Rɔmukaw 5:8 - ALA KA KUMA

⁸ Nga Ala y'a yira an na ko a b'an kanu. K'an to an ka hakɛ la, Krista sara an kosɔn.

Jula NT of Côte d’Ivoire

⁸ Nka Ala bɛ an kanu cogo min na, a ka o yira nin le fɛ: ka an to jurumun na, Kirisita sara an kosɔn.

LAYIDUKURA

⁸ Nga Ala y'a yira an na ko a b'an kanu, o le y'a to k'an to an ka kojugu la, Krista sara an kɔsɔn.

Rɔmukaw 5:8 Iomraidhean Croise

Ezayi 53:6

Anw bɛɛ tun be yaalala an kunfɛ i ko sagaw, an kelen kelen bɛɛ tun be n'an ka sira ye. Nga Masaba ye anw bɛɛ ka juguya sara la a kunna.

Yuhana 15:13

K'i yɛrɛ nii di i teriw kosɔn, kanuya wɛrɛ te yen min ka fisa n'o ye.

Yuhana 3:16

Ala ye diɲɛ kanu haali, fɔɔ a y'a Deen kelenpe ci mɔgɔw ma, waasa ni mɔgɔ min y'a jigi la a kan, o tigi kana halaki, nga o ka nii banbali sɔrɔ.

Rɔmukaw 3:5

Nga ni Ala ka tilenninya be lɔn an ka tilenbaliya barika la, an bena mun le fɔ sa? O kɔrɔ ko ni Ala dimina an kɔrɔ, o ye kojugu ye wa? N be kumana adamadenw kumacogo le la.

Rɔmukaw 4:25

Yezu fagara an ka hakɛw kosɔn, nga a kununna janko k'an kɛ mɔgɔtilenninw ye.

Rɔmukaw 5:20

Sariya sigira janko kojugu ka barika sɔrɔ, nga hakɛ barika boɲana yɔrɔ min na, Ala y'a ka nɛɛma boɲa o yɔrɔ la.

Rɔmukaw 5:6

Tiɲɛ na, tuma min na barika tun te an na, Krista sara mɔgɔjuguw kosɔn o waati latigɛnin na.

Rɔmukaw 5:7

A ka gwɛlɛ mɔgɔ dɔ ka sɔrɔ min be sɔn ka sa mɔgɔtilennin kosɔn, nga n'a sɔrɔ dɔ be sɔn ka sa mɔgɔɲuman dɔ kosɔn.

Rɔmukaw 8:32

Ale min ma ban k'a yɛrɛ Dencɛ di ka sa an bɛɛ kosɔn, a be kɛ cogo di n'a tena fɛɛn bɛɛ di an ma ka fara a Dencɛ kan?

Rɔmukaw 8:39

hali fangatigi minw be sanfɛ, walima minw be dugukolo jukɔrɔ, walima danfɛn wɛrɛw, fɛɛn si te yen min be se k'an faran ka bɔ Ala ka kanuya la min yirala an Matigi Yezu Krista sababu la.

Galasikaw 2:20

Hali n'aw y'a ye ko ne be nii na halibi, o te ne yɛrɛ ye tugu, Krista le nii be ne la. Bari n'aw y'a ye ko ne ɲanaman lo farisogo la, o kɛra Ala Dencɛ barika la, ne ye n jigi la min kan. A ye ne kanu fɔɔ k'a yɛrɛ di ne kosɔn.

Ɛfɛsikaw 2:7

O le y'a to, a tun y'a latigɛ k'a ka nɛɛma dafanin kɛ waati nataw la an faan fɛ, min ɲɔgɔn tɛ, a ka ɲumanya kosɔn Yezu Krista barika la.

Ɛfɛsikaw 5:2

Aw ka koo bɛɛ kɛ ni kanuya ye, i n'a fɔ Krista, ale min y'an kanu k'a yɛrɛ di ka kɛ saraka ye an kosɔn min diyara Ala ye i n'a fɔ wusulan.

Tim fɔlɔ 1:16

Ne min tun ka jugu u bɛɛ cɛma, ni Ala hinɛna ne la, a b'a fɛ Yezu Krista k'a ka ɲumanya le yira k'o kɛ taamasiɲɛ ye mɔgɔw fɛ, olu minw bena la ale la ka nii banbali sɔrɔ.

Heburuw 8:3

Sarakalasebagaw kuntigibaw bɛɛ sigira ka sɔnnifɛn ni sarakaw di Ala ma. O la, fɔɔ Yezu fana ka dɔ sɔrɔ k'o di Ala ma.

Piy fɔlɔ 3:18

Krista sara adamadenw ka hakɛw kosɔn siɲɛ kelenpe, a banna. Ale mɔgɔtilennin sara mɔgɔ tilenbaliw kosɔn, waasa k'aw kɛ Ala taw ye. U y'a faga kɔni, nga a kununna Nii Senuman barika la.

Zan fɔlɔ 3:16

Yezu Krista y'a nii saraka anw kosɔn. An be kanuya lɔn o le fɛ. An fana ka kan k'an nii saraka an mɔgɔɲɔgɔn kosɔn.