Rɔmukaw 7:7 - ALA KA KUMA

⁷ An ka mun le fɔ sa? O tuma na, sariya kɛra hakɛ ye wa? Ayi dɛ! Ne ye hakɛko faamu sariya le barika la. N'a tun ma fɔ sariya la ko: «I ɲaa kana bɔ i mɔgɔɲɔgɔn ka fɛɛn fɛ.» Ne tun ten'a lɔn ko n'i ɲaa bɔra i tɔɲɔgɔn ka fɛɛn dɔ fɛ, ko o ye kojugu ye.

Jula NT of Côte d’Ivoire

⁷ Ayiwa, an bɛna mun le fɔ sa? Yala o kɔrɔ ye ko sariya* le bɛ mɔgɔ bla jurumun na wa? Fiyewu! Nka sariya le k’a to ne ka ne ta jurumun lɔn. Ka ɲabɔ mɔgɔ wɛrɛ ta fɛn fɛ, ne tun tɛna o lɔn kojugu ye, ni sariya tun m’a fɔ ko: «I kana ɲabɔ mɔgɔ borofɛn fɛ.»

LAYIDUKURA

⁷ An ka mun le fɔ sa? O tuma na sariya kɛra kojugu ye wa? Ayi dɛ! Ne ye kojuguko faamu sariya le barika la. Ne tun tɛn'a lɔn ko n'i nyaa bɔra i tɔnyɔgɔn ka fɛɛn dɔ fɛ, o ye kojugu ye, n'a tun ma fɔ sariya la ko: “I nyaa kana bɔ i tɔnyɔgɔn ka fɛɛn fɛ.”

Rɔmukaw 7:7 Iomraidhean Croise

Damina 3:6

Muso y'a ye k'o yiri nin deen ka di dumu na, ko a fana filɛ ka di, ani ko a be lɔnniya di mɔgɔ ma. A ye dɔ tigɛ k'a dumu ka dɔ di a cɛɛ ma a gɛrɛfɛ, ale fana y'a dumu.

Sam 2nan 11:2

Loon dɔ wuladafɛ, Dawuda wilil'a ka layɔrɔ la, ka to ka yaalayaala a ka sanbon kan. K'a to o yɔrɔ la, a ye muso dɔ ye min tun be kora, a tun cɛɛ ka ɲi kosɔbɛ.

Zaburu 119:96

Ne ɲaa b'a la ko daan be koo bɛɛ la, nga daan te e ka fɔtaw la.

Bɔri 20:17

«Aw ɲaa kana bɔ aw mɔgɔɲɔgɔn ka soo fɛ. Aw ɲaa kana bɔ aw mɔgɔɲɔgɔn muso fɛ, walima a ka jɔncɛ, walima a ka jɔnmuso, walima a ka misi, walima a ka fali, walima a bololafɛn si fɛ.»

Mise 2:2

N'u ɲaa bɔra mɔgɔw ka forow la, u b'u bɔsi. N'u ɲaa bɔra mɔgɔw ka soo la, u b'u minɛ. U be lutigi n'a ka somɔgɔw bololafɛnw bɔsi, u b'u ka forow minɛ.

Matiyu 5:28

Ayiwa, ne b'a fɔ aw ye ko ni mɔgɔ o mɔgɔ ye muso filɛ k'a ɲaa bɔ a fɛ, o tigi ye kakalaya kɛ a dusu la n'o muso ye ka ban.

Luka 12:15

O kɔ, Yezu y'a fɔ jama ye ko: «Aw k'aw yɛrɛ kɔlɔsi nafoloko hamikojugu ma, bari hali ni nafolo ka ca mɔgɔ fɛ cogo o cogo, o te se ka kɛ a tigi nii suturanin ye.»

Luka 20:16

A bena taga o baarakɛlaw faga ka dɔ wɛrɛw ta k'u bila foro kunna.» Mɔgɔw y'o mɛn tuma min na, u ko: «Ala k'an kisi o ma.»

Kɛwalew 20:33

Ne ma n ɲaa bɔ aw si ka wari fɛ, walima sanu, walima fani.

Rɔmukaw 13:9

Sariya kuma minw b'a yira ko: «I kana kakalaya kɛ, i kana mɔgɔ faga, i kana soɲali kɛ, i ɲaa kana bɔ i tɔɲɔgɔn ka fɛɛn na,» ani o tɔɔ nunu bɛɛ be taga kɛ kuma kelen nin ye ko: «I k'i tɔɲɔgɔn kanu i n'a fɔ i yɛrɛ.»

Rɔmukaw 3:20

O le y'a to mɔgɔ si te se ka kɛ mɔgɔtilennin ye a ɲakɔrɔ sariya batoli barika la, bari an be hakɛ lɔn sariya le barika la.

Rɔmukaw 3:5

Nga ni Ala ka tilenninya be lɔn an ka tilenbaliya barika la, an bena mun le fɔ sa? O kɔrɔ ko ni Ala dimina an kɔrɔ, o ye kojugu ye wa? N be kumana adamadenw kumacogo le la.

Rɔmukaw 4:1

An bena mun le fɔ an bɛma Ibrayima ka koo la? A ye mun le sɔrɔ adamadenya barika la?

Rɔmukaw 4:15

Bari dusudimi be sɔrɔ sariya sababu la. Sariya siginin te yɔrɔ min na, sariya cɛnko fana te fɔ o yɔrɔ la.

Rɔmukaw 5:20

Sariya sigira janko kojugu ka barika sɔrɔ, nga hakɛ barika boɲana yɔrɔ min na, Ala y'a ka nɛɛma boɲa o yɔrɔ la.

Rɔmukaw 6:15

O tuma na, an ka to ka hakɛ kɛ bari an te sariya kɔrɔ tugu fɔɔ nɛɛma wa? Ayi dɛ!

Rɔmukaw 7:11

Bari hakɛ ye sira sɔrɔ sariya barika la k'a kɛ ne filila ka sa.

Rɔmukaw 7:13

O tuma na, fɛɛn min ka ɲi, ale lo kɛra ne fagafɛn ye wa? Ayi dɛ! Nga hakɛ lo, fɛɛn min ka ɲi, hakɛ ye cogo ɲini o le sababu la ka ne faga, janko a ka se k'a yɛrɛ yira k'a gwɛ kosɔbɛ ko ale ka fari sariya barika la.

Rɔmukaw 7:5

An fana, tuma min na nigɛjugu tun ye see sɔrɔ an kan, kojugu nigɛ tun b'an minɛ sariya barika la. An ye baarajugu kɛ o min be laban ni saya ye.

Rɔmukaw 7:8

A kɛra ten, hakɛ ye sira sɔrɔ ka banba ka nigɛjugu sifa bɛɛ don ne dusu la sariya barika la. Bari ni sariya siginin te yen, hakɛ fana te yen.

Kor fɔlɔ 15:56

Saya ka fariyayɔrɔ ye hakɛ ye, hakɛ ka fanga sɔrɔyɔrɔ ye sariya ye fana.

Ɛfɛsikaw 5:3

Kakalaya, walima mɔgɔkolonya, ani wasabaliya, o koo si kana mɛn aw cɛma, bari Ala ka mɔgɔw man kan k'o kɛ.

Sariya 5:21

Aw kana aw ɲaa bɔ aw mɔgɔɲɔgɔn ka muso fɛ, walima a ka boon, n'a ka forow, n'a ka baaraden cɛman, walima musoman, walima a ka tura, walima a ka fali, walima a ka fɛɛn dɔ fɛ.›

Kɔlɔsikaw 3:5

Koo minw ye dugukolo kan koow ye, aw ka olu bɛɛ dabila, i n'a fɔ kakalaya, ni mɔgɔkolonya, ani miirijugu, ni kojugu nigɛ, ani wasabaliya, min ni josɔn bɛɛ ye kelen ye.

Tes fɔlɔ 4:5

Aw kana aw yɛrɛ to nigɛjugu bolo i n'a fɔ Alalɔnbaliw b'a kɛ cogo min na.

Heburuw 7:19

Sariya ma se k'an dɛmɛ ka kɛ mɔgɔdafaninw ye, nga sisan, an jigi be fɛɛn min kan, o ka fisa, o sababu la an be se ka gwɛrɛ Ala la.

Yosuwe 7:21

Ne tun ye Babilɔni jamana forocaɲuman dɔ ye dugu mɔgɔ nunu ka minanw kɔnɔ, ani warigwɛ kuru kɛmɛ fila, ani sanukuru min ka gwiliya tɛmɛna kilo tilan kelen kan. Olu nigɛ tun ye ne minɛ, o la ne y'u ta ka taga dugukolo sogi n ka siyɔrɔ la k'u dogo yen, warigwɛ nin be fɔɔ jukɔrɔ.»