Rɔmukaw 5:2 - ALA KA KUMA

² Ale Yezu barika la fana, an ye niyɔrɔ sɔrɔ nɛɛma nin na an jigi sababu la. An be nisɔndiya Ala ka nɔɔrɔ koo la, bari an jigi b'a la ko an bena o ɲɔgɔn sɔrɔ.

Jula NT of Côte d’Ivoire

² Ale Kirisita* le sababu ra Ala ka o nɛɛma kɛ an ye; an lanin lo a ra, an bɛ an jigi la a kan ka ɲagari, sabu an jigi b’a kan ko lon dɔ an bɛna Ala ta nɔɔrɔ sɔrɔ.

LAYIDUKURA

² Ale Yezu barika la fana an ye niyɔrɔ sɔrɔ o nɛɛma nin na an ka jigi sababu la. An bɛ o min na, k'an yɛrɛ bonya Ala ka nɔɔrɔ koo la, bari an bɛna o nyɔgɔn sɔrɔ.

Rɔmukaw 5:2 Iomraidhean Croise

Zaburu 17:15

Ne kɔni, tilenninya kosɔn, ne bena i ye. Ne kununtɔ, e yeli dɔrɔn bena ne nisɔndiya kosɔbɛ.

Zaburu 73:24

E be ne mara ka kɛɲɛ n'i ka kolatigɛnin ye, o kɔ, i ben'a kɛ ne be don i ka nɔɔrɔ yɔrɔ la.

Zanaw 14:32

Mɔgɔjugu ka kojugu le b'a ben. Mɔgɔtilennin jigi siginin lo, hali a satuma.

Habakuki 3:18

ne kɔni bena nisɔndiya Masaba kosɔn. Ne bena ɲanagwɛ ne kisibaga Ala kosɔn.

Matiyu 25:21

A kuntigi y'a fɔ a ye ko: ‹O ɲana, i ye baaradenɲuman ani mɔgɔsɔbɛ ye. I kɛra mɔgɔsɔbɛ ye kofitini nin na, o la, ne bena koo caaman kalifa i ma. Na, an ka nisɔndiya ɲɔgɔn fɛ.›

Yuhana 10:7

Yezu y'a fɔ tugu ko: «Tiɲɛ tiɲɛ na, ne b'a fɔ aw ye ko sagaw be don ni daa min ye wɛɛrɛ kɔnɔ, ne lo.

Yuhana 10:9

Ne le ye donda ye. Ni mɔgɔ min donna n'o daa ye, o tigi bena kisi. A bena don, ka bɔ, k'a ka dumuni sɔrɔ.

Yuhana 14:6

Yezu y'a jaabi ko: «Ne le ye sira, ni tiɲɛ, ani nii dibaga ye. Mɔgɔ si te se n Faa fɛ ni ne sababu tɛ.

Yuhana 5:24

Tiɲɛ tiɲɛ na, ne b'a fɔ aw ye ko ni mɔgɔ min ye n ka kuma lamɛn ka la n cibaga la, o tigi ye nii banbali sɔrɔ. A tena kiti, a niin bɔra saya la ka don hɛrɛ la ka ban.

Kɛwalew 14:27

U sera yen tuma min na, u ye Krista ka jama lajɛn. Ala y'u dɛmɛ ka koo min bɛɛ kɛ, a ye sira di siya wɛrɛw ma cogo min na u ka la Matigi la, u y'o bɛɛ ɲafɔ u ye.

Rɔmukaw 11:20

O ye tiɲɛ ye, olu tigɛra u ka lanabaliya le kama, aw nɔrɔla lanaya le barika la. O la, aw kana aw yɛrɛ boɲa, aw ka siran le.

Rɔmukaw 12:12

Jigi min b'aw la, aw ka nisɔndiya o kosɔn, tɔɔrɔ tuma, aw ka muɲu, aw ye jija ka Ala daali.

Rɔmukaw 14:4

E min be mɔgɔ wɛrɛ ka baaraden jalaki, e ye jɔn ye? A ye baaraɲuman kɛ wo, a m'a kɛ wo, o t'i ka sira la, o ye a tigi ka koo ye. A do bena baaraɲuman kɛ, bari see be Matigi ye k'o kɛ.

Rɔmukaw 15:13

Ala min be mɔgɔ jigi tugu, ale k'a kɛ aw be nisɔndiya kosɔbɛ, ka hɛrɛ kɛ aw ye aw ka lanaya kosɔn, janko aw ka jigisɔbɛ sɔrɔ Nii Senuman barika la.

Rɔmukaw 2:7

Mɔgɔ minw jijanin lo ka baaraɲuman kɛ n'u be boɲa, ni kunkɔrɔta ani nii banbali le ɲinina, a bena nii banbali di olu ma.

Rɔmukaw 3:23

Bari mɔgɔ bɛɛ ye hakɛ kɛ, u yɔrɔ jaɲana Ala ka nɔɔrɔ la.

Rɔmukaw 5:5

Jigi do te taga ka mɔgɔ to bololakolon, bari Ala y'an kanu cogo min na, o b'an dusu la Nii Senuman barika la, a y'ale min d'an ma.

Rɔmukaw 8:1

Sisan kɔni, mɔgɔ minw be ni Yezu Krista ye, jalakiyɔrɔ si te olu la.

Rɔmukaw 8:24

Bari an kisira, nga o ye jigiko ye. N'an ɲaa lara fɛɛn kan ka sɔrɔ k'an jigi la o kan, o te jigi ye. E ɲaa be fɛɛn na ka ban, e ben'a fɔ k'o ye jigiko ye cogo di?

Kor fɔlɔ 15:1

N balimaw, sisan ne b'a fɛ k'aw hakili jigi kibaru diman la, ne ye min fɔ aw ye, aw sɔnna min ma k'aw jigi bɛɛ la a kan.

Kor 2nan 3:18

An minw ka fani bɔra, an be Matigi ka nɔɔrɔ yira. O la, an be yɛlɛma ka kɛ i n'a fɔ ale, ka nɔɔrɔ sɔrɔ kosɔbɛ min be to ka boɲa tuma bɛɛ Matigi barika la, min ye Nii Senuman ye.

Kor 2nan 4:17

Waati dɔɔni tɔɔrɔ minw b'an sɔrɔ, o te foyi ye. An bena boɲa min sɔrɔ o tɔɔrɔ nin kosɔn, o ka bon haali.

Ɛfɛsikaw 2:18

Ale sababu la, an kelen kelen bɛɛ be se ka se an Faa Ala fɛ, Nii Senuman kelen barika la.

Ɛfɛsikaw 3:12

N'an lara ale la ka jɛn n'a ye, sira dinin b'an ma ka gwɛrɛ Ala la ni jigi ye.

Ɛfɛsikaw 6:13

O la, aw ka Ala ka kɛlɛkɛminanw bɛɛ ta waasa ni lonjugu sera, aw ka se ka lɔ kelen kan fɔɔ ka se a laban ma.

Tes 2nan 2:16

An Matigi Yezu Krista yɛrɛ, n'an Faa Ala, min y'an kanu n'a b'an jaa gwɛlɛya tuma bɛɛ, ani ka jigiɲuman d'an ma, a ka nɛɛma kosɔn,

Heburuw 3:6

An y'an jigi la fɛɛn min kan, n'an y'an jaa gwɛlɛya ka la o la kosɔbɛ, anw be kɛ a ka somɔgɔw ye.

Heburuw 6:18

O kobaba fila nunu na, Ala te se ka galon tigɛ an ye cogo si la. O kama, an minw jigi b'o kan, o ka kan ka barika don an na kosɔbɛ k'o koo minɛ ka ɲa.

Piy fɔlɔ 3:18

Krista sara adamadenw ka hakɛw kosɔn siɲɛ kelenpe, a banna. Ale mɔgɔtilennin sara mɔgɔ tilenbaliw kosɔn, waasa k'aw kɛ Ala taw ye. U y'a faga kɔni, nga a kununna Nii Senuman barika la.

Yirari 21:11

Ala ka nɔɔrɔ tun b'a kan. A tun be manamana kosɔbɛ.

Yirari 21:23

Dugu nin mako te tile ni kalo yeelen na, bari Ala ka nɔɔrɔ y'a yeelen ye, Sagaden y'a fitinɛ ye.

Yirari 21:3

O waati yɛrɛ la, ne ye kumakanba dɔ mɛn ka bɔ masasigilan yɔrɔ la ko: «Ala sigiyɔrɔ filɛ nin ye adamadenw cɛma. A bena to u cɛma, u bena kɛ a ka mɔgɔw ye, ale bena kɛ u ka Ala ye.

Yirari 3:21

Ni min ye see sɔrɔ, o tigi bena sigi ni ne ye n ka masaya la, i n'a fɔ ne ye see sɔrɔ ka sigi ni n Faa ye a ka masaya la cogo min na.