Rɔmukaw 4:1 - ALA KA KUMA

¹ An bena mun le fɔ an bɛma Ibrayima ka koo la? A ye mun le sɔrɔ adamadenya barika la?

Jula NT of Côte d’Ivoire

¹ Ayiwa, an bɛna mun le fɔ Iburahima ta ko ra, ale min ye an bɛmacɛ ye adamadenya sira fɛ? Ale ta kɛra cogo di le?

LAYIDUKURA

¹ An bɛna mun le fɔ an bɛma Ibrayima koo la? A ye mun le sɔrɔ adamadenya barika la?

Rɔmukaw 4:1 Iomraidhean Croise

Ezayi 51:2

Aw k'aw faa Ibrayima n'aw baa Sara filɛ. Ne ye Ibrayima wele tuma min na, deen tun t'a fɛ. Ne ye barika don a la, a ye deen caaman sɔrɔ.»

Matiyu 3:9

Aw kana miiri ko Ala bena aw kisi bari Ibrayima ye aw faa ye. Ne b'a fɔ aw ye ko Ala be se ka kabakuru nunu yɛlɛma k'u kɛ Ibrayima deenw ye.

Luka 3:8

Aw ka kɛwaliɲumanw kɛ k'a yira ko aw nimisara ka faran aw ka kojuguw la. Aw kana miiri ko Ala bena aw kisi bari Ibrayima ye aw faa ye. Ne b'a fɔ aw ye ko Ala be se ka kabakuru nunu yɛlɛma k'u kɛ Ibrayima deenw ye.

Yuhana 8:33

U y'a jaabi ko: «Anw ye Ibrayima deenw ye. An ma deli ka kɛ mɔgɔ si ka jɔɔn ye. I be se k'a fɔ cogo di ko an bena kɛ hɔrɔnw ye?»

Yuhana 8:53

An faa Ibrayima min sara, e ka fisa n'o ye wa? Kiraw fana sara. E b'i yɛrɛ jati mun le ye?»

Yuhana 8:56

Aw faa Ibrayima nisɔn tun diyara, bari a miirila ko a bena ne ka tile ye. A do y'a ye, o nisɔndiya nin y'a wasa.»

Kɛwalew 13:26

«Ayiwa n balimaw, aw minw buruju bɔra Ibrayima na, ani aw siya wɛrɛ minw bɛɛ be siran Ala ɲa, Ala ka hɛrɛ sɔrɔ kuma nin ye an le ta ye.

Rɔmukaw 1:3

o y'a Dencɛ ka koo ye, ale min wolola Dawuda kɔmɔgɔw fɛ ka kɛɲɛ ni adamadenya ye.

Rɔmukaw 3:5

Nga ni Ala ka tilenninya be lɔn an ka tilenbaliya barika la, an bena mun le fɔ sa? O kɔrɔ ko ni Ala dimina an kɔrɔ, o ye kojugu ye wa? N be kumana adamadenw kumacogo le la.

Rɔmukaw 4:16

Ayiwa, Ala y'a daa di koo min na, o be sɔrɔ jigi le barika la, janko o ka kɛ nɛɛmako ye, Ibrayima kɔmɔgɔw bɛɛ ka se k'u niyɔrɔ sɔrɔ o la. Mɔgɔ minw be sariya bato, olu dama ka koo tɛ, nga mɔgɔ minw b'u jigi la Ala kan i n'a fɔ an bɛɛ faa Ibrayima, olu fana ta lo.

Rɔmukaw 6:1

An ka mun le fɔ sa? An ka kan ka to hakɛ la janko Ala ka nɛɛma be boɲa wa?

Rɔmukaw 7:7

An ka mun le fɔ sa? O tuma na, sariya kɛra hakɛ ye wa? Ayi dɛ! Ne ye hakɛko faamu sariya le barika la. N'a tun ma fɔ sariya la ko: «I ɲaa kana bɔ i mɔgɔɲɔgɔn ka fɛɛn fɛ.» Ne tun ten'a lɔn ko n'i ɲaa bɔra i tɔɲɔgɔn ka fɛɛn dɔ fɛ, ko o ye kojugu ye.

Rɔmukaw 8:31

An be mun fɔ tugu? Ni Ala b'an fɛ, jɔn be wili an kama tugu?

Kor 2nan 11:22

Olu ye eburu ye kɛ? Ne fana ye dɔ ye. Olu ye Isirayɛlidenw ye wa? Ne fana ye dɔ ye! U ye Ibrayima ka deenw ye. Ne fana ye dɔ ye!

Heburuw 12:9

An wolofaw y'an ladi, an sɔnna u ta ma. An Faa Ala min ye nii tigi ye, mun na an tena sɔn o ta ma ka to nii na?