Rɔmukaw 8:10 - ALA KA KUMA

¹⁰ Aw farisogo bilanin be saya ye hakɛ sababu la, nga ni Krista b'aw dusu la, Nii Senuman b'a kɛ aw be balo bari Ala y'aw jati mɔgɔtilenninw ye.

Jula NT of Côte d’Ivoire

¹⁰ Ni Kirisita bɛ aw kɔnɔ, aw farikolo kɔni bɛna sa lon dɔ jurumun kosɔn; nka aw nin bɛna ɲanamanya, sabu Ala ka aw jate mɔgɔ terenninw ye.

LAYIDUKURA

¹⁰ Aw farisogo bilanin bɛ halakili kama kojugu sababu la, nga ni Krista b'aw dusu la, Nii Senuman bɛ hɛrɛ kɛ aw ye bari Ala y'aw jati mɔgɔtilenninw ye.

Rɔmukaw 8:10 Iomraidhean Croise

Sarakalasebagaw 13:40

«Ni mɔgɔ dɔ kuun wulanna, n'a kuncɛ nɛmunin lo, o tigi saniyanin be.

Yuhana 14:23

Yezu y'a jaabi ko: «Ni mɔgɔ min be ne kanu, o tigi bena ne ka kuma bato, n Faa bena o tigi kanu fana, anw bena na o tigi fɛ ka to n'a ye.

Yuhana 15:5

Ne ye ɛrɛzɛnsun ye, aw y'a bolow ye. Ni mɔgɔ min tora ne fɛ, ni ne fana be a tigi fɛ, o tigi bena se ka baara caaman kɛ. Ala ye, bari ni ne sababu tɛ, aw te se ka foyi kɛ aw yɛrɛ ma.

Yuhana 17:23

Ne ka to u fɛ, i n'a fɔ e be ne fɛ cogo min na, janko u ka se ka bɛn ka kɛ kelen ye, ani diɲɛ mɔgɔw k'a lɔn ko e ye ne ci ani ko i y'u kanu i n'a fɔ i ye ne kanu cogo min na.

Yuhana 4:14

Nga jii min be ne fɛ, ni ne y'o di mɔgɔ min ma k'a min, minnɔgɔ tena o tigi minɛ tugu fewu. Ne bena jii min d'o tigi ma, o bena kɛ jii woyota ye min bena woyo a kɔnɔ tuma bɛɛ, min be nii banbali di.»

Yuhana 6:54

Ni mɔgɔ min ye ne farisogo dumu ka ne joli min, o tigi bena nii banbali sɔrɔ, ne b'o tigi kunun labanlon na.

Yuhana 6:56

Ni mɔgɔ min ye ne farisogo dumu ka ne joli min, ne be to o tigi fɛ, o tigi fana be to ne fɛ.

Rɔmukaw 5:12

Hakɛ daminɛna mɔgɔ kelen le sababu la diɲɛ na, saya fana nana hakɛ sababu la. O cogo la fana, saya sera mɔgɔ bɛɛ ma bari bɛɛ ye hakɛ kɛ.

Rɔmukaw 5:21

Hakɛ tun ye fanga sɔrɔ mɔgɔw kan saya barika la cogo min na, o cogo la fana, tilenninya barika la, Ala ka nɛɛma be fanga sɔrɔ ka nii banbali di mɔgɔw ma an Matigi Yezu Krista barika la.

Rɔmukaw 8:11

Ala min ye Yezu Krista kunun a sanin kɔ, n'ale ka Nii b'aw la, ale kelen le bena nii don aw farisogo tolita la, a ka Nii Senuman barika la ale min b'aw la.

Kor fɔlɔ 15:45

A fɔra Ala ka kuma na ko Adama min kɛra mɔgɔ fɔlɔ ye, ale kɛra nimanfɛn ye, Adama laban fani be Nii Senuman na min be nii di.

Kor 2nan 13:5

Aw k'aw yɛrɛ sɛgɛsɛgɛ k'a filɛ yala n'aw lanin be Yezu Krista la sɔbɛ la. Walima aw t'a lɔn ko Krista be n'aw ye wa? N'o tɛ, sigasigako nin b'aw le la.

Kor 2nan 4:11

K'an to nii na, an kɔni labilanin lo saya kama tuma bɛɛ Yezu kosɔn. O la Yezu nii be yira farisogo sara la.

Kor 2nan 5:21

Krista min ma kojugu kɛ, Ala y'a kɛ a sigɛnna an ka hakɛ kosɔn waasa an ka kɛ mɔgɔtilenninw ye ale ɲakɔrɔ Krista barika la.

Galasikaw 2:20

Hali n'aw y'a ye ko ne be nii na halibi, o te ne yɛrɛ ye tugu, Krista le nii be ne la. Bari n'aw y'a ye ko ne ɲanaman lo farisogo la, o kɛra Ala Dencɛ barika la, ne ye n jigi la min kan. A ye ne kanu fɔɔ k'a yɛrɛ di ne kosɔn.

Ɛfɛsikaw 3:17

janko Krista ka koo ka se ka sigi aw kɔnɔ jigi barika la, kanuyasɔbɛ ka se ka sɔrɔ aw kɔnɔ fɔɔ ka ɲa.

Filipikaw 1:23

Ne ka miiriya be a faan fila bɛɛ la, nga min ka fisa kosɔbɛ ne fɛ, o ye ne ka bɔ nin diɲɛ na ka taga to Krista fɛ.

Filipikaw 3:9

ka jɛn n'a ye. A ma kɛ ko ne tilennin be Ala ɲakɔrɔ sariya batoli kosɔn. Nga ne tilennin be a ɲakɔrɔ bari ne ye n jigi la Krista kan. O tilenninya nin be sɔrɔ jigi barika la Ala fɛ.

Kɔlɔsikaw 1:27

A b'a fɛ ka o koo dogonin ɲumanya yira siyaw cɛma, min ye nin ye: Krista be aw cɛma, ale kɛra aw jigi ye ko aw bena nɔɔrɔ sɔrɔ sini.

Tes fɔlɔ 4:16

Ni sira dira, mɛlɛkɛ kuntigi ka pɛrɛnkan fɛ ani Ala ka buru kaan fɛ, Matigi yɛrɛ bena bɔ sankolo la ka jigi. O tuma na, mɔgɔ minw tun lara Krista la ka sɔrɔ ka sa, olu be kunun fɔlɔ.

Heburuw 12:23

Mɔgɔ fɔlɔ minw tɔgɔ sɛbɛnnin be arijana na, aw gwɛrɛla olu la, ka gwɛrɛ Ala la, adamadenw bɛɛ kitibaga. Mɔgɔtilennin minw y'u nakun dafa, aw gwɛrɛla olu la.

Heburuw 9:27

Adamadenw be sa siɲɛ kelenpe cogo min na, Ala be sɔrɔ k'u kiti,

Yirari 14:13

O kɔ, kumakan dɔ bɔra sankolo la. A ko ne ma: «A sɛbɛn ko: mɔgɔ minw be sa k'u jigi lanin to Matigi kan kabini sisan, olu dagamunin lo.» Nii Senuman ko: «U bena lafiɲɛ, bari u ye kɛwaliɲumanw kɛ.»