Rɔmukaw 7:5 - ALA KA KUMA

⁵ An fana, tuma min na nigɛjugu tun ye see sɔrɔ an kan, kojugu nigɛ tun b'an minɛ sariya barika la. An ye baarajugu kɛ o min be laban ni saya ye.

Jula NT of Côte d’Ivoire

⁵ Can lo, an tun bɛ tagama ka kaɲa ni an yɛrɛ sago ye tuma min na, sariya tun bɛ ko dɔw yira an na k’a fɔ an ye ko kojugu lo; o bɛɛ n’a ta, an belen tun b’a fɛ ka o kow kɛ. O negejugu tun bɛ an kɔnɔnɔsu ka an bla saya sira kan.

LAYIDUKURA

⁵ An fana, tuma min na nigɛjugu tun ye see sɔrɔ an kan, kojugu nigɛ tun b'an minɛ k'an tɔɔrɔ sariya barika la, janko an ka baarajugu kɛ o min bɛ laban ni halakili ye.

Rɔmukaw 7:5 Iomraidhean Croise

Matiyu 15:19

Bari miiriyajuguw be bɔ mɔgɔ dusu le la, ani mɔgɔfaga, ni ɲamɔgɔya, kakalaya, soɲali, galontigɛ, ani nɛnili.

Yuhana 3:6

Mɔgɔ min wolola adamaden barika la, o tigi ye adamaden ye. Mɔgɔ min wolola Nii Senuman barika la, o tigi ye Ala deen ye.

Rɔmukaw 1:26

O le y'a to, Ala y'u to yen nigɛjuguw la min ye malobaliyako ye. U ka musow te cɛko kɛ n'a ɲaa ye tugu. Olu yɛrɛ be la ni ɲɔgɔn ye.

Rɔmukaw 3:20

O le y'a to mɔgɔ si te se ka kɛ mɔgɔtilennin ye a ɲakɔrɔ sariya batoli barika la, bari an be hakɛ lɔn sariya le barika la.

Rɔmukaw 4:15

Bari dusudimi be sɔrɔ sariya sababu la. Sariya siginin te yɔrɔ min na, sariya cɛnko fana te fɔ o yɔrɔ la.

Rɔmukaw 5:20

Sariya sigira janko kojugu ka barika sɔrɔ, nga hakɛ barika boɲana yɔrɔ min na, Ala y'a ka nɛɛma boɲa o yɔrɔ la.

Rɔmukaw 6:13

Aw kana aw farikolo yɔrɔ si kɛ kojugukɛfɛn ye ka to hakɛ la. Nga aw k'aw yɛrɛ di Ala ma. Aw ka kɛ i n'a fɔ mɔgɔ min sara ka kunun, k'aw farikolo yɔrɔ bɛɛ kɛ koɲumankɛ ta ye.

Rɔmukaw 6:19

Ne be kuma adamaden ka kuma cogo la, bari aw barika ka dɔgɔ. Aw tun y'aw yɛrɛ kɛ konɔgɔninw ni koferekeninw ka jɔɔnw ye, ka muruti Ala ma. Sisan aw ka kɛ tilenninya ka jɔɔnw ye, ka kɛ Ala ta ye pepewu.

Rɔmukaw 6:21

Aw ye mun le sɔrɔ o koow la, ni maloya tɛ bii nin na? Bari u laban ye halakili ye.

Rɔmukaw 6:23

Bari hakɛ sara ye halakili ye, nga Ala ka nilifɛn ye nii banbali ye an Matigi Yezu Krista barika la.

Rɔmukaw 7:23

Nga n y'a ye, koo min ka di ne ye ni ne b'a fɛ k'o kɛ, fɛɛn dɔ be ne bali k'o kɛ. Ale lo b'a kɛ hakɛ be fanga sɔrɔ ne kan.

Kor fɔlɔ 15:56

Saya ka fariyayɔrɔ ye hakɛ ye, hakɛ ka fanga sɔrɔyɔrɔ ye sariya ye fana.

Kor 2nan 10:3

Hali k'an t'o adamadenya la, an te kɛlɛ kɛ adamaden cogo la.

Galasikaw 3:10

Mɔgɔ minw jigi be sariya kan, olu bɛɛ danganin lo. Bari a fɔra Ala ka kuma na ko: «Mɔgɔ minw te sariya bɛɛ bato, olu bɛɛ danganin lo.»

Galasikaw 5:24

Mɔgɔ minw ye Krista ta ye, olu ye farisogo n'a diyanako bɛɛ gwengwen lɔgɔ kan.

Ɛfɛsikaw 2:11

Aw tun be cogo min na fɔlɔ la, aw k'aw hakili jigi n'o ye. Aw te zuwifuw ye. Zuwifuw b'aw wele ko kɛnɛkɛnɛbaliw, k'u yɛrɛ wele ko kɛnɛkɛnɛninw, k'a sɔrɔ u ka kɛnɛkɛnɛko kɛra adamaden bulonɔ ye.

Ɛfɛsikaw 2:3

An fana, an bɛɛ tun kɛra i ko olu, an tun b'an ta farisogo nigɛlakow fɛ, k'a sago kɛ, ani k'an yɛrɛ ka miiriya kɛ. Ka kɛɲɛ n'an cogo ye, Ala tun be dimi an kɔrɔ i n'a fɔ tɔw fana.

Kɔlɔsikaw 3:5

Koo minw ye dugukolo kan koow ye, aw ka olu bɛɛ dabila, i n'a fɔ kakalaya, ni mɔgɔkolonya, ani miirijugu, ni kojugu nigɛ, ani wasabaliya, min ni josɔn bɛɛ ye kelen ye.

Tite 3:3

Bari fɔlɔfɔlɔ, an fana tun ye hakilitanw ye, mɔgɔmurutininw, an tun filila, nigɛjugu sifa bɛɛ, tun y'an kɛ jɔɔn ye, an tun be juguya, ni sɔnjuguya la. An koo fana tun man di ɲɔgɔn ye.

Yakuba 1:15

Ayiwa, ni kojugu nigɛ jiidira mɔgɔ kɔnɔ, a be na ni hakɛ ye. Ni hakɛ ye fanga sɔrɔ a kan, a be na ni saya ye.

Yakuba 4:1

Kɛlɛ ni sɔsɔli minw be wili aw cɛma wo, olu be bɔ min le? O be bɔ nigɛjuguw la minw b'aw ɲɔtiɲɔtira.

Zan fɔlɔ 3:4

Mɔgɔ o mɔgɔ be hakɛ kɛ, o tigi te Ala ka sariya bato, bari sariya batobaliya, o le ye hakɛ ye.