Rɔmukaw 4:6 - ALA KA KUMA

⁶ Ala be mɔgɔ min jati mɔgɔtilennin ye n'a ma o tigi ka kɛwali jati, masacɛ Dawuda b'o tigi ka dagamuko fɔ ko:

Jula NT of Côte d’Ivoire

⁶ Ala bɛ mɔgɔ min jate mɔgɔ terennin ye, ni a ma kɛwale kɛ, Dawuda bɛ o tigi ta hɛra le lakari, k’a fɔ ko:

LAYIDUKURA

⁶ Ala bɛ mɔgɔ min jati mɔgɔtilennin ye n'a ma o tigi ka kɛwali jati, masacɛ Dawuda b'o tigi ka dagamuko fɔ ko:

Rɔmukaw 4:6 Iomraidhean Croise

Zaburu 112:1

Masaba ka tanu. Mɔgɔ min be siran Masaba ɲa, k'a ka ɲinitaw bato ni nisɔndiya ye, o tigi dagamunin lo.

Ezayi 54:17

Kɛlɛkɛminan fɛɛn o fɛɛn dilanna i kama, o si tena foyi ɲa. Daa o daa man'a fɔ ko a b'i jalaki kititigɛyɔrɔ la, i ben'a ka kuma kɔɔ kari. O le bena kɛ ne Masaba ka baarakɛlaw niyɔrɔ ye. Ne bena u kɛ sesɔrɔbagaw ye.» Masaba le ko ten!

Yeremi 22:6

Bari Masaba b'a fɔra Zuda mara masacɛ ka boon kosɔn ko: «I ka ɲi ne ɲana i ko Galaadi mara, ani Liban jamana kuluyɔrɔ. O bɛɛ n'a ta, ne bena i kɛ i ko kongokolon, i bena kɛ i ko dugu, mɔgɔ te min kɔnɔ.

Yeremi 33:16

O waati la, Zuda mara mɔgɔw bena kisi, Zeruzalɛmu be to hakilisigi la. Dugu nin tɔgɔ bena wele ko: ‹An ka koɲanabɔbaga ye Masaba lo ye.› » Masaba le ko ten.

Daniyɛli 9:24

«Saan bi wolonwula sigiyɔrɔman wolonwula latigɛra i ka siya, ni dugu senuman kosɔn, a be min kɔnɔ, janko juguya ka ban, hakɛ ka dabila. Fili minw kɛra, olu ka lalaga, tilenninya ka kɛ tuma bɛɛ koo ye, janko koo min yera yelifɛnw na, o ka kɛ, ani min fɔra kirayakuma na, ani Alabatoso ka sɔrɔ ka kalifa Ala ma tugu.

Matiyu 25:19

Baaraden nunu kuntigi mɛnna kosɔbɛ, o kɔ, a nana k'u wele waasa u ka na n'a ka nafolo ye a k'a jati.

Rɔmukaw 1:17

Kibaru diman le b'a yira ko Ala be mɔgɔ jati mɔgɔtilennin ye a jigi kosɔn, a be to o tilenninya la jigi barika la, i ko a fɔra cogo min na Ala ka kuma na ko: «Mɔgɔtilennin bena kisi lanaya barika la.»

Rɔmukaw 3:27

Adamaden ka yɛrɛboɲayɔrɔ be yen tugu wa? Ayi, a te yen. Mun le ye o kɛ? A ka sariya batoli wa? Ayi, a ka lanaya kosɔn lo.

Rɔmukaw 4:11

O kɔ, kɛnɛkɛnɛko nana d'a ma ka kɛ taamasiɲɛ ye, k'a yira ko a lara Ala la minkɛ, Ala y'a jati mɔgɔtilennin ye o kosɔn k'a to a ka kɛnɛkɛnɛbaliya la. O cogo la fana, kɛnɛkɛnɛbali minw bɛɛ lara Ala la ni olu fana jatira mɔgɔtilenninw ye Ala fɛ, Ibrayima kɛra u bɛɛ faa ye.

Rɔmukaw 4:24

Nga an fana niin b'o la, Ala bena an minw jati mɔgɔtilenninw ye bari an lara Ala la ale min y'an Matigi Yezu kunun a sanin kɔ.

Rɔmukaw 4:5

Nga mɔgɔ min ma kɛwaliɲuman kɛ, k'a sɔrɔ a y'a jigi la Ala kan, ale min be sɔn ka mɔgɔjugu jati mɔgɔtilennin ye, a bena o tigi jati mɔgɔtilennin ye a ka lanaya kosɔn.

Rɔmukaw 4:7

«Mɔgɔ minw ka filiw yafara, n'u ka hakɛw t'u kan tugu, olu dagamunin lo.

Rɔmukaw 4:9

Dagamu min koo fɔra, ale te dan zuwifuw dama ma, siya wɛrɛw fana niin b'a la. An y'a fɔ ka ban ko Ibrayima lara Ala la, o la, a jatira mɔgɔtilennin ye.

Kor fɔlɔ 1:30

Nga ale lo barika la aw kɛra Yezu Krista jɛnɲɔgɔnw ye, an ye lɔnniya sɔrɔ ale barika la ka bɔ Ala fɛ, ale fana sababu la, an kɛra mɔgɔtilenninw ye Ala ɲakɔrɔ ka kɛ a ta ye, ani mɔgɔhɔrɔnyaninw.

Kor 2nan 5:21

Krista min ma kojugu kɛ, Ala y'a kɛ a sigɛnna an ka hakɛ kosɔn waasa an ka kɛ mɔgɔtilenninw ye ale ɲakɔrɔ Krista barika la.

Galasikaw 3:14

A kɛra ten, Ala tun ye hɛrɛ min koo fɔ Ibrayima ye, o ka se ka kɛ siya wɛrɛw ye Yezu Krista barika la, ani Ala tun y'a daa di Nii Senuman min koo la, an k'o sɔrɔ jigi barika la.

Galasikaw 4:15

Aw minw tun nisɔndiyara kosɔbɛ, aw ka nisɔndiya nin tora min? Ne ba fɔ tiɲɛ na ko n'aw tun be se k'aw ɲaa wɔgɔbi k'o di ne ma, aw tun bena o kɛ.

Ɛfɛsikaw 1:3

An ka barika la Ala ye, ale min ye an Matigi Yezu Krista Faa ye. A y'an ta ɲa k'a ka sankolo ɲumanya bɛɛ kɛ an ye Krista barika la.

Sariya 33:29

Isirayɛlidenw, aw dagamuna dɛ! Jɔn be i ko aw? Masaba y'aw le kisi. Masaba y'aw tangabaga n'aw dɛmɛbaga ye, murujan lo, min be see di aw ma. Aw juguw bena u yɛrɛ majigi aw kɔrɔ, aw bena u ka yɔrɔbabaw cɛn.»

Filipikaw 3:9

ka jɛn n'a ye. A ma kɛ ko ne tilennin be Ala ɲakɔrɔ sariya batoli kosɔn. Nga ne tilennin be a ɲakɔrɔ bari ne ye n jigi la Krista kan. O tilenninya nin be sɔrɔ jigi barika la Ala fɛ.

Tim 2nan 1:9

Ale min y'an kisi ani k'an wele ka kɛ a ka siya ye, o ma kɛ an ka kɛwaliɲuman sababu la, nga ale yɛrɛ ka koo latigɛnin, n'a ka nɛɛma sababu lo. A y'o nɛɛma labɛn an ye Yezu Krista barika la kabini diɲɛ ma dan fɔlɔ.

Yakuba 2:18

O la, dɔ be se k'a fɔ ko: «I ko i jigi be Ala kan, ne kɔni be kɛwaliɲumanw le kɛ. E k'i jigi yira ni kɛwali niin t'a la, ne bena n ta yira ni kɛwali ye.»

Piy 2nan 1:1

Ne Simɔn Piyɛri min ye Yezu Krista ka ciden, n'a ka baaraden ye, ne be bataki nin ci aw ma, aw minw ye an ka jigi ɲanaman ɲɔgɔn sɔrɔ anw ka Ala n'an kisibaga Yezu Krista ka tilenninya kosɔn.