Rɔmukaw 9:1 - ALA KA KUMA

¹ Krista ka jɛnɲɔgɔnya barika la ne be min fɔ, o ye tiɲɛ ye, galon tɛ, Nii Senuman yɛrɛ b'a yira ne la ko ne be min fɔ, ko tiɲɛ lo.

Jula NT of Côte d’Ivoire

¹ Ne bɛ can le fɔra, faninya tɛ, sabu ne bɛ Kirisita* ta le ye; ne k’a lɔn ne jusukun na fana Nin Saninman* baraka ra, ko ne bɛ can le fɔra.

LAYIDUKURA

¹ Krista ka jɛnnyɔgɔnya barika la ne bɛ min fɔ, o ye tinyɛ ye, galon tɛ, Nii Senuman yɛrɛ b'a yira ne dusukun na ko ne bɛ min fɔ, ko tinyɛ lo.

Rɔmukaw 9:1 Iomraidhean Croise

Rɔmukaw 1:9

Ne be baara kɛ Ala min ye ni n dusu ye k'a Dencɛ koo fɔ, o min ye kibaru diman ye, ale ye ne seere ye ko ne be to k'aw ka koo miiri

Rɔmukaw 2:15

O b'a yira ko u ka kan ka min kɛ, u b'o lɔn. N'u be u yɛrɛ jalaki, ani ka tiɲɛ di u yɛrɛ ma, u b'a yira ten ko sariya koo b'u hakili la.

Rɔmukaw 8:16

O Nii Senuman nin b'a yira an na ko an kɛra Ala deenw ye.

Rɔmukaw 9:2

Dusukasi be ne la kosɔbɛ, ne nii tɔɔrɔnin lo tuma bɛɛ.

Kor 2nan 1:12

An ka kunkɔrɔta ye min ye: o ye an ka taamacogo ye, aw cɛma, ani yɔrɔ bɛɛ, an y'o min kɛ ni kɔnɔgwɛ ye Ala ɲasiran na. O ma kɛ adamaden ka lɔnniya sababu la, nga Ala ka nɛɛma nɔɔ lo.

Kor 2nan 1:23

Ala le ye ne seere ye ni ne be galon tigɛra. Ne tun b'a fɛ k'aw kuun bɔ koo la le, o le y'a to, ne ma segi Korɛnti tugu.

Kor 2nan 11:10

Krista ka tiɲɛ kosɔn, ne b'a fɔ ko boɲa min be ne kan, o tena bɔ ne kan Akayi mara la fewu.

Kor 2nan 11:31

Ala min ye an Matigi Yezu Faa ye, ale min tɔgɔ ka kan ka boɲa tuma bɛɛ, ale b'a lɔn ko ne te galon tigɛra.

Kor 2nan 12:19

Aw be miiri kabini tumajan, ko an be tiɲɛ le ɲinina, o tɛ wa? Ayi dɛ, ne terisɔbɛw, an b'a fɛ aw ka se ka taga ɲa le. O le y'a to Krista barika la, an b'an ka kuma fɔ Ala ɲakɔrɔ.

Galasikaw 1:20

Ne be koo minw bɛɛ fɔra aw ye, Ala b'a lɔn ko ne te galon tigɛra.

Filipikaw 1:8

Ala yɛrɛ b'a lɔn ko aw bɛɛ koo ka di ne ye i n'a fɔ aw koo ka di Yezu Krista ye cogo min na.

Tes fɔlɔ 2:5

A kɛra ten, aw b'a lɔn ko an ka kuma ma kɛ namarakuma ye fewu. An fana m'o fɔ aw ye an yɛrɛ ka tɔnɔ kosɔn. Ala yɛrɛ b'o lɔn.

Tim fɔlɔ 1:5

O ladikun ye min ye, o ye ka kanuya sɔrɔ min be bɔ dusu gwɛnin na, ni miiriɲuman na, ani jigisɔbɛ la.

Tim fɔlɔ 2:7

O le kosɔn, ne welela ka kɛ ciden ani waajulikɛla ye, ka siya wɛrɛw kalan u ka la Yezu la, ani ka tiɲɛ lɔn. Ne be tiɲɛ le fɔra, ne te galon tigɛra.

Tim fɔlɔ 5:21

Ne b'i daali Ala ni Yezu Krista ɲana, ani mɛlɛkɛw, ko i ka koo nunu bɛɛ kɛ, i kana mɔgɔ bɔ mɔgɔ la.