Rɔmukaw 7:4 - ALA KA KUMA

⁴ N balimaw, aw fana be ten, aw y'aw yɛrɛ sɔrɔ ka bɔ sariya kɔrɔ bari aw ye Krista farisogo yɔrɔ dɔw ye. Aw kɛra a ta ye sisan, ale min kununna, janko an ka baara sabatinin kɛ Ala ye.

Jula NT of Côte d’Ivoire

⁴ Ayiwa, ne balemaw, aw fana ta bɛ ten le. A bɛ i n’a fɔ aw sara sariya ta fan fɛ, Kirisita* ta saya kosɔn; aw kɛra a ta ye, janko Ala min k’a lakunu ka bɔ saya ra, aw ye kɛwaleɲumanw kɛ o ye.

LAYIDUKURA

⁴ N balimaw, aw fana bɛ ten. Krista ka saya barika la, aw y'aw yɛrɛ sɔrɔ ka bɔ sariya kɔrɔ ka kɛ a ta ye sisan, ale min kununna, janko an ka baara sabatinin kɛ Ala ye.

Rɔmukaw 7:4 Iomraidhean Croise

Ezayi 54:5

Bari i Danbaga ye i ka cɛɛ le ye. Masaba, Setigi, o le y'a tɔgɔ ye. Isirayɛli ka Ala le ye i kunmabɔbaga ye. U b'a wele ko dugukolo bɛɛ tigi Ala.

Ezayi 62:5

Kanbelen be sunguru furu cogo min na, i kɔnɔ mɔgɔw bena i furu ten. Maminɛcɛ be nisɔndiya a ka maminɛmuso kosɔn cogo min na, i ka Ala bena nisɔndiya i kosɔn ten.

Matiyu 26:26

Ka Yezu n'a ka kalandenw to dumuni na, a ye buru ta ka barika la Ala ye. O kɔ, a y'a karikari k'a di a ka kalandenw ma, k'a fɔ u ye ko: «Aw k'a minɛ k'a dumu, nin ye ne fari ye.»

Marika 4:20

Mɔgɔ dɔw fana bɔnin be dugukoloɲuman fɛ. Ni olu y'o kuma mɛn, u be sɔn a ma. U be deen kɛ Ala ye. Dɔw b'u ɲɔgɔn bi saba kɛ, dɔw bi wɔɔrɔ, dɔw kɛmɛ.»

Yuhana 15:8

Ni aw ye baara caaman kɛ, o le ben'a to n Faa be boɲa sɔrɔ, ani aw fana be kɛ ne ka kalandenw ye.

Yuhana 3:29

Kɔnyɔmuso ye kɔɲɔcɛ ta le ye. Nga kɔɲɔcɛ tericɛ be lɔ gɛrɛfɛ, ka to ka mɛnni kɛ a fɛ. A nisɔn be diya bari a be mɛnni kɛra kɔɲɔcɛ fɛ. O nisɔndiya ɲɔgɔn le be n na. N nisɔn ka di kosɔbɛ.

Yuhana 6:51

«Dumuni ɲanaman min bɔra sankolo la, ne lo. Ni min y'o dumu, o tigi be to nii na tuma bɛɛ. Ne bena dumuni min di, o ye ne fari yɛrɛ le ye. Ne be n yɛrɛ di waasa diɲɛ ka se ka nii banbali sɔrɔ.»

Rɔmukaw 6:11

O cogo la, aw fana k'aw yɛrɛ jati i n'a fɔ suu, hakɛ ta faan fɛ, ka kɛ mɔgɔ ɲanaman ye Ala ta faan fɛ Yezu Krista barika la.

Rɔmukaw 6:14

Hakɛ tena see sɔrɔ aw kan tugu. Bari aw te sariya kɔrɔ tugu, nga aw be nɛɛma le kɔrɔ.

Rɔmukaw 6:2

Ayi dɛ! An minw kɛra i n'a fɔ suu, hakɛ ta faan fɛ, an be se ka to hakɛ la cogo di?

Rɔmukaw 6:22

Nga sisan aw y'aw yɛrɛ sɔrɔ ka bɔ hakɛ bolo ka kɛ Ala ka jɔɔnw ye. Aw be fɛɛn min sɔrɔ o la, o ye dusu saniyako ye min laban ye nii banbali ye.

Rɔmukaw 7:3

N'a cɛɛ be nii na n'a tagara furu cɛɛ wɛrɛ fɛ, u ben'a wele ko kakalamuso. Nga n'a cɛɛ sara a ka sɔrɔ ka taga furu, o sariya nin t'a kan tugu, a fana ma kakalaya kɛ.

Rɔmukaw 7:6

Nga fɛɛn min tun y'an kɛ jɔɔn ye, an hɔrɔnyara ka bɔ ale bolo. Sisan, an be se ka baara kɛ Ala ye cogokura la Nii Senuman barika la, o te kɛ cogokɔrɔ la tugu, min fɔra sariya la.

Rɔmukaw 8:2

Bari Nii Senuman min be hɛrɛ di Yezu Krista ka jɛnɲɔgɔnya barika la, ale ka see kɛra sababu ye ka ne hɔrɔnya ka bɔ hakɛko ni saya la.

Kor fɔlɔ 10:16

An be barika la Ala ye filen dubaman min kosɔn, ka sɔrɔ k'a min, ale t'an jɛn ni Krista ye a joli bɔnko la wa? An be buru min tilantilan, o fana t'an jɛn ni Krista farisogo ye wa?

Kor 2nan 11:2

Ne be keliya aw kosɔn, o keliya nin bɔra Ala fɛ, bari aw kɛra i n'a fɔ sungurusɔbɛ, ne ye min maminɛ cɛɛ kelen ye, o ye Krista ye.

Galasikaw 3:13

A fɔra Ala ka kuma na ko ni mɔgɔ o mɔgɔ dulonna yiri la, k'o tigi ye dangaden ye. Krista yɛrɛ sɔnna ka kɛ dangaden ye an kosɔn, waasa k'an kisi sariya ka danga ma.

Galasikaw 5:18

Ni Nii Senuman le be baara kɛ i kɔnɔ, e te kɛ sariya bolo tugu.

Ɛfɛsikaw 2:15

A y'a kɛ sariya n'a ka ladiliw bɔra seen kan. A kɛra ten, a y'a latigɛ ka zuwifuw ni siya wɛrɛw jɛn k'u kɛ kelen ye a ka jɛnɲɔgɔnya barika la, ka hɛrɛ don u ni ɲɔgɔn cɛ,

Filipikaw 1:11

ani janko aw ka kɛwaliɲuman kɛ sɛbɛ la, min see be sɔrɔ Krista barika la, waasa boɲa ni tanuli ka kɛ Ala ye.

Filipikaw 4:17

A ma kɛ ko ne be dɛmɛli le ɲinina dɛ, ne b'a fɛ dɔ le ka fara aw ka kɛwaliɲuman sara kan.

Kɔlɔsikaw 1:10

O la, aw taamacogo ka se ka bɛn ni Matigi sago ye, ani aw koo ka diya a ye tuma bɛɛ, aw ka se ka baaraɲuman sifa bɛɛ kɛ, ani ka Ala lɔn kosɔbɛ.

Kɔlɔsikaw 1:22

sisan Ala bɛnna n'aw ye a Dencɛ ka saya barika la, waasa aw saniyanin, n'aw jalakibali ka se ka lɔ a ɲakɔrɔ.

Kɔlɔsikaw 1:6

O le sera diɲɛ yɔrɔ bɛɛ la, n'a be baara kɛra yen kosɔbɛ, i n'a fɔ a b'a kɛra aw fɛ cogo min na. Kabin'a sera aw fɛ, aw sɔnn'a ma, o le y'aw dɛmɛ ka Ala ka nɛɛma lɔn sɔbɛ la.

Kɔlɔsikaw 2:14

Sariya min tun sigira an kama n'a be jalaki ben an kan, a y'o ta ka bɔ yen. A y'o ban a ka saya barika la lɔgɔ kan.

Kɔlɔsikaw 2:20

N'aw sara ni Krista ye ɲɔgɔn fɛ ka faran diɲɛ setigiw ka koow la, olu minw be diɲɛ kunna, mun na aw be sɔn k'u ka landaw bato tugu i n'a fɔ aw ye diɲɛ ta ye?

Heburuw 10:10

A ye Ala sago kɛ k'a yɛrɛ saraka siɲɛ kelenpe minkɛ, min ɲɔgɔn tena kɛ tugu, anw saniyara o le barika la.

Piy fɔlɔ 2:24

A y'an ka hakɛw bɛɛ ta a yɛrɛ kunna lɔgɔ kan, waasa anw kana kɛ hakɛw ka bila la tugu, an ka taamacogokura ta min tilennin lo. Bari aw kɛnɛyara a ka jolidaw sababu la.

Yirari 19:7

An ka nisɔndiya, ka ɲanagwɛ! An ka barika la a ye bari Sagaden ka kɔɲɔya sera. A ka kɔɲɔmuso labɛnna,

Yirari 21:9

O tuma na, mɛlɛkɛ wolonwula minw tun be ni tɔɔrɔ sifa wolonwula nunu ye u bolo dagaw kɔnɔ, o kelen nan'a fɔ ne ye ko: «Na yan n be Sagaden ka maminɛmuso yira i la, a ka muso.»