabɔ a ka kɛ saraka ye ka jɛni.» U fila bɛɛ tora ka taga ɲɔgɔn fɛ.

Damina 8:20

Nuhun ye sarakabɔyɔrɔ lɔ Masaba ye ka dɔ bɔ seen naani fɛɛn bɛɛ la minw ka ɲi, ni kɔnɔ sifa bɛɛ la minw ka ɲi, k'u kɛ saraka ye k'u jɛni.

Lok 2nan 29:32

Jama nana ni saraka jɛnita minw ye, olu tun ye tura bi wolonwula, ni sagajigi kɛmɛ, ani sagaden kɛmɛ fila ye. U y'o bɛɛ bɔ saraka jɛnita ye Masaba ye.

Lok 2nan 35:12

Yɔrɔ minw bena kɛ saraka jɛnitaw ye, u y'o bila danna janko k'u di jama ma gwaso gwaso, olu k'u kɛ saraka ye Masaba ye, ka kɛɲɛ ni Musa ka kitabu kɔnɔnakuma ye. U ye turaw ta fana kɛ ten.

Zaburu 110:3

Cɛfariw be tugura i kɔ. I ka kɛlɛdenw lajɛnlon na, Ala ka kulu kan, kanbelenw nana i fɛ i ko sɔgɔmada joona komiji.

Zaburu 40:8

O la, ne ko: «N natɔ filɛ nin ye. N koo fɔra sɛbɛn min kɔnɔ, o be n fɛ.»

Bɔri 12:5

O begɛn nin ka kɛ cɛman ye min ye saan kelen sɔrɔ, fiɲɛ kana sɔrɔ a la, walima sankelen bakɔrɔnin, fiɲɛ te min na.

Bɔri 24:5

A ye Isirayɛlidenw kanbelen dɔw ci, olu ye saraka jɛnitaw bɔ Masaba ye ka tura kɛɲɛninw faga jɛnɲɔgɔnya sarakaw ye.

Bɔri 29:18

k'a bɛɛ jɛni sarakabɔyɔrɔ kan. Saraka jɛnita lo, min be bɔ ne Masaba ye ka jɛni pewu. A kasa ka di n ye.

Bɔri 29:4

«O kɔ, i be na ni Arɔn n'a dencɛw ye Ɲɔgɔnkunbɛn fanibugu daa la ka jii kɛ k'u ko,

Bɔri 29:42

Aw kɔmɔgɔw bɛɛ ka kan k'o saraka jɛnita bɔ loon o loon Ɲɔgɔnkunbɛn fanibugu daa la ne Masaba ɲakɔrɔ. Ne bena i kunbɛn o yɔrɔ la le ka kuma i fɛ.

Bɔri 32:6

O dugusagwɛ, u wilila joona ka saraka jɛnitaw bɔ, ka na ni jɛnɲɔgɔnya sarakaw ye. O kɔ, u sigira ka dumuni kɛ ani ka minni kɛ, ka sɔrɔ ka wili ka ɲanagwɛ.

Bɔri 35:21

Mɔgɔ o mɔgɔ dusu tun ka di, olu bɛɛ nana u yɛrɛ ma ni boɲafɛn ye k'o di Masaba ma, Ɲɔgɔnkunbɛn fanibugu lɔbaara n'a kɔnɔ baara bɛɛ kama, ani janko sarakalasebagaw ka faniw ka se ka dilan.

Bɔri 35:29

Masaba tun ye fɛɛn min fɔ Musa ye ni Musa y'o fɔ Isirayɛlidenw ye, k'u ka baara min kɛ, mɔgɔ minw dusu tun ka di, muso fara cɛɛw kan, u nana ni diyanaboɲafɛnw ye k'u di Masaba ma o baara kama.

Bɔri 35:5

«Aw ka dɔ bɔ aw bololafɛnw na k'a di Masaba ma. Mɔgɔ o mɔgɔ dusu ka di o kɛli la, o tigi ka na o di Masaba ma: sanu ni warigwɛ ni zira,

Bɔri 36:3

Isirayɛlidenw nana ni boɲafɛn minw ye Yɔrɔ Senuman lɔbaara kama, Besalɛli nunu y'o bɛɛ minɛ Musa fɛ. Jama tora ka na n'u diyanaboɲafɛnw ye sɔgɔma o sɔgɔma Musa fɛ.

Bɔri 38:1

U ye saraka jɛnita bɔyɔrɔ dilan ni akasiyayiri ye. A faan naani bɛɛ tun ye kelen ye, a jaɲa n'a boɲa bɛɛ tun ye mɛtɛrɛ fila ni tilan ye. A jaɲa sanfɛ tun ye mɛtɛrɛ kelen ni tilan ye.

Ezayi 1:11

Masaba ko: «Aw ka saraka caaman nunu be mun le ɲa ne ye? Aw be sagajigi minw bɔ saraka jɛnitaw ye, olu nigɛ bɔra n la, aw ka misituluw fana nigɛ bɔra n la. Tura joli, ni sagaden joli, ani bakɔrɔnin joli te n nisɔn diya tugu.

Ezekiyɛli 20:40

Bari ne Matigi, Masaba ko: Isirayɛli jama bɛɛ, minw siginin be jamana kɔnɔ, olu bɛɛ bena ne bato ne ka kulu senuman kan, Isirayɛli ka kulujan kan. Ne bena sɔn u ma o yɔrɔ la. Ne ben'a fɔ ko aw k'aw ka boɲafɛnw di ne ma, ani aw ka sɛnɛfɛnw bɛɛ fɔlɔw, ani aw ka fɛɛn senumanw bɛɛ.

Ezekiyɛli 40:39

Tabali fila fila tun be donda gɛrɛn fila bɛɛ la bulon kɔnɔ. U tun be saraka jɛnitaw ni hakɛ yafa sarakaw, ani fili yafa sarakaw faga olu kan.

Sarakalasebagaw 1:10

«Ni mɔgɔ dɔ b'a fɛ ka na ni begɛnmisɛn ye k'a kɛ saraka jɛnita ye, o tigi ka kan ka na ni sagajigi ye, walima bakɔrɔnin, fiɲɛ te min na.

Sarakalasebagaw 14:10

A tile seeginan loon, a ka na ni sagajigi fila ye, fiɲɛ te minw na, ani sagamuso kelen, min ye saan kelen sɔrɔ ni fiɲɛ t'a la. A ka na ni mugu tɛntɛnnin kilo kɔnɔntɔn ye fana, a ye min ɲagami ni tulu ye, k'o kɛ suman saraka ye, ka na ni tulu litiri tilancɛ ye fana.

Sarakalasebagaw 16:7

O kɔ, a ka bakɔrɔnin fila nunu minɛ ka na n'u ye Masaba ɲakɔrɔ Ɲɔgɔnkunbɛn fanibugu daa la,

Sarakalasebagaw 17:4

n'a ma na n'a ye Ɲɔgɔnkunbɛn fanibugu daa la k'a kɛ saraka ye ne Masaba ye, n ka soo daa la, o tigi ye kunko sɔrɔ bari a ye joli bɔn gwansan. U k'a gwɛn ka bɔ a ka mɔgɔw cɛma.

Sarakalasebagaw 17:8

«A fɔ u ye fana ko ni Isirayɛliden fɛɛn o fɛɛn, walima lonan min siginin be u cɛma, n'olu dɔ b'a fɛ ka saraka jɛnita, walima saraka sifa wɛrɛ bɔ,

Sarakalasebagaw 17:9

n'a ma na n'a ye Ɲɔgɔnkunbɛn fanibugu daa la k'a kɛ saraka ye ne Masaba ye, o tigi ka gwɛn ka bɔ a ka mɔgɔw cɛma.

Sarakalasebagaw 23:12

Aw b'o suman fifa loon min na, saga min ye saan kelen sɔrɔ ni fiɲɛ t'a la, aw k'o kɛ saraka jɛnita ye ne Masaba ye.

Sarakalasebagaw 23:18

O buru ni sagajigi wolonwula minw ye saan kelen kelen sɔrɔ ni fiɲɛ t'o la, ani tura kɛɲɛnin kelen, ni sagajigi fila, ka na n'o ye. Olu bena kɛ saraka jɛnita ye ne Masaba ye, u n'u ka suman sarakaw, ni jii. Saraka lo min be jɛni pewu, a kasa ka di ne ye.

Sarakalasebagaw 3:1

«Ni mɔgɔ dɔ b'a fɛ ka jɛnɲɔgɔnya saraka bɔ ne Masaba ye, ni begɛnba lo, tura, walima misimuso, a ka kɛ misi ye fiɲɛ te min na.

Sarakalasebagaw 4:15

Jama ka cɛkɔrɔbaw k'u bolow la tura nin kuun na ne Masaba ɲakɔrɔ, ka tura nin kaan tigɛ ne ɲana.

Sarakalasebagaw 4:23

N'a nana bɔ a kala ma tuma min na, a ka na ni bakɔrɔnin ye fiɲɛ te min na, k'o kɛ saraka ye.

Sarakalasebagaw 4:3

«Ni sarakalasebagaw kuntigi le ye hakɛ kɛ, min kosɔn jama jalakira, a ka na ni tura kɛɲɛnin ye fiɲɛ te min na, k'a kɛ hakɛ yafa saraka ye ne Masaba ye a ka hakɛ kosɔn.

Sarakalasebagaw 4:32

«N'o tigi be na ni sagaden ye k'a kɛ hakɛ yafa saraka ye, a ka na ni sagamuso ye fiɲɛ te min na.

Sarakalasebagaw 5:15

«Fɛɛn minw be di ne Masaba ma, ni mɔgɔ dɔ filila ka hakɛ kɛ o fɛɛn nunu dɔ koo la, n'a ma tugu k'a kɛ, a ka na ne ɲafɛ ni sagajigi ye, fiɲɛ te min na. A k'a bɔ a ka sagaw cɛma k'a kɛ fili nin yafa saraka ye, saga min sɔngɔ be bɛn warigwɛ hakɛ dɔ ma ka kɛɲɛ ni ne ka sigiyɔrɔ warigwɛ kuru jaticogo ye.

Sarakalasebagaw 5:18

A ka sagajigi bɔ a ka sagaw cɛma, fiɲɛ te min na, min sɔngɔ be bɛn o saraka nin ɲɔgɔn ma, ka na o di sarakalasebaga ma k'o kɛ fili yafa saraka ye. O la, a filila ka hakɛ min kɛ, sarakalasebaga bena o yafa daali a ye, ne Masaba be yafa a ma.

Sarakalasebagaw 6:2

«A fɔ Arɔn n'a deenw ye ko: «Saraka jɛnita sariya filɛ nin ye. Saraka jɛnita ka kan ka to sarakabɔyɔrɔ kan fɔɔ ka dugu gwɛ, tasuma mananin ka to yen.

Sarakalasebagaw 6:8

Sarakalasebaga ka kan k'a tigɛ ɲaa kelen bɔ mugu tɛntɛnnin na, ni tulu, ani wusulan bɛɛ, min be suman saraka kan, k'u bɛɛ jɛni sarakabɔyɔrɔ kan, k'o kɛ hakilijigifɛn ye. O saraka nin kasa ka di ne Masaba ye.

Sarakalasebagaw 7:16

«Nga ni mɔgɔ dɔ ka saraka ye dajuru sarata ye, walima n'a diyara a tigi ye k'o bɔ dɔrɔn, a ka kan ka ɲimi a bɔlon na, nga n'a tɔɔ tora, a be se k'a ɲimi a dugusagwɛ fana.

Sarakalasebagaw 8:18

O kɔ, a nana ni sagajigi ye, min bena kɛ saraka jɛnita ye. Arɔn n'a dencɛw y'u bolow la a kuun na.

Sarakalasebagaw 8:21

A y'a nugu n'a seenw ko, ka sɔrɔ ka sagajigi nin bɛɛ jɛni sarakabɔyɔrɔ kan saraka jɛnita ye i ko Masaba tun y'a fɔ a ye cogo min na. Saraka lo min be jɛni Masaba ye pewu, a kasa ka di Masaba ye.

Sarakalasebagaw 9:2

k'a fɔ Arɔn ye ko: «Na ni tura kɛɲɛnin ye k'a kɛ hakɛ yafa saraka ye, ka na ni sagajigi ye k'o kɛ saraka jɛnita ye Masaba ɲakɔrɔ. Fiɲɛ kana sɔrɔ u si la.

Jakariya 13:7

Masaba, Setigi ko: «Wili ne ka sagadɛndɛbaga kama, murujan! Wili ne baarakɛɲɔgɔn kama! Sagadɛndɛbaga bugɔ, sagaw be jɛnsɛn. N bolo yɛrɛ bena se hali deenw ma.»

Malaki 1:14

Ni begɛndafanin cɛman be namaramɔgɔ min ka wɛɛrɛ kɔnɔ, n'a y'o to yen ka begɛn wɛrɛ kɛ a ka dadili saraka ye, fiɲɛ be min na, o tigi ka danga. Bari ne ye Masaba le ye. Ne Masaba, Setigi le ko ten. Siyaw bɛɛ ka kan ka siran n ɲa.

Jateri 15:3

ni aw be misi, walima begɛnmisɛn bɔ saraka ye min be jɛni pewu ne Masaba ma, n'a kasa ka di ne ye, a kɛra saraka jɛnita ye, walima dajuru sarata ye wo, walima diyanaboɲafɛn, walima ɲanagwɛ loon sarakaw, a ka kɛ nin cogo la:

Jateri 15:8

Ni tura kɛɲɛnin lo, a kɛra saraka jɛnita ye wo, walima dajuru sarata ye, walima jɛnɲɔgɔnya saraka ye, ne Masaba ye,

Jateri 19:2

«Ne Masaba ye sariya min sigi, fɛɛn min wajibiyanin be o kɔnɔ, o filɛ nin ye. A fɔ Isirayɛlidenw ye ko u ka na i fɛ ni misimuso wuleman ye, a dafanin, fiɲɛ te min na, min ma deli ka sɛnɛ kɛ.

Jateri 23:19

Ala te mɔgɔ ye n'a be galon tigɛ, adamaden tɛ n'a b'a hakili yɛlɛma. N'a ye fɛɛn dɔ fɔ, a t'o kɛ wa? N'a ye layidu ta, a t'o dafa wa?

Jateri 23:27

Balaki y'a fɔ Balamu ye ko: «Na an ka taga yɔrɔ wɛrɛ la. N'a sɔrɔ Ala bena sɔn i ka mɔgɔ nunu danga ne ye k'i to o yɔrɔ la.»

Jateri 23:3

Balamu y'a fɔ Balaki ye ko: «Lɔ yan i ka saraka gɛrɛfɛ, ne bena taga ɲafɛ. N'a sɔrɔ Masaba bena na ne kunbɛn. N'a ye fɛɛn o fɛɛn yira ne la, n bena o fɔ i ye.» O kɔ, a tagara yɛlɛ kulu dɔ kan yiri te min kan.

Jateri 23:30

Balamu ye min fɔ, Balaki y'o kɛ, a ye tura kelen ni sagajigi kelen bɔ saraka ye sarakabɔyɔrɔ kelen kelen bɛɛ kan.

Jateri 28:11

«Kalo o kalo loon fɔlɔ, aw ka tura kɛɲɛnin fila bɔ saraka jɛnita ye ne Masaba ye, ni sagajigi kelen, ani sankelensaga cɛman, o deen wolonwula, fiɲɛ kana sɔrɔ u si la.

Jateri 28:19

Aw ka saraka jɛnita min be jɛni pewu bɔ ne Masaba ye. O ka kɛ tura kɛɲɛnin fila ye, ni sagajigi kelen, ani sankelensaga wolonwula, fiɲɛ kana sɔrɔ u si la.

Jateri 28:31

Aw ka saraka nunu bɔ, n'u jii, k'o fara loon o loon saraka jɛnita n'a suman saraka kan. Fiɲɛ kana sɔrɔ o begɛn nunu si la.

Jateri 29:13

Aw ka tura kɛɲɛnin tan ni saba, ni sagajigi fila, ani sankelensagajigi, deen tan ni naani, bɔ saraka jɛnita ye min be jɛni pewu, fiɲɛ kana sɔrɔ u si la. O kasa ka di ne Masaba ye.

Jateri 29:2

Aw ka tura kɛɲɛnin kelen, ni sagajigi kelen, ani sankelensagajigi, deen wolonwula bɔ saraka jɛnita ye, fiɲɛ kana sɔrɔ u si la. O kasa ka di ne Masaba ye.

Luka 1:35

Mɛlɛkɛ y'a jaabi ko: «Nii Senuman bena jigi i kan, Fɛɛn bɛɛ kuntigi Ala ka sebagaya bena kɛ i kan. O kama, i bena Deen senuman min wolo, a bena wele Ala Dencɛ.

Yuhana 1:36

A ye Yezu tɛmɛtɔ ye, a y'a fɔ ko: «Ala ka Sagaden filɛ nin ye.»

Yuhana 10:7

Yezu y'a fɔ tugu ko: «Tiɲɛ tiɲɛ na, ne b'a fɔ aw ye ko sagaw be don ni daa min ye wɛɛrɛ kɔnɔ, ne lo.

Yuhana 10:9

Ne le ye donda ye. Ni mɔgɔ min donna n'o daa ye, o tigi bena kisi. A bena don, ka bɔ, k'a ka dumuni sɔrɔ.

Kor 2nan 8:12

Bari see min b'i ye, n'i y'i yɛrɛ di ka sɔnni kɛ ka kɛɲɛ n'o ye, o le ka ɲi. Ni fɛɛn t'i bolo, baasi tɛ.

Kor 2nan 9:7

Mɔgɔ kelen kelen bɛɛ ka dili kɛ a yɛrɛ sago la, u kan'a kɛ ni nisɔngoya ye, a kana kɛ jagoyako ye, bari mɔgɔ min be sɔnni kɛ ni nisɔndiya ye, o tigi koo le ka di Ala ye.

Ɛfɛsikaw 2:18

Ale sababu la, an kelen kelen bɛɛ be se ka se an Faa Ala fɛ, Nii Senuman kelen barika la.

Ɛfɛsikaw 5:27

a ka jama dafanin ka sɔrɔ a yɛrɛ ɲakɔrɔ, nɔɔ si kana ye a kan, ni kurukuruyɔrɔ ani dɛsɛyɔrɔ si kana ye a la. A b'a fɛ a ka jama ka kɛ a ɲanaman ye, jalakiyɔrɔ kana sɔrɔ a la.

Sariya 12:27

Aw k'aw ka saraka jɛnitaw bɔ Masaba aw ka Ala ye a ka sarakabɔyɔrɔ la, u sogo n'u joli bɛɛ. Aw ka sarakaw joli bɔn Masaba aw ka Ala ka sarakabɔyɔrɔ kan, nga aw be se k'o sogo ɲimi.

Sariya 15:21

«Ni fiɲɛ be begɛn dɔ la, n'a seen kelen ma ɲi, walima n'a ɲaa lo cɛnnin lo, walima ni fiɲɛ fɛɛn o fɛɛn b'a la, aw kana o kɛ saraka ye Masaba aw ka Ala ye.

Sariya 17:1

«Nɔɔ, walima fiɲɛ, be tura, walima saga min na, aw kana o kɛ saraka ye Masaba aw ka Ala ye, bari o man d'a ye fewu.

Heburuw 7:26

O sarakalasebagaw kuntigi ɲɔgɔn le be se k'an mako ɲa. A ka ɲi, jalakiyɔrɔ t'a la, a ka koo gwɛnin lo, a daan bɔnin be hakɛkɛlaw la, a kɔrɔtara fɔɔ ka taga sankolo daan na.

Heburuw 9:14

N'a be ten Krista joli ma fisa ni begɛn ta ye wa bari Nii Senuman barika la, Krista y'a yɛrɛ kɛ saraka dafanin ye ka di Ala ma. An ka kɛwaliw minw te foyi ɲa, a joli b'an dusu saniya ka bɔ o la janko ka se ka Nitigi Ala bato.